KL

DK

Kalaallit Nunaat uummammioralugu

Elisabeth Aviaaja Christiansen ilinniagartuutut bacheloritut kandidatitullu ilinniarsimasaminik Designskolenimi Koldingimi ilinniagaqarsimasoq, eqqumiitsuliornermini aammalu ineriartortitsinermi pissanganartumik pinnguaammik suliaqarnermini piginnaasaqarluarpoq.

Knud Fl. Larsen Freelance Tusagassiortoq
Saqqummersinneqarpoq

29-nik ukiulik Elisabeth Aviaaja kalaaliullunilu-danskiusumik anaanaqarpoq tuluullunilu-danskimik ataataqarluni. Designskolenimi 2022-mi naammassivoq. Naammassinerminut atatillugu suliaa annertooq tassaavoq ilinniartitsissutissamik pinnguaat kalaallit oqaluttuarisaanerannut tunngasoq,  taannalu pinnguaat naammassinermi kingorna suli annertusisamik iElisabeth Aviaajap neriartortissimavaa.

Kalaallit Nunaat annertuumik isumaqarpoq

Elisabeth Aviaajamik oqaloqateqarluni takusinnaallugulu qanoq suliassaminik eqqarsaatersuuteqartartoq oqaasiilu tusarnaaraanni paasinarsisarpoq Kalaallit Nunaat taassumunnga pingaaruteqarluinnartuusoq.

- Kalaallit ilaquttakka kalaallillu kulturiat asajunaannarnikuuakka asajuassallugillu. Sorpassuit Kalaallit Nunaannut attuumassuteqartut uannut annertuumik isumaqarput, Elisabeth nuannersumik oqaluttuarpoq upernaakkut Odensemi kaffisoqatigerujoornerani.

- Taamaattumik kalaallit oqaluttuarisaanerannit oqaluppalaat pinngortitsisarninni isumassarsiorfigisarpakka suliannullu ilisarnaataapput.

- Siullerpaamik ilusilersukkakka sanavakka efterskolemi 10. klassimi atuarlunga. Aamma, kingusinnerusukkut semesterit marluk Tuluit Nunaanniinninni, Kalaallit Nunaannut tunngasut sulianni ilaapput. Taamani marrarmik ilusilersuivunga iikkamut nipitittakkanik, soorunalumi ilusilersorneri Kalaallit Nunaanut tunngassuteqarput.

Elisabeth Aviaaja Kalaallit Nunaanni sumiiffinni assigiinngitsuni ilaqutaqarpoq. Ilaatigut Nuummi Aasiannilu. Ilaqutariillu Qutdligssanit kingoqqisuupput.

Ilusilersukkat kalaallillu erfalasui "Tupilak Ceramicsimik" taaguuteqartillugit tuniniarneqartarput Instagrammi aamma eqqumiitsuliornermik niuffaffinni, taakkunani eqqumiitsuliortut asssigiinngitsut eqqumiitsuliornermik inuussutissarsiutilittut naapittarput tuniniaallutillu.

- Piffissakittaraluarlunga, eqqumiitsuliorneralu suli amerlanerusumik suliarerusukkaluarlugu, nuannarisaqara nioqqutissakka tuniniaraangakkit. Tuniniaajutigalunga inuit assigiinngitsut naapillugillu oqaloqatiginissaat pisarmat.

Pinnguaat ilinniut

Kalaallit oqaluttuarisaanerat aallaavigalugu pinnguaat Elisabeth Aviaajap suliarisaa inuttaata suli ineriartortippaa,  maannalu taanna ima inerisarneqartigilersimavoq Nuummi atuarfinni assigiinngitsuni pingasuni misilerarneqalersimalluni.

- Soorunami pinnguaammik taamaattumik ineriartortitsineq suliaavoq annertooq, Elisabeth Aviaaja oqaluttuarpoq.

- Pinnguaatinik pinngorartitsinermut sulialimmik suleqateqarpunga. Aningaasaliiffigineqarpunga, aamma Kalaallit Nunaannut angalanissannut aningaasaliiffigineqarpunga, aammalu qilanaarivunga pinnguaatiliama misilinneqarnissaanut, soorunami aamma Kalaallit Nunaanniissinnaanissara iluatsillugu ilaquttamata takunissaat qilanaaraara.

Elisabeth Aviaaja Nuummiinnissami saniatigut Aasiaat Ilulissallu aamma tikissavai.

Ilalisaataanut ilaavoq

Elisabeth Aviaajap ilaqutaani arlallit eqqumiitsuliornermik suliaqartuupput, taamaattumik piginnaasani ilalisaatigigai qularnanngilaq.

glasurkunst elisabeth aviaaja christiansen kulturi kultur kunst

ATORFIIT Se alle jobs

Powered by Labrador CMS