- Kalaallit Nunaatami ulluni makkunani sammineqangaatsialeruttornerata saqqummersitsinissamut atorluassallugu tulluarpoq, marriortoq Kristine Spore Kreutzmann oqarpoq. Taanna peqatigiiffimmi KIMIK-mmi aamma siulittaasuusoq eqqumiitsuliaminik kalaaleqatimilu allat qulit eqqumiitsuliaannik saqqummersitsinermik aamma aaqqissuisuuvoq.
”Kusanartuliat - Impressions & Expressions”-imik taallugu saqqummersitsinissaq Trump USA-mi præsidentinngoqqereernermini Kalaallit Nunaannut qaninnialersaaqqeqqajanngitsorli piareersarneqalerpoq. Amerikamiulli qaammatini kingullerni iluareqqusaarnerat, Kalaallit Nunaata ukkatarineqarnerulerneranut sunniuteqarluinnartoq, Kristine S. Kreutzmannip maluginiarpaa. Kalaallit Nunaammi soqutigineqarnerulersimaqisoq, eqqumiitsuliaminnik Bornholms Center for Kunsthåndværk Grønbechs Gårdimiittumi nivinngaatiterileruttornerminnili maluginiarsimavaa:
- Kalaallit Nunaatami ulluni makkunani sammineqangaatsialeruttornerata saqqummersitsinissamut atorluassallugu tulluarpoq, marriortoq Kristine Spore Kreutzmann oqarpoq. Taanna peqatigiiffimmi KIMIK-mmi aamma siulittaasuusoq eqqumiitsuliaminik kalaaleqatimilu allat qulit eqqumiitsuliaannik saqqummersitsinermik aamma aaqqissuisuuvoq.
”Kusanartuliat - Impressions & Expressions”-imik taallugu saqqummersitsinissaq Trump USA-mi præsidentinngoqqereernermini Kalaallit Nunaannut qaninnialersaaqqeqqajanngitsorli piareersarneqalerpoq. Amerikamiulli qaammatini kingullerni iluareqqusaarnerat, Kalaallit Nunaata ukkatarineqarnerulerneranut sunniuteqarluinnartoq, Kristine S. Kreutzmannip maluginiarpaa. Kalaallit Nunaammi soqutigineqarnerulersimaqisoq, eqqumiitsuliaminnik Bornholms Center for Kunsthåndværk Grønbechs Gårdimiittumi nivinngaatiterileruttornerminnili maluginiarsimavaa:
- Alakkaasoqaqaaq, suliavullu alakkaasunit alutorineqarrateqaat. Kaalaallillu eqqumiitsuliaat soorlu tupilaannaanngitsuusut (qiperugaannaanngitsuusut, aaqq.) arsarnertaliinnaanngitsuusullu maluginiaraat isigalugit nuannerpoq, Kristine S. Kreutzmann oqarpoq.
Eqqumiitsulianik saqqummersitsisut tassaapput Ivalo Christa Abelsen, Nadja Kreutzmann, Lisbeth Karline Poulsen, Liv Aurora Stender, Naja Rosing-Asvid, Sofie Amondsen, Lisa Kreutzmann, Hanne Bruun aamma Mike Lynge. Taakkua eqqumiitsuliaat ilaatigut naasut panertitat Kalaallit Nunaanneersut, puisit amii qissiallu, pinnersaatit ullutsinnilu annoraaliat kusanaqisut atorlugit suliaapput.
Eqqumiitsuliortut Lisa Kreutzmannip, Naja Rosing-Asvidip, Mike Lyngep, Ivalo Abelsenip, Sofie Amondsenip Kristine Spore Kreutzmannillu suliaat ”Kusanartuliat - Impressions & Expressions”-imi saqqummersitanut ilaapput.
Assi Kristoffer Linus
- Atortussat assigiinngitsorpassuit atorlugit eqqumiitsuliortartugut – qanorlu assigiinngisitaartiginersugut - takutikkumavarput, Kristine S. Kreutzmann oqarpoq.
Spiralit marriukkat
Kristine S. Kreutzmannip saqqummersitami ilaat piffissartorfigisimaqalugillu naammagittaqaluni suliarisimasai tassaapput: spiraleeqqat qaqortut marriukkat 4.500-t.
Danskit naalagaaffiata kalaallit amerliartoqqunagit 1960-ikkut 1970-ikkullu akornanni spiralilersueqqusisimanera oqariartuuginiarlugu suliarisimagini taassuma oqaatigaa.
- Isumassarsiarigakkit piviusunngortittariaqarlugit misigaanga. Taamali amerlatigisunik marriorsimallunga saqqummersinnerini aatsaat silasilerpunga, piffissamilu tassanerpiaq killitsisimaangaatsiarpunga, Kristine S. Kreutzmann oqaluttuarpoq.
Taanna kusanartulianik eqqumiitsuliortutut Bornholmimi Det Kongelige Danske Akademimi ilinniarsimasuuvoq, naammassigamilu Bornholmimiit aallaramili ukiut qulit-aqqanillit qaangiutereersimalersut qeqertamut tassungaqqikkami aliannaarsimaqaluni oqaatigaa.
- Ilinniartoqatiginikuusama ilaat kusanartulianillu qangaanerusorli eqqumiitsuliortartut Anne-Birthe Hoveugaluamik aamma ilisimannittuusut aamma takusaapput. Nuanneqaaq. Kalaalerpaluttunillu Borholmimut saqqummersitsiartorluni nuannivippoq, marriortoq oqarpoq.
Bornholm Kalaallit Nunaattulli qeqertaasoq kusanartulianik eqqumiitsuliortartunut, ingammik marriortartunut, igalaaminernik pullaasartunut annoraaminernillu eqqumiitsuliortartunut kateriffitoqaavoq, taamaammallu kalaallit kusanartuliaralugit eqqumiitsuliaannik saqqummersitsivissaqqissuulluni.
Kalaallit eqqumiitsuliortut eqqumiitsuliaminnik Bornholmimi saqqummersitsinertik Sverigemi nunanilu avannarliusuni allani nangeriarlugu Nuummi aappaaguussagunavittumi naggasissavaat.
Kalaallit eqqumiitsuliaannik nittarsaasut
Kalaallit eqqumiitsuliortut suliaminnik Bornholmimi saqqummersitsinerat Kalaallit Nunaata eqqumiitsulianik saqqummersitsivittaarnissaanut (Nunatta Eqqumiitsulianik Saqqummersitsivia, aaqq.) atatillugu aaqqissuunneqarpoq. Saqqummersitsivittaassaq taanna kalaallit eqqumiitsuliaannik kusanartuliaannillu nittarsaassiviutigissasoq aalajangerneqarnikuuvoq.
Saqqummersitat ilaat ilaatigut puisip amia atorlugit suliaasut ”Hvem har taget min blomst?”-imik taaneqarput, taakkua Liv Aurora Stenderimit suliaasut kalaallinik 1960-ikkut 1970-ikkullu akornanni spiralilersuisimanermut tunngassuteqarput. ”Naasoq niviarsiaassusiiagaanerannik uumasullu amii meqqullit spiralilerneqarneranni naalungiarsuup aaqqutaanit aniasoqarnerannik ersersitsisuupput. Taakkua tassa niviarsiaassusiiagaasimanerannik ersersitsisuupput”. Eqqumiitsuliortoq Liv Aurora Stender suliani saqqummersitat pillugit quppersakkami taama nassuiarpai.
Assi Kristoffer Linus
Kristine S. Kreutzmann tamatumani, saqqummersitsivittaassap aningaasaateqarfiani siulersuisuni ilaasortaanermigut, aamma suleqataavoq. Bornholms Kunstmuseumimi pisortaasimasoq Lars Kærulf aamma suleqataallunilu saqqummersitsivimmik Grønbechs Gårdimik kalaallinut eqqumiitsuliortunut innersuussisuuvoq. Grønbechs Gårdimi init saqqummersitsiviusut qulingiluaapput, inillu taakkua tamarmik ulloq taanna saqqummersitsiviullutik.
Taamaammat takusaasut saqqummersitsisunit pilerngunneqartutullusooq ipput.
Saqqummersitatilli ussagarneqarnerorpasittut, Kristine S. Kreutzmann oqarpoq.
- Viinnisorfikummi saqqummersitsinitta naanerani amerlanerpaapput, taanna illalaajutigaluni illarlunilu.
Saqqummersitsineq Namminersorlutik Oqartussanit, NAPA-mit aamma Augustinus Fondenimit tapiiffigineqarpoq, 2025-milu juunip 29-at ilanngullugu alakkarneqarsinnaassallun
