Immiorfeeqqami
Vrå Bryghusimi immiaarallertarfimmi tallimanngormat kingullermi qalipakkanik
saqqummersitsineq ammaanersiorneqarmat, nammineq immiaaralianik akeqanngitsumik
sassaalliisoqarpoq, sodavanditorniaraanili pisisariaqarluni.
Saqqummersitsinermi Nunarput sammineqarpoq.
Immiorfeeqqami
Vrå Bryghusimi immiaarallertarfimmi tallimanngormat kingullermi qalipakkanik
saqqummersitsineq ammaanersiorneqarmat, nammineq immiaaralianik akeqanngitsumik
sassaalliisoqarpoq, sodavanditorniaraanili pisisariaqarluni.
Saqqummersitsinermi Nunarput sammineqarpoq.
Saqqummersitsinerup
ammaanersiorneqarnerani inuit 50-it missaat, annerusumik kalaallit Jyllandip
avannaani najugaqartut katersuupput – immiorfeeqqallu sassaalliutaannik
ataasinnguartuutigaluni kalaallisut aamma qallunaatut eqqaamasanik
avitseqatigiittoqarluni.
Saqqummersitsisut
tassaapput Helena Bodil Hurup Olsen, Otto Albrechtsen aamma Bent Heiselberg.
Taakku pingasut ukiorpassuarni imminnut ilisarisimasimapput ukiakkullu Vråmi
unnukkut atuartitsinermi pikkorissaqatigiinnerminni naapillutik – tamannalu Vrå
Bryghusimi saqqummersitsinermik kinguneqarluni.
Arsummi
meeraanermit eqqaamasat
Otto
Albrechtsen, ukiorpassuarni ilaatigut Kalaallit Røde Korsimi
siulittaasuusimasoq Namminersorlutillu Oqartussani sulisimasoq, maanna
soraarnerulluni Halsimi najugaqarpoq. Qalipakkamini nunaqarfik inunngorfini
Arsuk qitiutippaa, ukiut 70-it matuma siorna meeraanermini qanoq
isikkoqarsimaneratut qalipakkusunnerusakkani.
Nammineq
ima oqarpoq:
- Qalipakkanni immikkuualuttortat sunniusimanerupput, namminermi
tassaniissimagama...
Bent
Heiselberg, Nunatsinni Politiini ukiorpassuarni politiiusimasoq, maannalu
soraarnerusoq, qaqqat assilisatut eqqoqqissaartutut qalipattarpai – ilaatigut
Sermitsiaq aamma Tasermiuni qaqqat qalipattarlugit.
Periuseq
qitiutillugu
-
Ukiorpassuarni qalipaasarama. Takusama sapinngisamik eqqoqqissaartumik
qalipannissaat nuannaraara. Eqqumiitsuliornerunngilaq, assassorlunili
suliaalluni, Heiselberg, ukiuni 31-ni Nunatsinni illoqarfinni assigiinngitsuni
najugaqartarsimasoq taama nassuiaavoq.
Saqqummersitsisut
pingajuat tassaavoq Helena Bodil Hurup Olsen, ilaatigut GUX-imi, Nuup
Kommuniani Namminersorlutillu Oqartussani sulisimasoq, maannalu uini Hans
Kristian Olsen peqatigalugu Vodskovimi najugaqartoq. Taassuma qalipaariaasia
sakkortorpasinneruvoq takorluuerpalaarnerullunilu.
-
Qalipakkanni takusassaqartarpoq – aammali aalajangersimasunik
takusassaqassanani, isigisulli nammineq nassuiartussaallugit, Helena Bodil
Hurup Olsen nassuiaavoq.
