Bankip Nunatta Eqqumiitsulianik Saqqummersitsivissaa 3 millionit koruuninik tunissuteqarfigaa

Grønlandsbankip aningaaseriviullu aningaasaateqarfiata Nunatta Eqqumiitsulianik Saqqummersitsivissanut suliniuteqartut nalunaarfigai pilersinniakkap sananeqarnissaata piviusunngornissaa 3 mio kr-nik tapiissuteqarfiginiarlugu.

Nunatta Eqqumiitsulianik Saqqummersitsivissaanik suliniuteqartut tusagassiutinut taama nalunaaruteqarput.

Saqqummersitsiviup sananeqarnera 200 millionit koruunit missaannik akeqartussaavoq, maannalu katillugit 103 millionit koruunit missaannik tunissuteqartoqarsimavoq. Inatsisartut Naalakkersuisullu 50 mio. koruuninik tunissuteqarsimapput Danmarkimilu inuussutissarsiutilik kinaassutsiminik isertuussisoq aamma 50 mio. koruuninik tunissuteqarsimalluni.

Tunissuteqarfigineqarnermut tunngatillugu Nunatta Eqqumiitsulianik Saqqummersitsivissaanut siulersuisut siulittaasuat Josef Motzfeldt ima oqarpoq:

Nunat Avannarliit Nalunaarsuiffiat: Tiguaa tunissut privati 50 millioni koruuninik

Kalaallit Nunaata Nalunaarsuiffiata tullia tiguaa tunissut 50 millioni koruuninik danskit inuussutissarsiortumit. Inuk taanna kissaatigaa aqqa nalunaarutigineqassanngitsoq, nalunaarsuiffiup siulittaasua ilisimatitsivoq.

- Grønlandsbankip aningaasaateqarfiatalu aningaasarpassuarnik tunissutaanut qujamasungaarpugut. Tapiissutitut tunniunneqartut pilersinniakkap piviusunngornissaanut qanilliallatsiinnanngilaatigu aammali tapiissuteqarneq Danmarkimi nunanilu tamani aningaasaateqarfinnut kalerriineruvoq nunatsinni eqqumiitsulianik saqqummersitsiviliorneq nunatsinnit inuiaqatigiinnillu taperserneqarluni tunngavigissaarneranut.

Grønlandsbankip pisortaa Martin Kviesgaard aningaaserivioullu inuussutissarsiutinut aningaasaateqarfiata siulittaasua Kristian Lennert tapiissuteqarnerminnut atatillugu ilaatigut ima oqarput:

- Tapiissutitut tunissuteqarnitsinnut tunngavigaarput isumaqaratta eqqumiitsulianut pingaarutilinnut tulluartumik katersukkanut saqqummersitsiveqarnissaq nittaanerussasoq Kalaallit Nunaata inuisalu kulturikkut ilisarnaataannut inuiaallu kalaallit ineriartornerannut.

- Soorunami isummernitsinnut ilaanngitsuunngilaq isumaqaratta Nunatta Eqqumiitsulianik Saqummersitsivia siunissami aamma takornariaqarnikkut siuarsaaqataajumaartoq pingaartumillu inuiaqatigiinnut kulturikkut ataatsimoornermut patajaallisaaqataajumaartoq.