Suliamut akuusinnaaneq pillugu ajornartorsiut pillugu siulersuisunut ilaasortaq ilaasortaajunnaartariaqarsimavoq
NunaGreenip Namminersorlutik Oqartussanit pigineqartup siulersuisuisa ilaasortai ilanngarput, siulersuisunilu ilaasortat Line Frederiksenimik siulittaasullit tallimat sisamanut ikilisinneqarput.
Morten Stilling septembarip 27-ani NunaGreenip siulersuisuini ilaasortaajunnaarpoq. Ingerlaannaq taarserneqassanngilaq, ingerlatseqatigiiffiullu tulliani ileqquusumik ataatsimeersuarnerani ilaasortaq nutaaq aatsaat ilaasortanngussaaq, taamaalillunilu tassani siulersuisut tamakkeqqissapput.
Morten Stilling nukissiuuteqarnermut tunngasunik suliniuteqartuuvoq, NunaGreenillu suliniutai nutaat Utoqqarmiut Kangerluani erngup nukinganik nukissiorfiup allilerneqarnissaanut aammalu Aasianni Qasigiannguanilu erngup nukinganik nukissiorfimmik nutaamik pilersitsinissamut suliniutinut attuumassuteqarput.
Paaseqatigiittut
Morten Stilling siulersuisunilu siulittaasoq Line Frederiksen paaseqatigiillutik Morten Stillingip tunuartariaqarnera isumaqatigiissutigaat, taamaalilluni suliamut akuusinnaaneranut ajornartorsiutit pilinnginniassammata, Ingerlatseqatigiiffinnut Allattoqarfik Sermitsiamut ilisimatitsivoq.
