Annonse

Ujaqqat pinnersaasiat avammut tunineqartinnagit nalilersoqqaarneqartarput

Pinnersaasiat silisat nalilersorneqartarnissaannik ujartuineq Inuussutissarsiornermut, Niuernermut, Aatsitassanut, Inatsisinik Atuutsitsinermut Naligiissitaanermullu Naalakkersuisoqarfiup qisuariarfigaa. - Pinnersaatinik naliliisartunik taakkununnga suliaqarsinnaasunik naalakkersuisoqarfik ilinniartitsinikuuvoq, naalakkersuisoqarfimmi pisortaq Jørgen Hammeken-Holm oqarpoq.

Aatsitassanut naalakkersuisoqarfik ujaqqanik pinnersaasianik naliliisartunik ilinniartitsisimavoq. - Ujaqqat pinnersaasiat akiinut najoqqutassiat nioqquteqarfiup akigititai aallaavigalugit suliarineqartarput. Nioqquteqarfiup akigititai Gemguidimi takuneqarsinnaapput, akiliilluni atuarneqarsinnaasut, Jørgen Hammeken-Holm oqarpoq.

Ass.: toqqorsivik

Oline Inuusuttoq Olsen

Saqqummersinneqarpoq 25. Septembari 2024 - 14:50

Ujaqqanik pinnersaasiassanik sulisisartup Nuummiup ujaqqanik nunatsinneersunik pinnersaasiat nalilerneqartarfiannik ujaasinera, akit najoqqutassat amigaataammata, Sermitsiami nr. 36-mi saqqummertumi allaaseraarput.

- Ilaannikkut ujaqqat pinnersaasiassat silillugit ilusilikkat akii eqqortuunersut nalorninartarami. Pinnersaasiat naliinut akinut najoqqutassat amigaataapput, Ujaqqanik pinnersaasiassanik silisisartoq Jens Mikkel Fly Sermitsiamut oqarpoq.

Annonse

Inuussutissarsiornermut, Niuernermut, Aatsitassanut, Inatsisinik Atuutsitsinermut Naligiissitaanermullu Naalakkersuisoqarfiup najukkani aatsitassanut tunngasunik suliaqarnerit pillugit Inatsisartut inatsisaat innersuussutigaa, tassani allassimavoq aatsitassat qaqutigoortut nalituut soorlu tugtupit, diamantit, safirit, rubinit, aligoq qorsooqqissoq, aligoq sungaartoq opalillu aatsitassat niuernermi akigitinneqartunit akikinnerusumik tunineqannginnissaat inatsisinillu, assersuutigalugu akileraarutinut tunngasunik, avaqqutaarinninnginnissaq anguniarlugu avammut tunineqartinnagit nalilersorneqartartut allassimavoq.

Amerlanertigut nunaqavissut ujaqqanik pinnersaatinik tuniniaasartut namminneq aalajangertarpaat qanoq naleqartigisinnaanersut, taamaattumillu ujaqqanut pinnersaatinut minnerpaaffissaliilluni akigititaqartoqarani.

- Tuniniaasut sapinngisamik akisunerpaamik tuniniaarusupput, nioqqutinullu allanut tunngatillugu pisarnerattut akigitinneqartut pisisunit aalajangerneqartarput.

- Tuniniaasartut namminneq niuernermi akit malinnaavigisariaqarpaat, ilumoorporlu ujaqqat pinnersaatit akii nunani assigiinngitsuni assigiinngitsuusartut, piumaneqarneq piserusussutsillu apeqqutaatillugit. Rubiinit silineqarsimasut assersuutigalugu Kalaallit Nunaanni, USA-mi Viatnamimilu assigiinngitsunik naleqarsinnaapput, Jørgen Hammeken-Holm oqarpoq.

Ujarassiornermut peqatigiiffiup najukkamiittup akinut najoqqutai

Inuussutissarsiornermut, Niuernermut, Aatsitassanut, Inatsisinik Atuutsitsinermut Naligiissitaanermullu Naalakkersuisoqarfik pinnersaatinik naliliisartunik, ujaqqanik pinnersaatinik silisanik nunani tamalaani najoqqutassiat akuerisaasut naapertorlugit nalilersuisartunik, ilinniartitsisimavoq. Taakkualu ujaqqanik pinnersaasianik silisanik najoqquteqarfik aallaavigalugu pinnersaatinik nalilersuisarput.

Naalakkersuisoqarfik kalaallit ujaqqanik pinnersaasiaat pillugit allassimasuuteqanngillat, ujaqqanillu pinnersaasiat naliginik najoqqutassianik suliaqarnikuunani. Naalakkersuisoqarfik safirit rubiinillu nalinginut najoqqutaqarpoq, taakku ujaqqanik pinnersaasianik silisanik najoqquteqarfimmit saqqummersitaapput.

Kalaallit Nunaanni Ujaqqat Klubbiat, 2009-mi Aatsitassanut Inatsimmut akerliussutsimik takutitsinerup kingunerisaanik nammineerluni 2009-mi atorunnaarsimasoq, kalaallit ujaqqanik pinnersaat pillugit naleqqussakkanik akiinik malittarisassaqartoq naalakkersuisoqarfimmi pisortaq nassuiaavoq.

- Kalaallit Nunaanni suliffeqarfiit mikisut Amerikami pinnersaatinut naliliisartut ikiortigalugit tugtupinik pinnersaatinik silisanik assigiinngitsunik pitsaassusilinnik najoqqutassiorsimapput. Naalakkersuisoqarfiup najoqqutassiaq taanna atorlugu ujaqqat tugtupitit silisat avammut tuniniarneqarnissaannut nalilersortarpai, Jørgen Hammeken-Holm oqarpoq.

Nunani tamalaani naligititat najoqqutassallu

- Ujaqqat pinnersaatit silineqarsimasut pitsaassusaat Gemological Institute of Americap (GIA), ujaqqanik pinnersaatinik ilisimatusarfiup nunani tamalaani ataqqineqartup, naligititai najoqqutassiaalu naapertorlugit nalilerneqartarput, Jørgen Hammeken-Holm nassuiaavoq.

Ujaqqap pinnersaatip silisap nalinga assigiinngitsunit sisamanit aalajangerneqartarpoq: ujaqqap qalipaataa, qanoq akimut ersitsiginera, silinerata pitsaassusaa oqimaassusaalu.

- Ujaqqap pinnersaatip qalipaataa aallavigalugu nalilersorneqarsinnaasarpoq. Ujaqqap pinnersaatip silisap qalipaataata pitsaassusia nalilerneqartarpoq, taannalu 1-imiit 10-mut nalilerneqartarluni, 10-lu pitsaanerpaalluni.

- Ujaqqap pinnersaasiap pitsaassusaa qalipaataa aallaavigalugu nalilerneqareerpat, akimut ersissusaa silineralu aallaavigalugu pitsaassusaata nalilerneqarnera apparsinnaavoq. Akialu aalajangersarneqartarpoq ujaqqap karatimut nalingata oqimaassusaanut amerlisinneratigut. Ujaqqat pinnersaasiat akiinut najoqqutassiat nioqquteqarfiup akigititai aallaavigalugit suliarineqartarput. Nioqquteqarfiup akigititai Gemguidimi takuneqarsinnaapput, akiliilluni atuarneqarsinnaasut, Jørgen Hammeken-Holm oqarpoq.

Ujaqqanik pinnersaatissanik ujarlernermut najoqqutassiaq

Naalakkersuisoqarfimmi Ujarassiornermik Immikkoortortaqarfik Kalaallit Nunaanni ujaqqanik pinnersaatinut najoqqutassiamik suliaqarpoq.

- Najoqqutassiami Kalaallit Nunaat immikkoortunut aqqaneq-marlunnut agguataarneqarpoq, ujaqqat pinnersaarsiarineqarsinnaasut sumiiffinni assigiinngitsuni sumiinnersut allaaserineqarlutillu nalunaarsorneqarlutik. Najoqqutassaq siulleq kalaallisut nutserneqaleruttorpoq, Jørgen Hammeken-Holm oqarpoq.

Pisartagaqarneq

Allaaserisaq tamaat atuarniarukku atuisunngortariaqarputit! Iserit!

Sermitsiaq.gl – Nittartagaq

Sermitsiaq.gl-imi allaaserisat tamakkiisumik atuarsinnaalissavatit
Qaammammut kr. 59.00
Ukiumut kr. 650.00

Pisigit

Sermitsiaq - E-aviisi

Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

AG - Atuagagdliutit E-aviisi

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq.gl-mi allaaserisat tamakkiisumik atuarsinnaanngussavatit
Qaammammut kr. 191
Ukiumut kr. 1.677

Toqqaagit

Sermitsiaq.AG+

Aviisi AG - Atuagagdliutit e-aviisitut pingasunngornerit tamaasa saqqummersartoq atuarsinnaalissavat
Sermitsiaq e-aviisitut tallimanngornerit tamaasa saqqummersartoq atuarsinnaalissavat
Sermitsiaq.gl-imi allaaserisat tamakkiisumik iserfigisinnaalissavatit
Arnanut e-magasinatut atuarsinnaalissavat
Nutserisoq.gl atorsinnaanngussavat
Soqutiginnikkuit abonnement@sermitsiaq.gl-imut allagaqarsinnaavutit

Toqqaagit

Asasarput atuartartoq, Sermitsiaq.gl-imut – Kalaallit Nunaanni nutaarsiassanik isornartorsiuisumillu tusagassiornermik saqqummiussiffimmut – tikilluarit. Kiffaanngissuseqarluni tusagassiornerup siuarsarneqarneranik suliniuteqartuarsinnaajumalluta, itisiliillutalu isornartorsiuilluta tusagassiortuarsinnaajumalluta, allaaserisat aalajangersimasut akeqalersippavut. Tamanna iluaqutigalugu allaaserisat pitsaassusaat qulakkeersinnaavarput, tusagassiortuttalu pikkorissut oqaluttuanik pingaarnerpaanik saqqummiussinissaannut tapersersorsinnaavavut. Allaaserisat akillit qaammammut taamaallaat 59 koruuninit akeqarput. Pisineq ajornanngitsuararsuuvoq – ataaniittoq toorlugu saqqummiussavut tamakkiisumik iserfigisalersinnaavatit. Paasinninnerit tapersersuinerillu qujamasuutigaavut. Pituttorsimanngitsumik isornartorsiuisumillu Kalaallit Nunaannut tusagassiortarnissamik suliniuteqartuarnissamut akiliutivit ikiorpaatigut.