Arnap pingajuata, RS Servicesimik eqqartuussivimmi suliassanngortitsisup, sulingaatsiartartut unikaallakkusulernerannik sunnissavai.
Taanna nunaqqatini Filippinerimiuusut pingasut ilagalugit Nuummut maajimi 2022-mi tikippoq, taakku Royal Greenlandimi tunisassiorfimmi sulilissallutik isumaqarput.
Arnap pingajuata, RS Servicesimik eqqartuussivimmi suliassanngortitsisup, sulingaatsiartartut unikaallakkusulernerannik sunnissavai.
Taanna nunaqqatini Filippinerimiuusut pingasut ilagalugit Nuummut maajimi 2022-mi tikippoq, taakku Royal Greenlandimi tunisassiorfimmi sulilissallutik isumaqarput.
SIK-MI SULIAQ
Suliami pineqarput arnat Filippinerineersut pingasut, SIK aqqutigalugu sulisitsisuminnik ukiuni
arlalinni akilernerlutaanerminnik
eqqartuussivimmut suliassanngortitsisut. Eqqartuussivimmut
suliassanngortitsineq 372.000
koruuninik taarseeqqusineruvoq.
AG-p eqqartuussivimmut suliassanngortitsineq sapaatip-akunnerani 29-mi allaaseraa. Sapaatip-akunnera qaangiummat AG-p
arnat Filippinerineersut marluk
saqqummerniarlutik aalajangermata apersorpai. Sapaatip-akunnerani 31-mi AG-p politikkikkut
oqaaseqartartut nunanit allaneersut sulisorineqartarnerat qanoq
ililluni annikillisinneqassanersoq
aperai.
Filippinerini isumaqatigiissut atsiorpaa, tassanilu allassimavoq RS Servicesimik piginnittoq, Rhafaelle Martinsen, Royal Greenlandimi sulisussarsiornermut sulisutut allassimasoq. Suliffik taassuma atorfiginngisaannarsimagaa Royal Greenland paasissutissiivoq.
Isumaqatigiissut allatut pingasut assigalugit 10.000 koruunit missaannik akiligaa. Taavalu Nuummut timmisartumut billitsimut taarsigassarsisimalluni. Tassa Kalaallit Nunaannut pitinnani 24.000 koruuninik akiitsoqalereerpoq.
Amigartoorutit
- Allalli pingasut assiginagit, taakku Nuuk Centerimi Aurorami sulilersut, paasitinneqarpunga Royal Greenlandimut isumaqatigiissut ajoquteqartoq. Tamatuma kinguneranik qaammatini marlunni isertitaqanngilanga, taarsiulluguli qaammammut 1.000 koruuninik siumorlunga imaluunniit kaasarfimmiussanik taaneqarsinnaasunik pisarpunga. Eqqiaasutullu sulilerama aningaasarsiakka siulliit amigartooruteqarput. Ersarissumik allassimavoq kontonnut 305 koruuninik amigartooruteqartoq. Paasiuminaappoq, AG-mut oqarpoq.
- Rhaelle Martinsenimulli paasinarpoq. Nassuiaappaanga qaammatini siullerni marlunni sulisimannginnama akunnernik suliffissannik akiitsoqartunga. Qanoq kisitsisimanersoq suli naluara.
Arnap akissarsiaasa allagartaani AG-p pissarsiarisimasaani takuneqarsinnaavoq arnaq nalunaaquttap akunneranut 100 koruuninik aningaasarsiortoq, tassa annikitsunnguaq.
- Arlaannattaluunniit nalunaaquttap akunneranut 100 koruunit pissarsiarisimanngisaannarpai. Akunnerit suliffigisagut qaammammut akissarsianut aalajangersimasunut agguataaraanni, suna pinerpa pissutigalugu qaammatit tamaasa allanngorartut, akunnermut 100 koruuni angumanngilai. Inussiatut sulipiluppugut pisissutigisinnaasagulli ilaanni minusimiittarput, ilaanni 5-7 tusindit akornanni, nassuiaavoq.
Sumiiffinni marlunni ataatsikkut
Eqqiaasuuvoq naatsumillu oqaluttuaraa sumi akunnernilu qassini sulisarsimanini.
- Akunnerni suliffigeqquneqartuni sulinikka tamakkiisumik tunniunneqartanngillat. Isumaqarpunga Rhafaellep sullitaminut nalunaaquttap akunneri marloriaatinngortittarai, uagulli eqqiaasuusugut pappiaqqami allassimasut malillugit sukkasoorujussuarmik eqqiaasarsimasugut, ileqimisaartorluni oqaluttuarpoq.
Arnap Kalaallit Nunaaniinnermini
aningaasarsiaasa allagartaanni
siullermi 305 koruuninik
akiitsoqartoq takuneqarsinnaavoq.
Assiliisoq: Hanne Broberg
Sapaatit-akunneri tamaasa ataasinngornikkut, pingasunngornikkut tallimanngornikkullu Qinngorpumi Pisiffimmi nalunaaqutaq arfineq-marluniit ulloqeqqata tungaanut eqqiaasarpoq.
Sapaatip-akunneri tamaasa unnuit tamaasa nalunaaqutaq tallimaniit unnukkut qulingiluat tungaanut Nuuk Centerimi eqqiaasarpoq.
Ataasinngorneq, pingasunngorneq tallimanngornerlu Elgigantenimi nalunaaqutaq 17.30 – 20.30 eqqiaasarnikuulluni.
- Nuuk Centerimi eqqiaassagaangama akunnerit amerlanerit atorsinnaasarpakka. Sumiiffinnik ataasiakkaariinnarsinnaavunga. Taamaammat Elgigantenimi Nuuk Centerimilu eqqiaasussaagaangama unnuit ilaanni sulinera sivitsortoorsinnaasarpoq, qungujuppoq.
Aamma marlunngornermi sisamanngornermilu ualikkut pingasuniit 17.30-p tungaanut KK Engrosimi eqqiaasussaagaangami sivitsortoorsinnaasarpoq.
Aamma arfininngornerit tamaasa akunnerni marlunni RD Marketing Bureaumii eqqiaasarpoq.
- Ukiup aappaa avillugu ullormik ataatsimilluunniit freerfeqanngivillunga sulivunga. Naggataatigut silanngajaalerpunga. Qasoqqavunga sulinngiffeqarusulluinnarlungalu. Rhafellelu aperaara: "Arfininngorpat freersinnaavunga?", aperigakku akissutaanut tupaallappunga: "Freerumaguit uternissanut suli suliffeqassanersutit neriorsorsinnaanngilakkit. Freerniaruit nunannut angerlaannarsinnaavutit."
Nunaqqatiminut
Naammatsikkami pissutsit unittariaqalersut aalajangeriarluni oqartussat SIK-lu akulerutsinnialerpai. Arnat allat marluk AG-p siusinnerusukkut allaaserisai peqatigalugit, akissarsiat annikippallaarujussuarnerat pillugu RS Services eqqartuussivimmut suliassanngortippaat. 372.000 koruunit missaanniittut taarseeqqussutigineqarput. Akileeqqusissut RS Servicesip qisuariarfiginngisaa, taamaattumillu Kalaallit Nunaanni Eqqartuussivinnut suliassanngortinneqartoq.
- Soorunami aningaasat pillugit taamaaliorpunga, akiitsugaqarfigaatigut aningaasarpassuarnik, qaangiuttoornernut akissarsiassanik, sulinngiffeqarnermi akissarsiassanik, soraarnerussutisiaqalernissamut, ullunik qasuersaarfissanik il.il. Kisianni suliassanngortitseqataavunga neriuutigalugu naapertuilluartumik akissarsitinneqarnissarput anguniarlugu. Kalaallit Nunaannut suliartortarpugut allanut inussiaataaniarnata. Tupigusuutiginerpaasarali tassaavoq nammineq nunaqqatiminut taamaaliornera. Paasisinnaanngilluinnarpara inunnik taamaaliortoqarsinnaammat. Suminngaanneeraluaraanniluunniit, oqarpoq.
