Avannaata Kommuniani kommunalbestyrelsimut
qinersisoqareernerata kingorna Siumut Nalerarlu ukiuni sisamani
tulliuttuni atuuttussamik suleqatigiinnissamut isumaqatigiissuteqarput,
ilisimaneqartutullu Lars Erik Gabrielsen, Siumut, borgmesterinngussaaq.
Umiarsuit takornariartaatit Ilulissanut tikikkaangata takornariartitsiviit
Iluliarmiunit pigineqartut annikitsuinnarmik suliassaqartartut,
borgmesterinngortussaq, ilaatigut takornariaqartitsivimmik Unique Toursimik
piginnittuusoq aamma Ilulissat Excursions ApS-imik piginneqataasoq isumaqarpoq.
Avannaata Kommuniani kommunalbestyrelsimut
qinersisoqareernerata kingorna Siumut Nalerarlu ukiuni sisamani
tulliuttuni atuuttussamik suleqatigiinnissamut isumaqatigiissuteqarput,
ilisimaneqartutullu Lars Erik Gabrielsen, Siumut, borgmesterinngussaaq.
Umiarsuit takornariartaatit Ilulissanut tikikkaangata takornariartitsiviit
Iluliarmiunit pigineqartut annikitsuinnarmik suliassaqartartut,
borgmesterinngortussaq, ilaatigut takornariaqartitsivimmik Unique Toursimik
piginnittuusoq aamma Ilulissat Excursions ApS-imik piginneqataasoq isumaqarpoq.
Umiarsuit takornariartaatit Ilulissanut tikittartut nunaqavissunik
annikippallaamik atuisarnerat pillugu Ilulissani tallittarfimmi
allagartarsualisaarluni akerliussutsimik takutitsinermi Lars Erik Gabrielsen
siuttunut aamma ilaavoq.
Taamaattumik Ilulissani takornarialerisut suliassanik
maannakkorniit amerlanerusunik tigusaqartalernissaat, taassuma
qineqqusaarutaasa pingaarnerit ilagaat. Aammali umiarsuaq takornariartaat
sikunut aserorterutaatigisoq Le Commandant Charcot, franskit
umiarsuaatileqatigiiffiannit Compagnie du Ponantimit pigineqartoq,
takornariartitsivillu Nuummi angerlassimaffeqartoq Greenland Cruises, ilaatigut
umiarsuarnik takornariartaatinik sullissinissamut isumaqatigiissuteqartoq,
Ilulissanut tikilluaqqusaanngitsut, Lars Erik Gabrielsenip ammasumik
siornatigut oqaatigisareerpaa.
Avannaata Kommuniani borgmesteritut
ivertinneqartussap takornariaqarneq pillugu taamatut isiginnittaaseqarnera,
Ilulissani takornariaqarnermut annertuumik innarliisinnaasoq, kommunalbestyrelsimut
qinersinermi 625-nik qinerneqarluni amerlanerpaanik taaguunneqartoq, kommunalbestyrelsimilu
illuatungiuliuttunut ilaalertussaq, Heidi Møller, Demokraatit, kiisalu
Ilulissani takornariartitsivik I love Ilulissat Toursimik piginneqataasoq Finn
Geisler isumaqarput.
Ernumanartoq
Akerliussutsimik takutitsisoqarnissaanik ilimasaarisoqarnera
peqqutaalluni ukioq manna umiarsuaq takornariartaat tikittussaagaluartoq
siulleq Compagnie du Ponantimit pigineqartoq martsi naalersoq tikinngitsoorpoq.
Umiarsuup tikinngitsoornerata kingunerisaanik takornarialerisut Ilulissat
Excursionsimut attuumassuteqanngitsut annertuumik pilliutigineqartut
namminnerlu kissaatiginngisaminnik aningaasanik annaasaqartut, Heidi Møller
isumaqarpoq.
- Umiarsuup ataasiinnaalluunniit
Ilulissanut tikinngitsoornera illoqarfimmut suliffeqarfinnullu qanoq
annertutigisumik annaasaqaataanera assut tupassutigaara, aammalu umiarsuit
takornariartaatit pillugit taamak sakkortutigisumik takutitsisoqarnerani
oqartussaasut sooq killiliisimannginnerat paasiuminaatsippara, taanna oqarpoq.
Avannaata Kommuniani borgmesteritut
ivertinneqartussap takornariaqarneq pillugu taamatut isiginnittaaseqarnera
Heidi Møllerip ernumanartoqartippaa.
- Nunaqqatini takornarialerisut
illersorniarlugillu apereqqaarnagit taamak annertutigisumik
pilliuteqartitsinera killilerneqarsimanngimmat tupigaara. Taamak
sakkortutigisumik torinngitsigisumillu illoqarfik sinnerlugu
iliuuseqarsinnaaguni, taamaattumik politikkikkut siuttoqarnissarput
ernumagerujussuarpara.
- Taamaattumik inuit ataasiakkaat
soqutigisaat aallaavigalugit Avannaata Kommunia aqunneqassanngitsoq, qineqqusaarnerup
nalaani ersarissumik arlaleriarlunga oqaatigisarnikuuara.
- Ilulissat takornariaqarnermi
pingaarutilittut inissisimavoq, taamattumik pisut kingulliit nunatsinni
takornariaqarnermut tamarmiusumut innarleeratarsinnaanerat ernummanngitigaara,
taanna oqarpoq.
Avannaata Kommuniani inuit ataasiakkaat
imminnut iluanaarutissinniarlutik suliaqannginnissaat qulakkeerniarlugu,
kommunalbestyrelsimi Demokraatit illuatungiliuttutut annertuumik suliassaqartut,
Heidi Møller oqarpoq.
Akerleeriinneq unittariaqartoq
Ilulissat Excursions Ilulissani takornariartisivinniit
quligiluaniit pigineqarpoq, takornariartitsivillu I Love Ilulissat Tours
suliffeqarfimmut tassunga piginneqataanngilaq. Umiarsuillu takornariartaatit
Ilulissanut tikittartut pillugit akerliussutsimik takutitsinerit, takornariartitsivinnut
Ilulissat Excursionsimut attuumassuteqanngitsunut annertuumik eqquinerluttoq, I
Love Ilulissat Toursimik piginneqataasoq Finn Geisler isumaqarpoq.
Umiarsuit takornariartaatit Ilulissanut
tikikkaangata ilaatigut Greenland Cruises aqqutigalugu I Love Ilulissat Tours
takornarissanik angallassisarpoq.
- Compagnie du Ponant aamma
Greenland Cruises Ilulissanut tikilluaqqusaanngitsut kommunimut qineqqusaarnerup
nalaani allagartarsuaq takussaavoq.
- Suliffeqarfipput uagut
nutaajuvoq aamma suliffeqarfiit suminngaanneerneri apeqqutaatinnagu
kikkulluunniit suleqitiginissaat kissaatigaarput, Finn Geisler oqarpoq.
Taamaattumik borgmesterinngortussap
taamatut nipeqarluni saqqummertarnera akuersaarneqarsinnaananilu unittariaqartoq,
taanna isumaqarpoq.
Ajuusaarnartoq
Umiarsuit takornariartaatit Ilulissanut
tikikkaangata takornarissat ilaatigut Greenland Cruisesip angallataanik aamma sullinneqartarput,
tamannalu Ilulissani takornarialerisut annikitsuinnarmik suliassanik
tigusisarnerinut peqqutaasoq, Ilulissat Excursions isumaqarpoq, taamaattumillu
Greenland Cruises Ilulissanut tikilluaqqusaanngitsoq suliffeqarfimmiit
isertuunneqanngilaq.
- Greenland Cruises 2012-imi
pilersinneqarmat Ilulissani takornarialerisut mikinerusut takornariartitsivinniik
anginerusuniik tapersersornerunissaat siunertaanikuuvoq aamma Greenland Cruisesimiit
Ilulissat Excursionsimik piginnittut ilai siusinnerusukkut ukiuni arlalinni
pitsaasumik suleqatiginikuuagut, taamaattumik suliffeqarfik pillugu taamatut
isumaqartoqarnera soorunami assut ajuusaarnarpoq.
- Kisianni umiarsuit
takornariartaatit pitsaasumik toqqissisimanertumillu Ilulissanut
tikittalernissaat qulakkeerniarlugu, suleqatigiinnikkut oqaloqatigiinnikkullu
ajornartorsiutip aningorneqarnissaa neriuutigaarput, taanna oqarpoq.
Kalaallit Nunaani sumiiffiit ilaanni Greenland
Cruisesip Compagnie du Ponant suleqatigisarpaa, takornariartitsiviullu
umiarsuarnik takornariartaatinik sullissinissamik neqeroorutaa umiarsuit 16-it
20-llu akornanniittut atortaraat, suliffeqarfimmik piginnittoq Ivik K.
Ostermann oqarpoq.
Pulaarneq iluatsilluartoq
14.april umiarsuaq Le Commandant Charcot
Ilulissanut tikimmat Ilulissat Excursionsimik piginnittut, tassani Lars Erik
Gabrielsen aamma ilaalluni, umiarsuarmut pulaarput, tassanilu pitsaasumik
paaseqatigiiffiusumillu oqaloqatigiittoqartoq, borgmesterinngortussap
erseqqissaatigaa.
- Suleqatingiumaneqarnissarput
kissaatigineqarpoq aammalu Avannaata Kommuneani aningaasatingut
kivitseqataasariaqarnera paasineqartoq nukittuallannaqaaq, taanna oqarpoq.
Avannaata Kommuniani kommunalbestyrelsi
nutaaq ivertinneqarpat takornarialerisut amerlanerusut sullinnissaat
siunertaasoq, Lars Erik Gabrielsen paasissutissiivoq.
