- Berlinalemit pingaarnertut
pissarsiarisarput tassaavoq, attaveqaqatigiinnermik
pilersitsisinnaasimanerput.
Klaus Georg Hansen, film.gl-imi,
Nunatsinni filmiliortartut kattuffianni, siulittaasoq, taama oqarpoq,
taannalu ukiuni arfinilinni kingullerni Berlinimi nunanit tamalaanit
filmfestivalertitsisartunut, Berlinale-mut, peqataasarpoq.
- Berlinalemit pingaarnertut
pissarsiarisarput tassaavoq, attaveqaqatigiinnermik
pilersitsisinnaasimanerput.
Klaus Georg Hansen, film.gl-imi,
Nunatsinni filmiliortartut kattuffianni, siulittaasoq, taama oqarpoq,
taannalu ukiuni arfinilinni kingullerni Berlinimi nunanit tamalaanit
filmfestivalertitsisartunut, Berlinale-mut, peqataasarpoq.
ORSUGIAK AAMMA BERLINALEN
„Piviusulersaarut assortuussutaasoq nunani tamalaani filmfestivalertitsinermi nittarsaanneqarluarpoq,“ Danmarkimi aviisip Berlingskep februaarip 14-ianni internetikkut allaaserisami saqqummiussaani taama qulequtaqarpoq.
Berlinalenimi ”kalaallit filmiliortartut filmiliaminnik nuannaarutiginninnissamut katersuussimapput, peqatigiiffiulli Film Greenlandip (Film.gl) piviusulersaarut ”Grønlands hvide guld” allanit akuliuffigineqaratik nittarsaappaat, piviusulersaarutip sakkortuumik oqallisigineqarnera DR-ip piviusulersaarummik tunuartitsineranik kinguneqartoq innersuussutigalugu.
Film.gl-imi siulittaasup Klaus Georg Hansenip AG-mut oqaatigaa, film.gl-ip “Orsugiak – Det Hvide Guld”-imik Berlinalemi nittarsaassinerata pingaaruteqassusia soqutaannginnerusoq.
Siulittaasup oqaasia naapertorlugu piviusulersaarusiortut attaveqarfigineqarsinnaanerat allakkanik assiliaaqqanik 25-t missaanniittunik nittarsaanneqarpoq. Film.gl-ip aamma allakkanik assiliartalinnik nunanit allanit filmiliortartunut Kalaallit Nunaannut pilerisaarinermik oqaluttuanik nittarsaassivoq.
- Inuppassuit sanioqquttartut oqaloqatigisarpavut. Kisianni tassaanngillat inuit aningaasanik nassatallit nunarsuarmi tamarmi takutitsinissamut akiliiumasut. Taamami pisoqartanngilaq,
Klaus Georg Hansen oqarpoq.
Katuami sapaatip akunnerani kingullermi ”Orsugiak – Grønlands hvide guld” kalaallisut oqaasertalersugaq takutinneqarpoq. Aamma Nordatlantiske Filmdage-mi marsip arfernanniit 16-ianut Illu Atlantikumi takuneqarsinnaassaaq. Tassani piviusulersaarut arfininngornermi marsip 15-ianni nalunaaqutaq 16.45 takutinneqassaaq.
Festivali taanna nunarsuaq tamakkerlugu
pingaarnerpaat ilaattut oqaatigineqartarpoq.
Aammali festivali taanna angisuujuvoq
paatsiveerusimaarnartuullunilu, filmiliortartut mikinerit ulapputtut
akornanni tamaannarnissaminnut navianartorsiortarlutik, film.gl-imi
siulittaasoq oqarpoq.
- Sapaatip akunnera tamaat
inuppassuaqartarpoq, sumi tamaani ingerlasaqattaartunik, Klaus Georg
Hansen oqaluttuarpoq, filmilianik takutitsinermut atatillugu filminik
tuniniaavik, European Film Market, EFM, nunarsuarmi tamarmeersunik
filminik piserusuttut ussagarfigilluartagaat ingammik
ornigarneqarluartarluni.
Tassani film.gl-imit ilaatigut
tuniniaaqatigineqartarlutik filmiliortartut allat, ilaatigut nunat
inoqqaavisa filmiliortartuinit Indigenous Cinema Alliance,
ICA-meersut.
- Berlinalemi attaveqaqatigiinnermut
tunngatillugu manna tikillugu pitsaanerpaatut taaneqarpoq, aamma
suliamik piginnaanngorsaaneq pissutigalugu, Klaus Georg Hansen
oqarpoq, taassumalu oqaatigaa ICA-p ataatsimut
saqqummersitsiveqarnissani akueritissimagaa, tamarmik immikkut
saqqummersitsivissamik pisinngikkaluarlutik.
- Ukioq manna filmiliortartut
quliugatta, siornamiillu pisoqarnerujussuulluni, siornami
arfiniliinnaagatta, oqarpoq oqaatigalugulu ukioq manna Amerika
Kujalleq Manerassuarmeersullu, assersuutigalugu Hawaii, ukioq manna
peqataalluarsimasut.
Klaus Georg Hansenip oqaatigaa, ukiut
ingerlaneranni Kalaallit Nunaannit quppersakkat, plakatit
assigisaallu filmilianik nunatsinneersunik oqaluttuassartaqartut
suliarineqartartut, soqutiginnittulli filminik pisisartut
amerlavallaanngitsut.
Filmiliornissanik soqutiginnittunik
isumaqatigiinniarusuttunik takkuttoqartannginnami. Tamaanga suli
killeqqajanngilagut, tuniniaasarfimmeereerluni oqarpoq,
oqaatigalugulu quppersakkat saqqumisitatik tigoorarneqarneq ajortut.
Taamaakkaluartoq Klaus Georg Hansenip
nuannaarutigaa, nunap inoqqaavinut tunngasunik filmiliortartut,
ilaatigut kalaallit, ukiuni qulini kingullerni
ineriartortitsilluarsimanerat. Tamanna Torontomi filmfestivalimi
imagineNATIVE-mi sulisut pikkorissut suliniuteqartullu
suliniuteqarnerat pissutaanerpaavoq, tassanimi ukiuni kingullerni
marlunni Berlinale-mut piareersaasussamik atorfinitsitsisoqartarpoq.
- Tamannalu tupinnaannarpoq. Siorna
ukioq mannalu Berlinale aatsaat taama piareersarluarfiutigisimavoq.
ImagineNATIVE aningaasarpassuarnik atuisimavoq, Klaus Georg Hansen
tikkuaavoq.
Film.gl-imi siulittaasoq nangilluni
oqarpoq ukioq manna siullerpaamik filmilianik tuniniaasartumik
suleqateqarniartoqarsimasoq, tamannalu siornatigut
pisimanngisaannartoq.
- Siornatigut filmiliornermut
ilitsersuisartut, filmiliortulluunniit namminneerlutik filmiliatik
tuniniarsarisussaasarpaat, tamannalu tamakkiisumik
isigineqarsinnaasarani.
isiginnaartitsinissamut
inniminniinerit assigisaallu tuniniaaffigineqartaraluartut suliamut
tunngasunik ilisimasaqarpallaarneq ajorpoq,“ Klaus Georg Hansen
oqarpoq.
- Takutitsinissat assigisaasalu
tuniniarnissaat immikkut ilisimasaqarfigineqarsimanngilaq, Klaus Georg Hansen oqarpoq.
Allannguisoqariartuaartoq
Nunalli inoqqaavisa filmiliortartut
peqatigiiffiisa suleqatigiinneminnik aaqqissuussillualeruttorneranni, Berlinale ukiuni kingullerni aamma
allanngoriartorsimavoq.
Klaus Georg Hansen
nassuiaavoq ikinnerussuteqartut soqutigineqarnerulernissaat
siornatigut pingaartinneqangaatsiarsimagaluartoq, maannakkut
pissutsit allanngorsimasut, pitsaanerulernatilli.
Nunat
inoqqaavisa filmiliortartut isiginnittaasiat naapertorlugu
pitsaasutut taaneqartariaqarpoq, ukioq manna Berlinalemi filmi
„Uiksaringitara“ („Uissaq kukkusoq“) Zakarias Kunuup
filmiliaa takuteqqaarneqarpoq.
- Tamannalu nuannerluinnarpoq, Klaus
Georg Hansen oqarpoq.
Film.gl-imili misigisimallutik
ikinnerussuteqartunit ilaatigut nunap inoqqaavinit filmiliat,
maluginiarneqarunnaarsimasut. Taamaattumik siunissami Berlinimi
filmfestivalimi malugineqarnerujumallutik nukinnik aningaasanillu
atuinerusariaqassallutik. aningaasaateqarnerusariaqarunarput.
Misilittakkat takutippaat
ikinnerussuteqartut aaqqissuussanut namminneq peqataakulasartut,
Klaus Georg Hansen, Berlinalemi filmertarfimmi (akisoorujussuarmik)
attartorneqarsimasumi nunap inoqqaavisa filmiliortartuisa filmimut
takussutissiat assigiinngitsut 26-t takutinneqarneranni nassuiaavoq.
- Uagut kisingajatta takkuppugut,
film.gl-imi siulittaasoq oqarpoq.
Canadamiut aallartitaqarfianni
paasisimasallit oqallinnerat allaanerulluinnarpoq. Tassani
inuppassuaqarpoq, aamma inuit nunap avataaniittut ilaallutik,
namminneq nunat inoqqaavinut ilaanngikkaluarlutik nunap inoqqaavi
pillugit sammisamik soqutiginnittut.
- Matumani avataaneersut amerlanerusut
takkupput, Klaus Georg Hansen oqarpoq.
ICA-mi suleqatigiinnermi misigisaq
pitsaanerpaaq suliniullu pitsaanerpaaq tassaavoq filmiliortartut
arlallit filmiliornissamik isumassarsiaminnik saqqummiussinerat.
Klaus Georg Hansenip oqaatigisaa naapertorlugu isiginnaartut
akornanniikkamik aningaasaatillit millionilikkuutaanik
aningaasaatillit, ilaatigut filmiliortartut, saqqummiussinerup
kingorna filmiliariniarneqartunut takutinneqartunut arlalinnut
tapersersuiniarlutik neriorsuisut.
Taamaattumik iluaqutaaqaaq, tamannalu
misilinngisaannarnikuuarput, Klaus Georg Hansen oqarpoq.
Saqqummiussinermi peqataasut ilagaat
filmiliornermi ilitsersuisartoq Inuk Jørgensen, Nunatsinneersoq,
filmiliaminik naatsumik „Hedtoft“-imik 2019-imeersumik
takinerusunngortinniakkaminik suliaqarusuttoq.
