Visit Greenlandip allattorsimaffiutaani umiarsuit takornariartaatit 67-it Qaqortumut tikissasut takuneqarsinnaavoq. Tikittussat ilaat tassaapput umiarsuit ilisimasassarsiortut mikinerit 100-500-t akornanni ilaasoqarsinnaasut, umiarsuit akunnattut 500-1200-t akornanni ilaasoqarsinnaasut, umiarsuillu takornariartaatit anginerit soorlu Emerald Princess, 3080-inik ilaasoqarsinnaasoq, Qaqortup eqqaani kisariarluni ilaasuminik umiatsiamik tulaassuinissani pilersaarutigaa.
Greenland Sagalands illoqarfimmut kommunimullu takornariartunut piareersaatitut innuttaasunik sapaatip-akunnerani kingullermi ataatsimiititsivoq.
PISARTAGAQARTUNUT
Allaaserisaq una Nutaarsiassaqartitsivimmi aviisit naqitat
ilaanni allaaserisaavoq.
Allaaserisat pisartagaqartunit taamaallaat atuarneqarsinnaapput.
Atuarluarna.
Visit Greenlandip allattorsimaffiutaani umiarsuit takornariartaatit 67-it Qaqortumut tikissasut takuneqarsinnaavoq. Tikittussat ilaat tassaapput umiarsuit ilisimasassarsiortut mikinerit 100-500-t akornanni ilaasoqarsinnaasut, umiarsuit akunnattut 500-1200-t akornanni ilaasoqarsinnaasut, umiarsuillu takornariartaatit anginerit soorlu Emerald Princess, 3080-inik ilaasoqarsinnaasoq, Qaqortup eqqaani kisariarluni ilaasuminik umiatsiamik tulaassuinissani pilersaarutigaa.
Greenland Sagalands illoqarfimmut kommunimullu takornariartunut piareersaatitut innuttaasunik sapaatip-akunnerani kingullermi ataatsimiititsivoq.
– Ataatsimiinneq soqutigineqarluarpoq iluatsilluarlunilu. Malunnarpoq inuit takornariaqarneq pillugu oqaloqatigiinnissamik pisariaqartitsisut. Ataatsimiinnermi innuttaasut amigaatigivagut, soqutigisaqartulli takornariaqarnermullu attuumassuteqartut amerlasuut peqataapput, Greenland Sagalandimi pisortaq Pitsi Høegh oqarpoq. Taassuma Innovation South Greenlandimeersut, takornariartitsisartut nutaat pioreersullu, kaffillertitsisartut aamma Campus Kujallermi ilinniartitsisut peqataasut oqaatigaa.
– Qaqortumut, Nanortalimmiit Narsamut takornariat qassiunissaat pillugu quppernerit qulingiluat saqqummiuppakka.
Takornarialerisut Qaqortumi umiarsuarnik takornariartaatinik tikittoqanngippat illoqarfinnut qanittumiittunut Narsamut Nanortalimmulluunniit angalanissartik pilersaarusiorsinnaanngorlugu, Pitsi Høegh Greenland Sagalandsimik piginnittoq oqarpoq. Greenland Sagalands takornarianut misigisassanik tuniniaasarpoq, soorlu ilulissat akornannut angallassinerit, nunami pisuttuarnerit, kaffillernerit tammaviutsunillu tuniniaaneq. Pitsi Høegh nunani allani umiarsuit takornariartaatit pillugit ataatsimeersuartitsisoqaraanga peqataasarpoq, taakkunani atuisunik Kujataanukartussanik naapitsisarluni.
Takornariaqarnermit iluanaarutit inuiaqatigiinnut iluaqutaapput
Ataatsimiinnermi Pitsi Høeghip takornariartitsinerup inuiaqatigiinnut qanoq iluaqutaasinnaanera saqqummiuppaa, tassani takornariartitsinerup aningaasarsiornermut sunniutai iserfigalugit.
– Takornariaqarnerup inuiaqatigiinnut iluaqutaaneranik isumaqartoqarpoq, Pitsi Høegh oqarpoq nassuiarlugulu umiarsuarnut takornariartaatinut ilaasunut akitsuutit nutaat aamma Kommune Kujallermut iluaqutaajumaartut.
– Takornariaqarneq inuiaqatigiinnut iluaqutaanissaa kissaatigineqarpoq, nunalu tamakkerlugu umiarsuarnut takornariartaatinut ilaasunut akitsuummit nutaamit 12-16 millionit koruunit missaannik isertitsisoqarnissaa naatsorsuutigineqarpoq. Kommune Kujallermi umiarsuarnut takornariartaatinut ilaasumut ataatsimut 50 koruuninik akitsuuteqalissasoq akuersissutigineqarpoq, tamatumalu kingunerissavaa kommune 2024-mi 4 millionit koruuninik isertitaqarnissaa. Kommunit isertitsilluassutigissagaa neriuppunga, Pitsi Høegh oqarpoq.
Umiarsualivimmi aqqusinermilu angallannermi isumannaallisaanerup oqaloqatigiissutiginissaa soqutigineqarluartoq aamma oqaatigaa.
Pikkorissarnissamik kissaateqarneq
Greenland Sagalands 2009-mi tuniniaaveeqqanik inuit qiperukkaminnik tammaviutsunillu tuniniaaffigisinnaasaannik sanaartorpoq.
Taakkunani tuniniaaveeqqani kikkut tamarmik atorsinnaasaanni niuertoqangaatsiartarpoq. Nunaqavissut tuniniaaffimmi tuniniaarusuttut piareersarluarsimallutik takkuttarput, takornarianut umiarsuarnik takornariartaatinik tikittartunut tuniniaasarlutik. Tuniniaasalerlaat tuniniaasartooreersut ilinniarfigisarpaat, takornarianillu niueqateqarnermi annertunngitsumik pikkorissartinneqarsinnaanissaminnik ujartuipput. Taanna immaqa Niuernermik Ilinniarfimmi pisinnaavoq, Pitsi Høegh oqarpoq. Takornariat tikeralernissaanut piareersarnermi ataatsimiisitsineq akunneq ataaseq sinnilaarlugu pisimasoq ilanngullugu paasissutissiissutigaa, Innovation South Greenlandillu taama ataatsimiisitseqqittoqalerpat suliaq tigummerusukkaa ilanngullugu oqaatigalugu.
