Video takuuk: Henrik Jensen Avannaata Qimussersua 2025-mi ajugaavoq: Puigunaassereerpoq
Henrik Jensen Ilulissaneersoq Avannaata Qimussersuani 2025-mi ajugaasuuvoq. Akunneq ataaseq, minutsit 53-it sekundillu 16-it atorlugit ingerlareerluni Oqummiannguup Tasiani apuuffissamut apuuppoq. Innuttaasut, tikeraat nunaniillu allaneersut isiginnaartoralugit apuuffissamut apuuppoq.
Avannaata Qimussersua 2025-imi ajugaasoq: Henrik Jensen.
Assi: Oscar Scott Carl
- Tassa puigunaassereerpoq, Henrik Jensen,
Avannaata Qimussersuani 2025-imi ajugaasoq oqarpoq.
Unammersuarneq nal. 12.00
aallartippoq, tassani qimussit 27-it imminnut unammisussaallutik.
Henrik Jensen apuuffissaminut nal. 13.53 siullersaalluni
apuuppoq.
Henrik Jensen Ilulissaneersuuvoq, qimminilu nukkassarlugit sungiusarluarsimavai.
Assi: Oscar Scott Carl
Henrik
Jensen apuuffissaminut nal. 13.53 siullersaalluni apuuppoq. Kammalaatiminit ilaquttaminillu
najorneqarluni nuannisarneranni Sermitsiap naapippaa.
Henrik Jensen qimminilu qamutini, apuuffissamut apuullutik.
Assi: Oscar Scott Carl
Nuannaangaarami misigissuseq
nassuiaruminaatsippaa:
- Nassuiaruminaappoq suli. Immaqa aqqutaa
ilungersorfiunikuunermut. Tununniiginnaavikkamik misilittagartuut.
Qimussillaqqittut. Taakku aarlerinarnerpaatinnikuugakkit aqqutaa tamaat.
- Aatsaat tikiliivillunga Oqummiannguup Taseertugaaq
qiterpaarlugu. Tassani taliga qullarpara, Henrik Jensen qungujulalluni
oqaluttuarpoq.
Isiginnaariat nuannaartut.
Assi: Oscar Scott Carl
Unamminissamut
sungiusarluarsimasoq
Henrik Jensen Sermitsiamut
oqaluttuarpoq qimmit qummukajaakkuullaqqissimasut.
- Qummukajaallaqqittoortaarama qimminik.
Taannaannaarpasippoq, narlusuukkuuleraangatta sukkasoorujummik angusarpaannga.
Kisianni qummullu ingerlalaalertugut immaqaluunniit qaqeriarnerini siuariartarpunga.
- Piffissarujuk atornikuuara sungiusarnermut qimussingaatsiarnikuuvunga,
aamma qimmit nukkassarluarnikuuakka, allatuulli piareersarluarnikuuvunga.
- Sungiusarnerit assigiinneq ajorput, soorlu
apusiortitsinerit immaqaluunniit ingerlatittaqattaarlugit kattortilaartarlugit,
qasujaallisarlugit.
Henrik Jensenip ittoqutaa: Ari.
Assi: Tôrtia Reimer-Johansen
Ulloq puigunaatsoq
Ajugaaneq Henrik Jensenimut
pingaaruteqarpoq, maannami Avannaata Qimussersuatut imminut taasinnaavoq. Ulloq
ilaquttat kammalaatillu ilagalugit nuannisartoqassaaq:
Henrik Jensenip apuunnera takujuk, takoqqigulluunniit.
- Nuannaarujuussaagut. Tassa puigunaassereerpoq,
nuannerpoq.
- Ilimattaatit suua?
- Hehe, oqarunnanngilanga.
Apersorneqarnera tamaat takujuk:
