Taalliortup politikerillu Aqqaluk Lyngep taallaq »Arnarulunnguaq« paasisassarsioqataasumut 1921-miit 1924-mut qimusserluni angalanersuarmi 18.000 kilometerit angalaqataasumut tunngasoq 1982-imi allappaa:
Eqqaassusinngilaatsit,
Taalliortup politikerillu Aqqaluk Lyngep taallaq »Arnarulunnguaq« paasisassarsioqataasumut 1921-miit 1924-mut qimusserluni angalanersuarmi 18.000 kilometerit angalaqataasumut tunngasoq 1982-imi allappaa:
Eqqaassusinngilaatsit,
allaaserinatillu.
Anersaalli nakuussusillu
ataavarput
naggueqatitta attataat.
Aqqaluk Lyngep taalliani Nuutoqqami sapaatiummat atuarpaa, tassanimi Arnarulunnguup Thulemi paasisassarsiornerup tallimaasa naammassinerata kingorna ukiuni tulliuttuni nersorneqarnissaa ataqqiniarneqarnissaalu pillugu ukiunik 100-nik kingusinaarluni eqqaassutissamik nappaasoqarlunilu atuakkamik saqqummersitsisoqarpoq.
Meqqut saviminermik manngertornineq ajortumik sanaaq
Assilialiortup Aka Høeghip arnaq immikkuullarissoq eqqaassutissiorpaa.
Inuk sallaatsoq, qimussimillu angalanersuarmi angusai ingasagineqarsinnaanngitsut.
Ujararujussuaq granitti qaqortoq ujaqqamut iluseqarluartumut qalipaatigissumullu toqqaviuvoq.
Ujaqqerisoq Thomas K. Andersen, kaataq qussaatarlu atorlugit Aka Høeghimut ikiuuttoq, naapertorlugu ujarak tassaavoq øjegnejs. (Ordbogimi allassimasut naapertorlugit øjegnejs tassaavoq ujarak allanik aamma akoqaraluarluni annermik feldspatimik akulik).
Arnarulunnguaq arnaasimavoq tunuarsimaartoq, sullarissorlu.
Aka Høeghip ujaqqami Arnarulunnguup Canadami Alaskamiluunniit putsumit kanernartumit nuinerata assinga qiperorsimavaa.
Arnarulunnguaq suliassarpassuaqarsimavoq, silarlussinnaasartumili paasisassarsiortut atisaannik aaqqissuisinnaanera paasisassarsiornerup naammassinissaanut pingaartuuvoq.
Nuummi amutsivik saviminermik manngertornineq ajortumik meqquterujussualiorpoq, taannalu Arnarulunnguup meqqummik ujalumillu naammassisaanut takussutissatut ujarak akimorlugu ikkunneqarsimavoq.
Ujaqqap qaaqquaanga
Aka Høeghip Nuup kangerluata tungaanut pinerluuteqarsimasunut inissiisarfiup nalaani ujarak piffissami sivisuumi sanioqquasarpaa.
– Aajuna, ujaqqap pivaanga, Aka Høegh Sermitsiamut oqaluttuarpoq.
Ujarak manngertuullunilu, ilumoortuullunilu nammineq oqaluttuassartaqartoq assilialiortup oqaatigaa.
Soorlu Arnarulunnguaq taamaattoq.
– Inuk pinngortitamiittuusoq pillugu ujaqqamik pinngortitameersumik eqqaassutissiorusuppunga. Ujarallu unarpiaq allanngortingaartariaqanngilaq; nammineq oqaluttuarpoq.
Arnarulunnguaq pillugu eqqaassutissaq Nuummi Nuutoqqamiippoq, Thulemullu paasisassarsiornerit tallimassaat 1921-mi septembarip 7-ani tassanngaanniit aallartippoq.
