United Airlinesimi nunarsuaq
tamakkerlugu timmisartuussisarnissanut
pilersaarusiortartut
paasissutissat, soorlu inoqatinut attaveqaqatigiittarfinni
nuannaartorineqartut atuisullu angalasarnerinut paasissutissat
tunngavigalugit, timmisartuutileqatigiiffik aqqutissanik
ornigassanillu nutaanik toqqaasarpoq, taamalu ukiup ilaani pisussatut
Nuummut imaluunniit Uulanbataar-imut Mongoliamiittumut
timmisartuussisarnernik aallartitsisarluni, soorlumi maajip
aallaqqaataannit Mongoliamut timmisartussisalersoq.
United Airlinesimi nunarsuaq
tamakkerlugu timmisartuussisarnissanut
pilersaarusiortartut
paasissutissat, soorlu inoqatinut attaveqaqatigiittarfinni
nuannaartorineqartut atuisullu angalasarnerinut paasissutissat
tunngavigalugit, timmisartuutileqatigiiffik aqqutissanik
ornigassanillu nutaanik toqqaasarpoq, taamalu ukiup ilaani pisussatut
Nuummut imaluunniit Uulanbataar-imut Mongoliamiittumut
timmisartuussisarnernik aallartitsisarluni, soorlumi maajip
aallaqqaataannit Mongoliamut timmisartussisalersoq.
„Pilersaarusiortut
ornigassat aqqutit ilisimaneqarluartut avataaniittut ujartortarpaat,
piffissaq ungasinnerusoq eqqarsaatigalugu qanoq periaaseqartoqarnera,
inoqatinut attaveqaqatigiittarfitsigut qanoq
attaveqaqatigiittoqartarnersoq, akiliissutinik akiliisoqartarneranut
paasissutissat, nuannarineqarluartunut paasissutissat aamma
timmisartortitseqatigiiffiup
Amerikami
timmisartortitseqatigiiffinni siullersaalluni Nunatsinnut
timmisartuussisarnini takutikkusuppaa,“ Patrick Quayle, United
Airlinesimi nunarsuaq tamakkerlugu pilersaarutit suleqatigiinnerillu
pillugit pisortap tullia, aviisimut Wall Street Journalimut sapaatip
akunnerani kingullermi oqarpoq, tassani timmisartortitseqatigiiffiup
aqqutinik nutaanik toqqaasarnera eqqartorpaa.
Air
Greenlandip United Airlinesillu 2024-mi oktobarimi nalunaarutigaat,
Newarkip (New York) aamma Nuup akornanni timmisartuussisarneq juunimi
ammarneqarumaartoq, timmisartorlu Boeing 737 MAX 8, 166-inik
ilaasoqarsinnaasoq septembarip 24-ata tungaanut sapaatip akunneranut
marloriarluni Nuup New Yorkillu akornanni timmisartuussisassalluni.
Nuummut
timmisartuussisarnermi kajuminnarnerpaamut ”Oscari”
Cranky
Network Awards ukiumoortumik nersornaasiunneqartarpoq, timmisartuutileqatigiiffiit attaveqaatinik ineriartortitsinerminni,
niuernikkut pilersaarusiornerminni kiffartuussinerminnilu
ineriartortitsinerminni angusarissaarnerpaat nersorniarneqartarlutik.
Nersornaasiinerit bloggimit Cranky Flier-imit tunniunneqartarput,
aqqutinillu nutaanik pilersitsinernit timmisartuutileqatigiiffinnik
nalilersuinernut tunngassuteqartarlutik.
”Cranky
network awards timmisartortitseqatigiit oscarimik
nersornaasiisarnerattut isigineqarsinnaavoq, timmisartuussinermilu
pilersaarusiornermi angusat nersorniarlugit, aamma inuit nunarsuaq
tamakkerlugu timmisartuussinermut attaveqaatinik tamatta
pisariaqartitatsinnik pilersitsisut nersorniarlugit.
United
Airlinesip attaveqaatinut suleqatigiissitai nersornaatinik sisamanik
pissarsisimanerannik pilluaqquakka,” Patrick Quayle 2025-p
aallartinnerani linkedin-imi quppernermini allappoq,
timmisartuutileqatigiiffik nersornaaserneqarmat ”nutaatut aqqutitut
ungasinngitsutut pilerinarnerpaatut, Nuummut, Kalaallit Nunaannut,
ungasinngitsumut aqqut pillugu”.
Tamakku
saniatigut Bilbao-mi aqqut nutaaq pitsaanerpaaq, Spaniamut aqqut, San
Francisco-mit Roma-mut aqqut pitsaanerpaaq aamma attaveqaatit
pitsanngorsarneqartut pitsaanerpaat pillugit aammattaaq pingaarnertut
nersornaaserneqarput.
Nuummi
nalliuttorsiualaarnerit
United
Airlinesip timmisartuutaanut Nuup mittarfianut nal. 18.45 siullermut
mittussamut tikilluaqqusinissaq aaqqissuunneqassaaq, tassanilu United
Airlinesimit Greenland Airportsimillu tikilluaqqusilluni
oqalugiartoqassalluni, suleqataasut Naalakkersuisunut ilaasortat
allarpassuillu peqataassallutik.
