Nipisanniarneq
upernaakkut piffissami sivikitsuinnarmi ingerlanneqartarpoq, nipisaallu
suaannik tunisinermi akigitinneqartartut naliginnaasumik qaffasittarmata,
aningaasanik isaatitsilluarnissamut periarfissaq umiatsiaararsortunit
atorluarneqarusuttarpoq. Nipisanniarnerulli qanoq ingerlanissaanut silap qanoq
innera apeqqutaalluinnartarmat aalisarneq ukiumiit ukiumut nikerarsinnaasarpoq.
Aqutsiveqarfik 1 A-mi Qeqertarsuup Tunuani nipisanniarneq siorna
pitsaasuusimavoq, ukiorli manna upernaap silaannaa siornamut naleqqiullugu
nillerneruinnarani aammali imaq sikuuneruvoq, tamannalu nipisanniarnerup
suannillu tunisassiornerup aallartinnerliorneranik kinguneqartoq, aalisartut
aalisakkanillu tunitsiviit oqaatigaat.
Nipisanniarneq
upernaakkut piffissami sivikitsuinnarmi ingerlanneqartarpoq, nipisaallu
suaannik tunisinermi akigitinneqartartut naliginnaasumik qaffasittarmata,
aningaasanik isaatitsilluarnissamut periarfissaq umiatsiaararsortunit
atorluarneqarusuttarpoq. Nipisanniarnerulli qanoq ingerlanissaanut silap qanoq
innera apeqqutaalluinnartarmat aalisarneq ukiumiit ukiumut nikerarsinnaasarpoq.
Aqutsiveqarfik 1 A-mi Qeqertarsuup Tunuani nipisanniarneq siorna
pitsaasuusimavoq, ukiorli manna upernaap silaannaa siornamut naleqqiullugu
nillerneruinnarani aammali imaq sikuuneruvoq, tamannalu nipisanniarnerup
suannillu tunisassiornerup aallartinnerliorneranik kinguneqartoq, aalisartut
aalisakkanillu tunitsiviit oqaatigaat.
Tunisat
ikinnerusut
Royal
Greenlandip Qeqertarsuarmi aalisakkanut suliffissuaataani pisortaq Mona Lisa
Isaksen naapertorlugu, ukioq manna nipisat suaannik tunisineq 25. april ammarpoq,
kisiannili siorna piffissap taamaalineranut naleqqiullugu maannakkumut
tulaanneqartut ikileriangaatsiartut – piffissamili tulliuttumi tunisinerup
annertunerulernissaa naatsorsuutigigitsik, taassuma oqaatigaa.
- Piffissami
siullermi tunisat ikinnerusarput, kingusinnerusukkulli malunnaatilimmik
amerleriartarnerat misilittakkat takutippaat. Kisianni silaannaq nillernerullunilu
imaq sikuuneruvoq, taamaattumik ukioq manna tunisassiorneq qanoq issanersoq maannakkumut
nalunarallarpoq, taanna oqarpoq.
Qeqertarsuarmi
umiatsiaararsortoq Jaakunnguaq Geisler naapertorlugu nipisanniarneq
ammaqqaarmat sikut annertuumik akornutaasimapput.
- Sikuuallaartillugu
qassutaarsiutit amerlasinnaasarput, taamaattumik nipisanniarneq aatsaat iluamik
aallartikkiartulerpoq, taanna oqarpoq.
Qeqertarsuarmi
aalisartut piniartullu peqatigiiffianni siulittaasoq Johannes Mølgaard
naapertorlugu, nipisanniarnerup aallarteqqaarnerani sikut
ajornartorsiutaasimagaluartut maannakkut ajornartorsiutaavallaarunnaarput.
Kisiannilli suli aputeqartorujussuuvoq silaannarlu nillerluni, tamatumalu
saniatigut silap unerisimannginnera aalisarnermut akornutaasoq aammali
siornamut naleqqiullugu nipisakinnerusoq, taassuma oqaatigaa.
Aalisarneq
suli aallartinngitsoq
Kitsissuarsunni
nipisanniarneq aalisartut aningaasaqarnerannut pingaaruteqarluinnarpoq, aatsaalli
qanittumi sikuermat Halibut Greenlandip nipisat suannut tunitsivia suli
ammanngilaq.
Akunnaamilu
nipisanniarneq aamma suli aallartinngitsoq umiatsiaararsortoq Lars Olsen oqarpoq.
- Issarli
sikueraluarpoq kisianni sumiiffiit allat assigalugit
anorleqattaaginnaavippoq. Piffissami
sivisunerusumi taamaassappat, aalisarneq suli iluamik aallartinngitsoq
nipisanniarnerup matuneqarnissaa ernumanarpoq, taanna oqarpoq.
Qasigiannguanittaaq
nipisanniarneq suli aallartinngitsoq, aalisartut piniartullu peqatigiifianiit
oqaatigineqarpoq.
Annikitsuinnarmik
aalisartoqartoq
Upernaaq
manna silap sikullu nipisanniarnermut akornutaanerat aalisartut
aningaasaqarnerannut maannakkorpiaq eqquinerlukkaluartoq, taamaattoq piffissami
tulliuttumi aalisarnerup pitsaanerulernissaa ilimanartoq, Aasianni aalisartut
piniartullu peqatigiiffianni siulittaasoq Lars Peter Mølgaard oqarpoq.
- Maajip
qiteqqunnerata missaaniit juunip aallartisimalerneranut nipisaat
amerliartulertarput, neriussaagullu ukioq manna aamma taamaakkumaartoq,
taamaattumik ernumanissamut maannakkut suli pissutissaqanngikkallarpugut,
taanna oqarpoq.
Royal
Greenlandip Kangaatsiami aalisakkanut suliffissuaataanut maannakkumut nipisaat
suaat 1 tonsit missaat taamaallaat tulaanneqarput, piffissallu taamaalinerani
siorna 10 tonsit missaat tulaanneqarsimallutik.
Royal
Greenlandimut nipisat suaannik tunisinermi kilomut 28 koruunit, taassuma
qaavatigut tapigitinneqartoq 1 koruuni akigitinneqarpoq.
