Siulittaasunngortoq kalaallit filmiliaannut isumalluartorujussuaq
- Oscarinik angerlaassisalernissatsinnut piffissaq apeqqutaaginnarpoq, Nina Paninnguaq Skydsbjerg, Kalaallit Nunaanni Oscarimut Ataatsimiititaliami siulittaasunngortoq oqarpoq
Jørgen Chemnitz / Film.gl
Apriilip aallaqqaataani
filmiliortartoq, ilitsersuisoq manuskriptiliortorlu Nina Paninnguaq
Skydsbjerg Kalaallit Nunaanni Oscarimut Ataatsimiititaliami
siulittaasuugallartutut atorfinitsinneqarpoq.
Kattuffik Film.gl taama
ilisimatitsivoq.
Ataatsimiititaliap Kalaallit Nunaat
sinnerlugu kalaallit filmiliaannik Oscarimik
nersornaaserneqartussanik innersuussaqarsinnaavoq, siulittaasorlu
nutaaq neriuuteqarluarpoq:
- Kalaallit filmiliortarnerat
nuannarinerpaasama ilagaat, Oscarimillu nersornaaserneqarnissatsinnut
piffissaq apeqqutaaginnalerpoq, Nina Paninnguaq Skydsbjerg
tusagassiuutinut nalunaarummi oqarpoq.
Kalaallit filmiliaasa
Oscarinnannissaannut filmiliortartut assigalugit politikerit
anguniagaasa annertussuseqarnissaannik pisariaqartitsisoq, taanna
nangilluni oqarpoq.
- Suliaqartut amerlanngillat, kisianni
nukittupput, piginnaasaqarluartunik salliutinneqarnissamik
utaqqisunik peqarluarpoq, taamaalilluni nunarsuup sinneranik
pisinnaasatsinnik takutitsisinnaassaagut, Nina Paninnguaq Skydsbjerg
oqaluttuarpoq.
Kalaallit Nunaanni Oscarimut
Ataatsimiititaliaq Film-gl-imut ilaavoq, taanna maanna aqqanilinnik
ilaasortaqarpoq.