Ingerlatseqatigiiffik milliardikkaanik kaaviiaartitalik, Polar Seafood Denmark, Islandimi raajanik tunisassiorfinnut marlun-
nut, maanna piginneqataalerpoq. Ingerlatseqatigiiffik suliffeqarfimmut Kampimut,
Isafjørdurimiittumut, piginneqatiginnissutinik, aktianik, aalajangersimanngitsunik,
millionit koruuninik amerlanngitsunik
akilikkaminik pisisoq, pisortaq Henrik Leth
Sermitsiamut oqaluttuarpoq.
– Milliardit sisamararterutaannik akiliilluni raajanik tunisassiorfiliornermut sanilliul-
lugu aningaasaliineruvoq annertunngitsoq.
Ingerlatseqatigiiffik milliardikkaanik kaaviiaartitalik, Polar Seafood Denmark, Islandimi raajanik tunisassiorfinnut marlun-
nut, maanna piginneqataalerpoq. Ingerlatseqatigiiffik suliffeqarfimmut Kampimut,
Isafjørdurimiittumut, piginneqatiginnissutinik, aktianik, aalajangersimanngitsunik,
millionit koruuninik amerlanngitsunik
akilikkaminik pisisoq, pisortaq Henrik Leth
Sermitsiamut oqaluttuarpoq.
– Milliardit sisamararterutaannik akiliilluni raajanik tunisassiorfiliornermut sanilliul-
lugu aningaasaliineruvoq annertunngitsoq.
– Islandimiut suliffeqarfiutaannik pisinermi raajanik uusunik qalipaajariikkanillu
nunarsuarmi tuniniaaqqittartuni anginerpaanerput nukittorsarniarparput, Polar
Seafood Denmarkip pisortaa oqarpoq.
Henrik Lethip Islandimiut suliffeqarfiutaannut qanoq annertutigisumik piginneqataalernerlutik Kampi-mulluunniit piginneqatigiissutinut qanoq akiliinerlutik oqaatigiumanngilaa.
Polar Seafood Denmark Aalborgip eqqaani Vodskovimi allaffeqarfeqarpoq. Taassuma
raajat uusut qalipaajakkallu ukiumut 16.000
tonsit missaat tunisarpai.
Taakkunannga affangajaat Norgemi Islandimilu tunisassiarineqartarput raajallu
Canadami, Islandimi Norgemilu pisaasarlutik. Tunisat sinneri Nuummi Aasiannilu
Polar Raajani tunisassiarineqartarput.
– Tunisassiorfiup Islandimiittup raajat
uusut qalipaajakkallu ukiumut 10.000 tonsit
tunisassiarisassavai, taakkua Norgep sineriaani Barentip imartaaneersuunerussapput.
Raajalli tunisassiarineqartussat ilaat Islandip
Canadallu imartaani pisarineqarsimasuussapput, Henrik Leth oqarpoq.
Barentip imartaa
raajarniarfissuusoq
Polar Seafood Denmarkip Islandimiut suliffeqarfiutaannik piginneqataalernera Norgep
sineriaani Barentip imartaani raajarniartoqarnerulerneranik peqquteqarpoq. Raajartassat 150.000 tonsiupput.
– Barentip imartaani saarullinniartukillinera ilutigalugu Norgemiut kilisaaterpassui
maanna raajarnialerput. Kampimut piginneqatigiissutinik pisinermi nunarsuarmi
raajanik uusunik qalipaajakkanillu tuniniaasuunermi anginerpaanerput nukittorsarluarsinnaavarput, Henrik Leth oqarpoq.
Polar Seafood Denmark Islandimi tunisassiorfimmi tunisassianik annertuunik
pisisareerpoq.
Ingerlatseqatigiiffik raajanik suliarineqanngitsunik, Norgemiut kilisaataannit
pisanik, pisisalissaaq. Raajat taakkua Kampimi qalipaajarneqartassapput piareeqqasutullu tuniniarneqartassallutik.
– Raajanik uusunik qalipaajakkanillu
Kampimeersunik tuniniaaqqittarnerput
annertusarusupparput.
– Naak tuniniaaviit ajornakusooraluartut
raajanullu piariikkanut akit akikikkaluaqisut tuniniarsinnaanissaat qularutiginngilluinnarparput, pisortaq oqarpoq.
Polar Seafood Denmarkimi aalisarneq,
aalisakkanik suliarinninneq niuernerlu,
aalisakkanik qalerualinnillu tunisassiorneq
suliarineqartarput.
Polar Seafoodip raajat uusut qalipaajariikkallu tunisartagaasa oqimaannerpaartaat pisisartut Skandinaviameersut, Tuluit
Nunaanneersut, Kinamiut kangiamiullu
pisiarisarpaat.
Atlantikup avannaani
raajaleriffikinnerulersoq
Nunap qaani raajaleriffiit amerlasuut,
raajanik qalipaajariikkanik tunisassiortuusut, ukiut qulikkuutaartut ingerlaneranni
matoorarput.
Polar Seafood Denmarkip Kampimik
piginneqataalernermini, raajanillu uusunik
qalipaajariikkanillu kilisaatinit Barentip
imartaani aalisartunit tunisassiulernermini,
kilisaataatileqatigiiffiit raajanik nammineq
qalipaajagassanik pisiffigisalersinnaanissaat
neriuutigaa.
– Atlantikup avannaani qalipaajagassakippoq. Raajanik qalipaajakkanik tuniniaaqqittarnerput annertusarneroqqissagutsigu raajanik uunneqarsimasunik pisilluta taama
iliorsinnaavugut. Taakkua Norgemiut kilisaataataannit Barentip imartaani aalisartunit, kilisaammi tunisassiarineqartassapput Kampimullu tunisassiaasassallutik,
oqarpoq.
Polar Seafood Greenland Royal Greenlandilu nunatsinni tamarmik immikkut
marlunnik tunisassiorfeqarput. Taakkua
Norgemi Islandimilu aamma tamarmik
immikkut marlunnik tunisassiorfeqarput.
Isaatitserusunneq
Polar Seafood Denmarkip affaa Polar Seafood Greenlandimit affaalu Islandimeersumit Brimimit pigineqarpoq.
Polar Seafood Denmarkip siorna
siornaallu 3,8 milliardit koruunit ukiumut
kaaviiaartippai. Ingerlatseqatigiiffik 2023-mi
akileraareerluni 82 millionit koruuninik
sinneqartoorpoq 2022-milu aatsaat taama
angusarissaartigaluni 229 millionit koruuninik angusaqarpoq. Ingerlatseqatigiiffik
Ruslandimi ingerlatseqatigiiffiutimi 2022-mi
tuninerata kingorna isertitaqarniarnerminik ilungersuavoq.
