Rambøll Grønland pisortartaartoq

Nunarsuaq tamakkerlugu ingeniørinut, illussanik titartaasartunut siunnersuisartunullu suliffeqarfik Rambøll Kalaallit Nunaanni immikkoortortaqarfimmini pisortamik atorfinitsitsivoq.

Taanna tassaavoq Inúnguak Abelsen, Rambøll Grønlandimi novembarip aallaqqaataani pisortaanertut atorfinittoq.

– Inúnguak Kalaallit Nunaanni ukiuni amerlasuuni sanaartornerup tungaatigut misilittagaqarlunilu ilisimasaqarpoq. Taamatuttaaq sullitat, sanaartornermi pissutsit nunatsinnilu sanariaatsit misilittagaqarfigilluarlugit, Rambøll Grønland tusagassiutitigut nalunaarummi allappoq nangillunilu:

– Nunatsinni suleqatigut, sullitagut suliagullu ingerlateqqinnissai inerisarnissaanullu sulilluarnissaanik kissaapparput.

Rambøll Grønlandimi pisortaasimasoq Inooraq Brandt Tusassimi teknikkeqarnermut pisortatut atorfinitsinneqartoq aggustimi nalunaarutigineqareersoq pisortanngortitsisoqarpoq.