KL

DK

Sikup aalisarneq ingerlatikkaa

Avannaani atorsaasumik sikoqanngippat aalisarnermik inuussutissarsiuteqarneq aalisakkanillu tunisassiorneq aalaakkaasumik ingerlanneqarsinnaanngitsoq, aalisartut aalisakkanillu suliffissuit oqaatigaat.

- Ukiup naajartornerani aalisartut inuussutissarsiutaaruttarput, taamaaligaangallu sikunissaa qilanaarineqarluni utaqqiinnarneqalertarpoq, Kullorsuarmi aalisartut piniartullu peqatigiiffianni siulittaasoq aamma Arctic Fish Greenlandip siulersuisuinut ilaasortaq Timotheus Petersen oqarpoq.
Arne Mølgaard Tusagassiortoq
Saqqummersinneqarpoq

Ukiakkut kingusissukkut ukiullu naajartornerani silap unerisimannginnerata sikuniarneratalu nalaani avannaani aalisarneq piffissami sivisuumi aalaakkaasumik ingerlanneqarsinnaaneq ajorpoq.

Taamaattumik aalisarnermik inuussutissarsiuteqarnerup aalisakkanillu tunisassiornerup ingerlaannarsinnaaneranut sikuusarnera aalajangiisuulluinnartartoq, aalisartunit aalisakkanillu suliffissuarniit oqaatigineqarpoq.

Ukiakkut kingusissukkut ukiullu naajartornerani silap unerisimannginnerata sikuniarneratalu nalaani avannaani aalisarneq piffissami sivisuumi aalaakkaasumik ingerlanneqarsinnaaneq ajorpoq.

Taamaattumik aalisarnermik inuussutissarsiuteqarnerup aalisakkanillu tunisassiornerup ingerlaannarsinnaaneranut sikuusarnera aalajangiisuulluinnartartoq, aalisartunit aalisakkanillu suliffissuarniit oqaatigineqarpoq.

Piffissamilu matumani sumiiffinni assigiinngitsuni siku atorsaalerpoq aalisarnerlu aallartilluareerpoq. 

Ukiukkut tunisat amerlanerusut

Upernavimmut nunaqarfiinullu qulingiluaasunut ukiumut qalerallit 9.300 tonsit pisassiissutigineqartarput, ukiullu naajartornerani silap unerisimannginneranik sikuniarneranillu peqquteqartumik tamaani aalisartorpassuit aningaasarsiorfeeruttarput. Tamannalu ilaqutariinnut aalisartukkormiunut eqquinerluinnarani aammali aalisakkanik suliffissuarni tunisassiornerup aalaakkaasumik ingerlajunnaarneranik kinguneqartarpoq. Kullorsuarmi Arctic Fish Greenland ApS-ip aalisakkanik suliffissuaataanut novemberimi decemberimilu qalerallit ikittuinnaat tunineqarput, piffissamilu tassani sulisut amerlanerpaartaat angerlartinneqarallartarput. Aalisakkerivimmut qalerallit 419 tonsit siorna tulaanneqarput, taakkualu amerlanerpaataat januarimiit upernaakkut sikuernissaata tungaanut tulaanneqarsimasut suliffissuarmiit oqaatigineqarpoq.

Siku pingaaruteqarluinnartoq

Piffissami matumanerpiaq Kullorsuarmi eqqaanilu siku atorsaalersimavoq aalisarnerlu aallarteqqissimalerpoq. Tamannali sioqqullugu sikuartaleraangat sikup issussusaa ullut tamaasa malinnaaffigeqqissaarneqalertartoq, Kullorsuarmi aalisartut piniartullu peqatigiiffianni siulittaasoq Timotheus Petersen oqarpoq.

- Ukiup naajartornerani aalisartut inuussutissarsiutaaruttarput, taamaaligaangallu sikunissaa qilanaarineqarluni utaqqiinnarneqalertarpoq.

- Sikulu decemberimi januarimiluunniit atorsaaleraangat Kullorsuup eqqaani sumiiffinnilu allani sikukkut ningittakkersorluni qaleralinniarneq ingerlaannaq aallartittarpoq, taanna oqarpoq.

Kullorsuarmiit 30 kilometerit ataatilaarlugit kangisinnerusumi sikumi aalisarfik nutaaq ukiut kingulliit atorneqalerpoq, illuaqqanilu qamuteralannik kalillugit angallattakkani aalisartut ullut arlallit ilaanni sikumi aalisartarput.

Naleqqussarnissaq pingaaruteqartoq

Silaannaap allanngoriartorneranik peqquteqartunik sikuusarnera allanngoriartorpoq, Kullorsuullu eqqaani siusinnerusukkut novemberip naajartornerani sikukkut aalisarneq aallartittarsimagaluartoq, ukiuni kingullerni aatsaat januarimi tamakkiisumik aallartittalersimavoq. Tamaattumik silaannaap allanngoriartorneranut naleqqussarnissaq pingaaruteqartoq, Timotheus Petersen, Arctic Fish Greenlandip, Kullorsuarmi Nuussuarmilu aalisakkanik suliffissuarnik ingerlatsisuusup, siulersuisuinut ilaasortaasoq oqarpoq.

- Sivikinnerusumik sikuusalernera peqqutigalugu aalisartut umiatsiaaqqanik suliffeqarfik aqqutigalugu ajornannginnerusumik pissarsisinnaalernissaat anguniarlugu suliniutit aallartinneqarnissaat eqqarsaatitsinnut ilaavoq, taanna oqarpoq.

Aammali ukiuunerani sikukkut aalisarnerup annertunerusumik ingerlanneqarsinnaanissaa siunertaralugu Arctic Fish Greenlandip 2 millionit koruuninik aningaasalineratigut, qamuteralaat nutaat 15-it aalisartunut suliffeqarfimmut piginneqataasunut akilersugassanngorlugit akilersugassanngorlugit siorna ukiup naajartornerani tunniunneqarput.

Siku pinngitsoorneqarsinnaanngitsoq

Qaanaami decemberimiit junip tungaanut sikuunerata nalaani taamaallaat qaleralinniartoqartarpoq, piffissamilu matunami aalisarneq aallarnisaleruttortoq aalisakkanut suliffissuarmi ulluinnarni ingerlatsisoq Ujuut Olsen oqarpoq.

Siorna qalerallit 60 tonsit missaat taamaallaat tulaanneqarput, ukiorli manna aalisartut amerlanerummata ukiut siuliini tulaanneqartartut 150 tonsit missaanniittut tulaanneqarnissaat neriuutigingitsik, taassuma oqaatigaa.

Uummannami eqqaanilu maanna sikunialerpoq, ukiuuneranilu sikukkut aalisarneq aallartikkaangat qalerallit aalisakkerivinnut tulaanneqartartut amerlanerulertartut aalisakkerivinniit oqaatigineqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

  • Sermitsiaq.gl-imi allaaserisat tamakkiisumik atuarsinnaalissavatit
  • Qaammammut kr. 59.00
  • Ukiumut kr. 650.00
Pisigit

Sermitsiaq - E-aviisi

  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

AG - Atuagagdliutit E-aviisi

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq.gl-mi allaaserisat tamakkiisumik atuarsinnaanngussavatit
  • Qaammammut kr. 191
  • Ukiumut kr. 1.677
Toqqaagit

Sermitsiaq.AG+

  • Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
  • Sermitsiaq e-aviisitut tallimanngornerit tamaasa saqqummersartoq atuarsinnaalissavat
  • Sermitsiaq.gl-imi allaaserisat tamakkiisumik iserfigisinnaalissavatit
  • Arnanut e-magasinatut atuarsinnaalissavat
  • Nutserisoq.gl atorsinnaanngussavat
  • Soqutiginnikkuit abonnement@sermitsiaq.gl-imut allagaqarsinnaavutit
Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.

qaanaaq nordgrønland avannaata kommunia erhverv fiskeri & fangst havis inuussutissarsiutit

ATORFIIT Se alle jobs

Powered by Labrador CMS