Takornariat
angallavigerusutaat allanngorpoq. Takornariat kujammut kiassiorfissuarminngaanniit
avannarpasinnerusumut iluartumut kiassuseqartumukaapput.
Tamanna
Norgemi aviisimi VG-mi allaaserineqarpoq, tassanilu aamma tusaamasat soorlu
Amerikamiu isiginnaartitsisartoq Jennifer Conelly, arsaattartoq David Beckham
aamma isiginnaartitsisartoq Tom Cruise ukioq manna Norgemi feeriarsimasut
allaaserineqarput.
Takornariat
angallavigerusutaat allanngorpoq. Takornariat kujammut kiassiorfissuarminngaanniit
avannarpasinnerusumut iluartumut kiassuseqartumukaapput.
Tamanna
Norgemi aviisimi VG-mi allaaserineqarpoq, tassanilu aamma tusaamasat soorlu
Amerikamiu isiginnaartitsisartoq Jennifer Conelly, arsaattartoq David Beckham
aamma isiginnaartitsisartoq Tom Cruise ukioq manna Norgemi feeriarsimasut
allaaserineqarput.
Sulinngiffeqarluni
angalaneq "coolcationimik“ taaneqarpoq, tassa tuluttut oqaatsit cool
(nillataartoq aaqq.) vacation (sulinngiffeqarneq aaqq.) akulerullugit. Taaguut
Condé Nast Travellerimi 2023-mi decembarimi atorneqarpoq. Norgemi Sverigemilu
takornarialerisut oqaatsimik tamatuminnga atuilerput - maannalu nunani
taakkunani marlunni nittarsaassinermut oqaaseq atorneqalersimalluni.
Seqineq
qimarratigigaat
"Seqinnarissumiit
kiassiorujussuarnermiillu qimaagit — aasaanerani sulinngiffeqarnermi avannamut
inuummarissariartorit,“ Visit Norge nittartakkamini Coolcationimi
pilerisaarivoq.
-
Kujasinnerusuniittut aasaanerani kiassuup nalaani kiappallaartumiittunut Nunat
avannarliit Norgelu pilerisaarilersimasut malunnarput, Christine Baglo, Visit
Norwaymi aaqqissuisoq, VG-mut oqarpoq.
-
Aasaanerani feriartarfinni kiappallaarujussuarneranik, silap pissusiata
allanngoriartorneranik akulikilligaluttuinnartunik sivitsoraluattuinnartunillu,
pissuteqarpoq.
-
Assersuutigisinnaavarput takornariat pisoorsuit Qatarimeersut Arabiamilu
Emiratineersut amerlatsikkiartuinnartut. Takornarianik taakkunanngaanneersunik
tikittoqarpiartanngikkaluarpoq, ukiulli ingerlanerani marloriaatinngorput,
Christine Baglo oqarpoq.
Barcelonami
aallaasit imermik immertakkat
Kiassuarli
kisiat takornariat qimarratiginngilaat. Aammattaaq nunaminni
takornariaqarpallaarujussuarnera qimarratigisarpaat. Barcelonami najugaqartut
takornarianut aallaasinik imermik immertakkanik seqqartaasalersimanerannik
kinguneqarpoq. Norge taamaalilluni periarfissaqalerpoq, VG allappoq.
Norge
takornariat amerlanerit tikeraarneq ajorpaat. Taamaattumik pinngortitami
misigisassanik annertuunik, nipaassusermik norgemiullu takornarianik
eqqissisimatitsisut takornariarfigineqalerusukkiartornerannik kinguneqarpoq.
- Norge
Norgemiullu taamatut ineriartortoqarnissaanut piareersimanersut apeqqutaavoq.
Norgip kangerlui illoqarfiilu takornarianik kiassiukatattunik
tikittoqartarsinnaanermik piareersimanersut, VG allaaserisami allappoq.
Apeqqut
tamanna Kalaallit Nunaanni, takornariat amerliartuinnarneri pissutigalugit,
aamma apeqqutaalersimavoq. Piareersimavugut, - imaluunniit aamma uagut
Barcelonamisut takornariat imermik seqqartassavagut?
