Royal Greenlandip siulersuisui nutaat ukuupput
Suliffeqarfissuarmi Namminersorlutik oqartussanit pigineqartumi Royal Greenlandimi, ukioq manna 2023-mut, akileraarutinut akileereerluni 211 million koruuninik amigartooruteqarfiusumut, sanilliullugu sinneqartooruteqarniarluni ilungersortumi, ullumi ataatsimeersuarnermi, siulersuisunut ilaasortat taarserneqarput.
Royal Greenland
Namminersorlutik oqartussat Janne Molkte-Leth Karsten Høyilu Royal Greenlandip siulersuisuinut ivertippaat.
Inuk tulleq Susanne Christensen siulersuisuniikkunnaarpoq, taassumalu Jesper Højer Johannes Jensenilu ingiaqatigalugit siulersuisuujunnaarnissaa ataatsimeersuarnermi nalunaarutigineqarpoq.
Janne Molkte-Leth 2023-p ukiaani igaffiliorfimmi Reformimi, Royal Greenlandisulli ullumikkut aningaasaqarnikkut anorersuarsiortumi killullu tungaanut saatitsiniarfiusumi pisortanngortinneqarpoq.
Taanna siusinnerusukkut Københavns Lufthavnimi kommerciel direktøriusivoq, Kolpin Hotelsimilu, hotelinik nalunnguartarfilinnik arlalinnik piginnittumi CEO-jusimalluni. Taanna aamma Sydbankip siulersuisuini ilaasortaavoq.
Kiinaq ilisarisimaneqarluartoq
Karsten Høy siusinnerusukkut Nalik Venturesimi pisortaasimanermigut, Kalaallit Nunaanni ilisarisimaneqarluarpoq. Taanna maanna aatsitassarsiorfimmi ajornartorsiortumi Greenland Rubymi pisortaavoq. Taannattaaq ilaatigut Ilisimatusarfimmi siulersuisunut ilaasortaavoq.
Siulittaasoq Maliina Abelsen, Niels Thomsen, Preben Sunke aamma Arnannguaq Holm Olsen toqqaqqinneqarput.
