Grevit Nikolaip Felixillu franskit kalaallillu suleqatigiinnerat tapersersoraat
Nikolai aamma Felix Fonden, grevit aningaasaateqarfiat, filmfestivaleqarneranut atatillugu franskisut kalaallisullu sammisaqartitsisoqarnissaanut aningaasanik tunissuteqarput.
Grevit 2025-mi apriilimi prinsesse Isabella 18-iliimmat nalliuttorsiorialersut.
Assi: Ida Marie Odgaard/Ritzau Scanpix
Piffissami matumani Kalaallit Nunaat, Danmark Frankrigilu attaveqatigiillualeruttorput. Aamma kulturilerinermut atatillugu.
Nikolai og Felix Fonden, aningaasaateqarfik, Institut français du Danemarkimut, Naalagaaffeqatigiinni franskisut oqaaseqarneq kulturilu pillugit suliniuteqartumut, aningaasanik tunissuteqarniarluni aalajangeqqammerpoq.
Aningaasat Nuuk International Film Festivalimut atatillugu franskit kalaallillu filmiliornermik sammisaqartitsinissaannut atorneqarumaarput.
Filmfestivalimiit titartakkanik isiginnaagassiorneq pillugu 2019-imi sammisaqartitsisoqarpoq, tamannalu Frankrigip aallartitaanit Caroline Ferrarimit ammarneqarpoq.
Grevit Nikolai Felixilu arnassartik, prinsesse Marie, aamma aatartik, prins Henrik, juunip aqqarngani 91-iliisussaagaluartoq, maanna toqoreersoq, aqqutigalugit Frankrigimut atassuteqarput.
Tamatuma nalaani prins Joachim prinsesse Marielu Frankrigimut pisortatigoortumik tikeraarput.
Nikolai og Felix Fondenip, aningaasaateqarfiup, suliniutinut aningaasat qanoq amerlatigisut atorneqarsimanersut tamanut saqqummiunneq ajorpai. Agguaanermi matumani aningaasaliissutinik tunineqartut 28-iullutillu katillugit 885.000 koruunit aningaasaliissutigineqarput.
