Inuusuttuaraanermi
ukiut ilungersunartut ilaquttat avataanniittutut allaanerusutut
misigisimatilluni oqiliallatsinneqarsinnaaneq ajorput. Kâlánguak Absalonsenip
14-inik ukioqalernini taamatorluinnaq misigisimavaa, tamannalu atuakkiamini
”K”-mi, nammineq saqqummersitsivimmini saqqummersinneqaqqammersumi,
oqaluttuaraa.
”Lille”
2023-mi saqqummersoq, eqqaamasalersaarutitut atuakkiaavoq. ”K” tassaavoq
Kâlánguak Absalonsenip atuakkiatut takisuuliaa siulleq, tamatumani atuakkiortup
nammineq inuunini isumassarsiorfigisimavaa, aammali oqaluttualiaannaasunik
ilaqarluni.
Inuusuttuaraanermi
ukiut ilungersunartut ilaquttat avataanniittutut allaanerusutut
misigisimatilluni oqiliallatsinneqarsinnaaneq ajorput. Kâlánguak Absalonsenip
14-inik ukioqalernini taamatorluinnaq misigisimavaa, tamannalu atuakkiamini
”K”-mi, nammineq saqqummersitsivimmini saqqummersinneqaqqammersumi,
oqaluttuaraa.
”Lille”
2023-mi saqqummersoq, eqqaamasalersaarutitut atuakkiaavoq. ”K” tassaavoq
Kâlánguak Absalonsenip atuakkiatut takisuuliaa siulleq, tamatumani atuakkiortup
nammineq inuunini isumassarsiorfigisimavaa, aammali oqaluttualiaannaasunik
ilaqarluni.
Atuagaq
takisuuliaa kalaallit meerartaannik Nunatsinnit Danmarkimut nuutsitsisarnermi
meeqqat oqaatsiminnik, kulturiminnik kinaassutsiminnillu aannaasaqartarnerisa
qanoq ajornakusoortigisinnaaneranik pingaarutilimmik paasisaqartissiivoq.
Niviarsiaqqap
nipaa
Kâlánguak
Absalonsen kalaallit meerartaannut 200-nit amerlanerusunut, piffissami
1950-imit 79-imut inatsisitigut tunngavissaqarpallaanngitsumik qallunaanit
Nunatsinnut suliartortunit kingornalu Danmarkimut angerlaanneqartunut ilaavoq.
–
Angerlarsimaffitsinni paasineqarneq ajorpunga. Ilaqutariinni meeqqat allat
assigalugit isikkoqanngilanga,
arnassamalu ukioq taanna timikkut tarnikkullu ineriartornera
naammaginartinngilaa. Atuarfimmi angusarissaannginnama arnassama
pingaartippaa, angerlarsimaffimmi
suliassanik suliaqarsinnaanermik ilinniarnissara, taamaalillunga
nulianngorsinnaaniassagama pitsaasoq. Pisussaaffippassuaqarpunga, taamaammallu
angerlarsimaffitsinni ikiortitut arlalitsigut kiffartortarlunga, Kâlánguak
Absalonsen siusinnerusukkut Sermitsiamut taama oqaluttuarpoq.
Atuagaq
eqqaamasalersaarut ”Lille” 2023-mi saqqummersinneqarpoq. Atuakkiaalu takisooq
”K” decembarimi 2024-mi saqqummersinneqarpoq.
Atuakkat
taakku marluk atuagaarniarfinni assigiinngitsuni aamma Saxo.dk-mi
pisiarineqarsinnaapput, atuakkiortullu nammineq nittartagaa Kalanguak.dk
aqqutigalugu pisiarineqarsinnaallutik.
