Suliniummi anersaakkut aqqutissiuisoq

Maya Sialuk Edelfelt Koch Madsen, inuit kakiorneri pillugit immikkut ilisimasalik, kalaallit toqungasut timaasa tallimat, qanittukkut USA-mi Harvard Universitymit angerlaanneqartut, pillugit ilisimatusarnermi anersaakkut siunnersortissatut toqqarneqarsimavoq. Arctic Hub, issittumi ilisimatusarnermik ilisimatuunut kalaallinullu inuiaqatigiinnut pissarsiffigiuminarnerutitsisoq, taama allappoq.

- Suliniummi kalaallisullu eqqarsartaaseqanngitsunut ingerlatitseqqiineq aqqutissiuinerlu uanga suliassaraara. Nunap inoqqaavisa anersaamut tunngasunik pingaartitsinerat ataqqineqassaaq, Maya Sialuk Edelfelt Koch Madsen Arctic Hubimut oqarpoq.

Suliniummi “Angerlartunnguit”-mi kitaani ilisimatusarneq kalaallillu ileqqutoqaat ataatsimoortinneqarput, tassanilu inuit toqungaasut timaannik ataqqinnittumik pinnittarneq sammineqarpoq, taakkumi inuttut toqusimasutut namminneq oqaluttuassartaqartutut isigineqarput. Ilisimatuut ukiui, suiaassusiat, toquneranut pissutaasoq kakiornerilu misissorpaat. Suliniut 2027-p tungaanut ingerlassallunilu Kujataani aamma misissuisoqassaaq.