Savaaqqat
toqusarnerat Kujataani savaatilinnut suli ajornartorsiutaangaartoq Siiku
Bjerge, Eqaluit Akiani savaatilik Savaatillillu Peqatigiit Suleqatigiissuni,
SPS-imi, siulittaasup tullia, oqarpoq.
Kujataani
savaaqqat toqusarnerat pillugu misissuinermut nassuiaat allaqqaagaq,
Namminersorlutik Oqartussani Pinngortitamut Naalakkersuisoqarfimmit piffissami
2022-mit 2024-mut suliarineqartoq tamanut tusarniaassutigineqaqqammerpoq.
Kujataanilu savaatillit akissutigisaat tunngavigalugit Pinngortitamut
Avatangiisinullu Naalakkersuisoqarfiup nassuiaat Naalakkersuisut inaarutaasumik
isumaliutissiissummik isummernissaat siunertaralugu, ukiakkut ataatsimiinnermi
maannakkut ingerlanneqartumi Inatsisartuni ilaasortanut agguaanneqartussaq
nutarterpaa.
Savaaqqat
toqusarnerat Kujataani savaatilinnut suli ajornartorsiutaangaartoq Siiku
Bjerge, Eqaluit Akiani savaatilik Savaatillillu Peqatigiit Suleqatigiissuni,
SPS-imi, siulittaasup tullia, oqarpoq.
Kujataani
savaaqqat toqusarnerat pillugu misissuinermut nassuiaat allaqqaagaq,
Namminersorlutik Oqartussani Pinngortitamut Naalakkersuisoqarfimmit piffissami
2022-mit 2024-mut suliarineqartoq tamanut tusarniaassutigineqaqqammerpoq.
Kujataanilu savaatillit akissutigisaat tunngavigalugit Pinngortitamut
Avatangiisinullu Naalakkersuisoqarfiup nassuiaat Naalakkersuisut inaarutaasumik
isumaliutissiissummik isummernissaat siunertaralugu, ukiakkut ataatsimiinnermi
maannakkut ingerlanneqartumi Inatsisartuni ilaasortanut agguaanneqartussaq
nutarterpaa.
Tamanna
Isumaginninnermut, Suliffeqarnermut, Nunamut Namminermut Avatangiisinullu
Naalakkersuisup Bentiaraq Ottosenip Atassummeersup Inatsisartunut ilaasortamut
Marianne Paviasen Jensenimut Inuit Ataqatigiinneersumut savaaqqat
toqorartarnerat pillugu misissuinerup sumut killinnera paasiniarlugu paragraf
37 naapertorlugu apeqquteqaataanut akissutaani atuarneqarsinnaavoq.
Paasissutissat
pingaarutillit
Savaaqqat
toqorartarnerat pillugu misissuinermi savaatillit nalunaarsorneqarsimasut
45-usut akornannit 41-t apersorneqarput, taamaalillunilu savaaqqat amerlasuut
ukiut tamaasa tammartarnerannik toqusarnerannillu paasinninnerulernissaq
siunertaavoq.
Misissuineq
apeqqutinik immersugassanik imalik 2023-mi 2024-milu ingerlanneqarpoq,
tassanilu savaaqqat toqorartarnerat pillugu paasissutissanik sukumiisumik katersuisoqarpoq.
Ukiut
kingulliit ingerlaneranni savaaqqat qassit toqusimanersut misissuinermi
peqataasut aammattaaq aperineqarput. Bentiaraq Ottosen naapertorlugu
akissutigineqartut ajornartorsiummut tamatumunnga aaqqiissutissanut
tunngavigineqassapput.
- Kujataani
savaaqqat toqorartarnerat pillugu paasisat pingaarutillit Savaatillit
Peqatigiit Suleqatigiissut ukiumoortumik nalunaarsortagaanneersuupput, taakkulu
savaatilinniit ilaatigut savaaqqat anisinneqartartut katersorneqartartullu
amerlassusaat, annaasat amerlassusaat toqunerinullu pissutaasut kiisalu
inuttaqarnermi pissutsit allat pillugit paasissutissanit aaqqissuussanit
ukiualunni pissarsiarineqartarput.
- Paasissutissat
taakku savaaqqat neqaannik tunisassiornerup piffissallu ingerlanerani annaasat
ineriartornerinik malinnaanissamut periarfissiisaramik pisartunik
suliniuteqarfissanillu suussusersinissamut pingaarutilittut tunngaviupput,
Bentiaraq Ottosen paasissutissiivoq.
Savaatilinnit
tamanit paasissutissat nalunaarusiami missingersuinerni tamakkiisuni
sapinngisamik atorluarneqarput, Marianne Paviassen Jensenimut akissummi
allassimavoq.
Pissutaasut
arlaliusut
Savaatillit
Peqatigiit Suleqatigiissut siulittaasuata tullia Siiku Bjerge naapertorlugu,
Eqaluit Akiani 400-t missaannik savaqartumi, savaaqqat toqorartarnerat
sumiiffinnit sumiiffimmut assigiinngiiaarpoq. Savaaqqat qassit ukiumut
toqusarnersut SPS-imit kisitsisaatigineqanngilaq, ajornartorsiulli savaatillit
isertitaannut soorunami sunniuteqartartoq ilisimaneqarpoq.
- Savaaqqat
toqorartarnerannut pissutaasut assigiinngitsuupput, pingaarnerpaallu ilaat
tassaavoq terianniat perlerortut savanik savaaqqanillu saassussisarnerat
tunillaasarnerallu toqutsiinnarnissamik kinguneqartartoq, tamannalu sumiiffiit
ilaanni annertuumik ajornartorsiutigineqartutut isigineqartariaqarpoq.
- Terianniat
amii tunineqarsinnaapput, amerliartorunnaarsinniarlugillu savaatillit
sapinngisamik amerlanerpaanik pisaqarniartarput.
- Apingaatsiarsimagaangat
savaaqqat savallu toqusarnerat ajornartorsiutit iliuusivineqaruminaatsut
ilagaat. savaaqqalli toqorartarnerannut pissutaasut assigiinngitsorpasuupput,
taamaammat taama amerlatigisut toqusarnerannut aalajangersimasumik pissutissaqartoqanngilaq,
taanna oqarpoq.
Savaaqqat
toqorartarnerat killilersimaarniarlugu qanoq iliuuseqartoqartariaqarnersoq suli
oqaatigiuminaappoq, Siiku Bjerge isumaqarpoq.
SPS
naapertorlugu Kujataani savaatillit ukiuni kingullerni
ikiliartorusaarsimagaluartut inuusuttut savaateqarnermik suli soqutiginnimmata
Siiku Bjergep siunissaq ernumaginagu naqissusiivoq.
