KL

DK

Ulloq unnuarlu nalunaarusiaq: Nanoq Paamiunut qanillattortoq toqunneqartoq

Paamiuni nannumik qimaatitsiniartoqareertorli sisamanngornermi aallaaneqarpoq. Nuup eqqaani marloriarluni aallaasoqarneranut atatillugu politiit takunnissimasinnaasunik ujartuipput.

Assi toqqorsivimmit
Thomas Munk Veirum
Tusagassiortoq
Saqqummersinneqarpoq

Paamiuni Imarsiornermik Ilinniarfiup eqqaani nannumik sisamanngornermi nal. 16.07 takuneqarpoq, Kalaallit Nunaanni politiinit Jeppe Andsager Sermitsiamut ilisimatitsivoq.

Nanoq qimaatinniarneqarsimagaluartoq ilanngullugu oqaatigaa.

Tamanna iluatsinngimmat nanoq aallaaneqarpoq. Piniartoq politeerlu nannumut aallaasuupput.

Politiit nannup niaqua, amia kukiilu ilanngullugit Aalisarnermut Piniarnermullu Naalakkersuisoqarfimmut tunniutissallugit tigusaraat suliusaasoq Kalaallit Nunaanni politiini pigaartup ilanngullugu paasissutissiissutigaa. Neqaa illoqarfimmi agguaanneqartarpoq.

Tunumi sisamanngornermi aamma nannumik qanillisoqarsimanera nalunaarutigineqarpoq.

Tasiilap eqqaani nanoqartoq politiit nalunaaqutaq 18:00 missaani nalunaarfigineqarput, nannulli qimaatinnissaa iluatsissimavoq.

Nuup eqqaani aallasoqartoq

Nanoq pillugu nalunaarutit marluk saniatigut Kalaallit Nunaanni Politiit sisamanngornermi unnukkut nalunaarfigineqarput Nuup eqqaani imaani marloriarluni aallaasoqarsimasoq.

Nal. 23.20 missaani marloriarluni qanngorpallanneq tusaaneqarpoq, nalunaarutiginnittup umiatsiaq takusimavaa, innaallannernilllu marlunnik takulluni, Jeppe Andsager oqarpoq.

Aallaanerit Innannguup aqqutaanit takuneqarput, 200 meterillu missaanni ungasitsigisumiit pillutik.

- Umiatsiaq sumiiffimmut ilisimaneqanngitsumut kingorna aallarpoq, tamanna pillugu ilisimannittoqarpat takunnittoqarsimappalluunniit uagutsinnut saaffiginnittoqarsinnaavoq, Jeppe Andsager oqarpoq.

Politiit oqarasuaataannut sianersinnaavutit uunga: 70 14 48.

inuussutissarsiutit erhverv

ATORFIIT Se alle jobs

Powered by Labrador CMS