Danskit sanaartornermik ingerlatsivissuata MT Højgaard Holdingip Kalaallit Nunaanni suliffeqarfiutaani marlunni iluatsinngitsuni aningaasat aniaannavipput.
MT Højgaard Grønland ApS-ip aamma Arssarnerit A/S-ip siorna annaasaqaataat katillugit 218 millionit koruuniupput, tamannalu Kalaallit Nunaanni sanaartugassanik suliassinneqartartut annaasaqaatigisimasaannit annerujussuugunarpoq.
Danskit sanaartornermik ingerlatsivissuata MT Højgaard Holdingip Kalaallit Nunaanni suliffeqarfiutaani marlunni iluatsinngitsuni aningaasat aniaannavipput.
MT Højgaard Grønland ApS-ip aamma Arssarnerit A/S-ip siorna annaasaqaataat katillugit 218 millionit koruuniupput, tamannalu Kalaallit Nunaanni sanaartugassanik suliassinneqartartut annaasaqaatigisimasaannit annerujussuugunarpoq.
Mittarfiup illutaa ilinniartullu ineqarfii
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
Sanaartornermik ingerlatsisoq MT Højgaard Grønland 2023-mi ukiut sisamassaat millionilinnik amigartooruteqarpoq. Ingerlatseqatigiiffi k akileraarutit ilanngaatigereerlugit 136 millionit koruuninik amigartooruteqarpoq, kaaviiaartitaalu 329 millionit koruuniupput.
Soorlu Sermitsiami allaaserineqareersoq MT Højgaard Grønlandip annaasaqarneranik pingaarnertut pissutaapput Nuummi mittarfiup illutassaanik sanaartorneq kiisalu Nuummi Qaqortumilu kollegialiornerit.
Suliffeqarfik piginneqataaqataa, innaallagissiorfi k Arssarnerit, 2023-mi 33 millionit koruuninik iluanaarutissaqaraluarluni 82 millionit koruuninik amigartooruteqarpoq.
Tamanna naatsorsuutinit saqqummiunneqaqqammersunit atuarneqarsinnaavoq.
75-85 millionit koruuninik amigartooruteqarnissaq naatsorsuutigineqarpoq
Ukioq manna ingerlatseqatigiiffiit taakku marluk ingerlanerliornerat taamaaginnassaaq. MT Højgaard Grønlandip akileraarutit ilanngaatigereerlugit 75 aamma 85 millionit koruunit akornanni amigartooruteqarnissani naatsorsuutigaa.
– Ukiuni tulliuttuni suliassat annikinnissaat naatsorsuutigineqarpoq. Suliat annikinnerat suliallu kingulliit naammassineqarnissaat eqqarsaatigalugit ingerlatseqatigiiffiup naatsorsuutigaa 2024-mi kaaviiaartitat 100 aamma 110 millionit koruunit akornanniissasut, ingerlatseqatigiiffik 2023-mut naatsorsuutini allappoq.
Arssarnerit taama annertutigisumik amigartooruteqarnavianngilaq. 2023-mut naatsorsuutit naapertorlugit akileraarutit ilanngaatigereerlugit amigartoorutit 15 aamma 19 millionit koruunit akornanniissasut naatsorsuutigineqarpoq.
MT Højgaard Holding Kalaallit Nunaanni ingerlatsinini tuniniariarlugu taamaatissallugu siorna aalajangerpoq.
