Silaannakkut angallannerup kingullertigut allanngorarnera
takornariaqarnermut kinguneqartoq Visit Greenlandimi pisortaq Anne Nivíka Grødem
oqarpoq.
– Tamanna tikeraanut Kalaallit
Nunaaliartunut takornarialerisunullu kiisalu ornigassanut tikeraartussaminnik
tikilluaqqusinissaminnik piareersimasunut aamma sunniuteqarpoq.
Silaannakkut angallannerup kingullertigut allanngorarnera
takornariaqarnermut kinguneqartoq Visit Greenlandimi pisortaq Anne Nivíka Grødem
oqarpoq.
– Tamanna tikeraanut Kalaallit
Nunaaliartunut takornarialerisunullu kiisalu ornigassanut tikeraartussaminnik
tikilluaqqusinissaminnik piareersimasunut aamma sunniuteqarpoq.
Nalornineq piffissarlu kingulleq atorlugu
allannguisarnerit peqqutigalugit misigisassanik pitsaasunik nalituunillu Kalaallit
Nunaata ilisarnaatigisaanik ingerlatsiniarneq ajornakusoortoq Visit
Greenlandimi maluginiarparput, tamannalu takornarialerisut tutsuiginassusaannik
nunallu angalaffissatut tusaamaneqarneranik unammillernartumik
sunniuteqarsinnaavoq, Visit Greenlandip pisortaa naliliivoq.
Minngitsoortarnermut peqqutaasut arlaqartut
imaannaanngitsullu Anne Nivíka Grødem aamma isumaqarpoq.
– Naak piumaneqartut
naammassineqarsinnaagaluartut – tassalu siunissami takornariat amerlinissaannut
piareersartoqarsimagaluartoq - tamanna inuussutissarsiummut eqquimmat takornariaqarnermut
atatillugu ernumanarpoq, taanna oqarpoq.
Aningaasaliisimasut
Nunatsinni tamarmi mittarfiinnik nutaanik
pilersaarusiornerit ukiuni kingullerni ingerlanneqarneranni sinaakkutissaasut
aamma malinnaanissaat siunertaralugu takornariat amerlinissaannut
aningaasaliisoqarsimavoq.
– Inuussutissarsiortut piareersimanerat
tunniusimanerallu ersarillunilu tamanna takornariaqanerup
ineriartorteqqinnissaanut patajaatsumik tunngavissiivoq. Periarfissalli
tamakkiisut atorluarneqassappata tunngavissatigut patajaassutsumik
pilersitsisoqarnissaa pingaartuuvoq. Assartuussinikkut attaveqaasersuutitigullu
ilimagisat naammassineqasinnaanngitsut pilersaarusiornermut, ingerlatsinermut
takornariallu misigisaannut ilungersunartorsiorfiusut piffissami kingullermi
ajoraluartumik takuarput. Tamannarpiaq peqqutigalugu imminut atasumik,
ataqatigiissaaraluni tutsuiginartunillu aaqqiiniarnissaq pisariaqarpoq, Anne
Nivíka Grødem oqarpoq.
Visit Greenlandimi nalornineq piffissarlu kingulleq atorlugu allannguisarnerit peqqutigalugit misigisassanik pitsaasunik nalituunillu Kalaallit Nunaata ilisarnaatigisaanik ingerlatsiniarneq ajornakusoortoq maluginiarparput.
Assi: Aningaaq Rosing Carlsen. Visit Greenland
Periusissiaq
Visit Greenlandip 2035-mut atuuttumik periusissiaani
takornariaqarnermik naleqartunik pilersitsiffiusumik piorsaanissaq anguniagaavoq,
iluatsittoqarnerali taamaallaat amerlassutsikkut uuttortarneqarani aammali
pitsaassutsikkut, atuinikkut, tikeraarnerup sivisussusaatigut nunallu iluani
siammaanikkut uuttortarneqassaaq.
– Takornariat eqqortut
tikeraarsarnissaat, misigisassatullu neriorsuutigisatta naammassineqarnissaat
pisariaqarpoq. Taamaammat tunaartaqartumik neriorsuutigineqartut
naammassinissaat misigisassarsiornissarlu qitiuteqqissaarlugit nunarsuarmi nittarsaassivugut.
– Saniatigut nunatsinni tamarmi
ingerlatsisut, saqqumilaartillugit, nittarsaassinermi sakkussillugit,
paasissutissanik tuniorarlugit nunarsuarmilu tamarmi nukittuunik
suleqateqarnissami tapersersorpagut.
– Takornariaqarnikkut
siuariartoqassappat ataatsimut piginnittuunissaq pisariaqarpoq, tamattalu
akisussaassuseqartumik piorsaanerup ingerlannissaani peqataassaagut.
– Visit Greenlandimit takornariaqarneq
ataasiusutut isigaarput, nunatsinni tamarmi ornigassat – angisuut mikisullu –
tamarmik pingaaruteqarlutillu periarfissaqarput, pisortaq erseqqissaavoq.
Suleqatigiinneq
nukittooq
Nunatsinni tamarmi takornariaqarnermut
piorsaanermi nukittuumik ingerlalluartumillu suleqatigiittoqartariaqarpoq.
Taamaammat ornigassat, suliassaqarfiit kommunillu killeqarfii akimorlugit
suleqatigiinnerup nukittorsarnissaa Visit Greenlandimi anguniarneqarpoq.
– Ilungersunarsinnaasut
periarfissallu iliuuseqarfigisinnaaniarlugit – nunallu immikkoortuani
nunatsinnilu tamarmi naleqartumik pilersitsillutik tigussaasumik
iliuuseqarfigineqarnissaat qulakkeerlugu - nunap immikkoortuini
takornariaqarnermut siunnersuisoqatigiit, sumiiffinni susassaqartut
oqartussaasullu qanimut suleqatigaagut.
– Sila tamatigut apeqqutaasartoq,
attaveqaasersuinerlu sunaluunniit ilungersunartoqartartoq nalunngilarput.
Taamaakkaluartoq misilittakkat maannakkut pilersinneqartut pisariaqartumik
naleqqussarneqarnissaat naatsorsuutigaluglu upperaarput, taamaalilluta
nunatsinni tamarmi takornariaqarnerup piorsarnissaanut nukittuumik
ingerlalluartumillu tunngavissaqarnissaq qulakkeerparput.
– Takornariaqarneq ataatsimoorluni
pilersinneqassaaq, ataatsimoorlutalu iliuuseqarnitsigut inuussutissarsiummi
misigisassanik nalleruminaatsunik pilersitsisinnaanissaq tunngavississavarput,
Anne Nivíka Grødem oqarpoq.
