Aarhusimi umiarsualiviup
allilerneqarnissaanik pilersaarutit unitsinneqarallartut, suliniutillu
aallarteqqinneqassanngikkallartoq Aarhusip Kommuneani kommunalbestyrelsi
sapaatip-akunnerani kingullermi nalunaarpoq. Suliamik unitsitsigallarneq
kommunalbestyrelsip nutaap allanngorteqqinngippagu nangeqqinneqassanngilaq.
Aarhusip umiarsualivia Danmarkimi
nunanilu allani umiarsualivinnut allanut unammillersinnaaneranut
sunniuteqarumaartoq aalajangiisut ilisimaaraat.
Aarhusimi umiarsualiviup
allilerneqarnissaanik pilersaarutit unitsinneqarallartut, suliniutillu
aallarteqqinneqassanngikkallartoq Aarhusip Kommuneani kommunalbestyrelsi
sapaatip-akunnerani kingullermi nalunaarpoq. Suliamik unitsitsigallarneq
kommunalbestyrelsip nutaap allanngorteqqinngippagu nangeqqinneqassanngilaq.
Aarhusip umiarsualivia Danmarkimi
nunanilu allani umiarsualivinnut allanut unammillersinnaaneranut
sunniuteqarumaartoq aalajangiisut ilisimaaraat.
Inuussutissarsiortunut alianartoq
Aarhusip umiarsualivia kommunip
nalunaarutaa qallunaat inuussutissarsiortunut alianartutut oqaatigaa,
umiarsualiviup allilerneqarnera Aarhusimi nunarsuarmilu inuussutissarsiortunut
iluaqutaasussaagaluarmat.
- Umiarsualivimmi suliffeqarfiit
atuisooreersut ineriartornissaannut nutaanillu allanik inissaqalernissaanut
pisariaqartitsisoqarpoq, Aarhusip umiarsualiviani pisortaq Thomas Haber Borch
oqarpoq.
Aarhus umiarsialiviani
suliffeqarfiit atuisooreersut ilagaat Royal Arctic Line, taakku Islandimi
umiarsuaatileqatigiiffimmik Eimskipimik assartueqatigiinnissamik
isumaqatigiissuteqarnini pissutigalugu 2020-mi umiarsualivimmik atuisuulerput.
– Aarhusip umiarsualiviata allilerneqarnissaanik pilersaarutit Royal Arctic Linep Danmarkimi Aalborgimiit Aarhusimut nuunnissamik aalajangernera atassuteqanngilaq, pisortaq Niels Clemensen oqarpoq.
Leiff Josefsen
Allilerneqarnissaa Royal Arctic
Linep taperseraa
Royal Arctic Line 2022-mi
tusarniaanermi Aarhus Kommunemut allappoq. Tassani umiarsualiviup
allilerneqarnissaa tapersersorlugu aammalu piujuartitsisumik
ineriartortitsisoqassapput suliassaq malillugu ineriartortoqartariaqartoq.
“Teknikkikkut pitsaanerpaamik
aaqqiissutissanik periarfissat tunngavigalugit avatangiisinut iluaqutaasumik
alliliinissaq piviusunngortinneqarsinnaavoq. Taamaalillunilu alliliineq
Aarhusimut, nunap immikkoortuanut Danmarkimullu tamarmut iluaqutaassaaq, aamma
nunanut umiarsualiviup eqqaani suleqatigisatsinnut, Kalaallit Nunaat
ilanngullugu. Ineriartorneq pissanganartoq tamanna malinnaaffigissallugu
qilanaaraarput.”
Aqqut pitsaanngitsoq
Umiarsualivimmut assartuinissamut periarfissat
ajorpallaarnerat Aarhus umiarsualivianik atuisorpassuit Jyllandip
avannaaneersut isornartorsiuipput.
2022-mi Verner Hammeken Royal Arctic Linemi
pisortaavoq. Ullumikkut pisortaq Niels Clemensenimik ateqarpoq,
oqaaseqarfigiumanngilaalu Danmarkimi umiarsualiviup Aalborgimit Aarhusimut
nuunneqarnissaa eqqortumik aalajangiinerunersoq.
– Aarhusip umiarsualiviata allilerneqarnissaanik
pilersaarutit Royal Arctic Linep Danmarkimi Aalborgimiit Aarhusimut
nuunnissamik aalajangernera atassuteqanngilaq. Aalajangiineq Royal Arctic Linep
aamma Eimskipip VSA-mik suleqatigiinnerannut aallaaveqarpoq, kiisalu
sullitatsinnut nunarsuup sinneranut attaveqarnissamut periarfissanik
pitsaanerusunik neqerooruteqarnissamik kissaateqarnermit, Niels Clemensen,
umiarsuaatileqatigiiffimmi ukiuni 40-ni sulisuusoq oqarpoq. Taassuma
periusissiamik allannguineq suleqataaffiginikuuaa, Verner Hammekenip 2015-imiit
pisortaanermini timitaligaa.