Ruth
inuunermi affangajaa parnaarussivimmi inuuvoq.
Ukiuni 18-ini parnaarussaavoq –
siullermik ukiuni tallimani pinerliisumi toqunneranut, aniguisitaareerlunilu
tigusarineqarpoq nakuusernerminut sioorasaarinermullu, taamaalilluni
piffissaligaanngitsumi tigummigallarneqarnissaminik pineqaatissinneqarluni.
Ruth
inuunermi affangajaa parnaarussivimmi inuuvoq.
Ukiuni 18-ini parnaarussaavoq –
siullermik ukiuni tallimani pinerliisumi toqunneranut, aniguisitaareerlunilu
tigusarineqarpoq nakuusernerminut sioorasaarinermullu, taamaalilluni
piffissaligaanngitsumi tigummigallarneqarnissaminik pineqaatissinneqarluni.
Ruth
Mikaelsen Jeremiassenip 47-nik ukioqartup filmiliortartoq 39-nik ukiulik Nina
Paninnguaq Skydsbjerg naapimmagu inuunerminni inissisimanertik
assigiinngikkaluaqisut immikkuullarissumik ikinngutigiilerput.
Ikinngutigiinnerat immikkut ittoq tussunngunartorlu isiginnaarnerani
ineriartorpoq.
Piviusulersaarut
”Walls – Akinni Inuk” Sofie Rørdamimit Nina Paninnguaq Skydsbjergimiillu aamma
pingaarnertut inuttaasut ilaannit ilitsersorneqarpoq. Produceriuvoq Emile
Hertling Péronard. Piviusulersaarut ukiuni qulini pinngoriartorsimavoq.
Erngerlunga
filmip taarneranik pinngortitarsuattalu immallu kusanarlutillu peqqarneeqisup
assilineranit isumalluarnarpallaanngitsunit tiguartippunga, nipilersuutillu
kigaanneranit ataatsikkut sukkavallaartoqarneranik imaluunniit
tupinnaannartumik kigaanneranit takutitsisunit.
Piviusulersaarummi
Ruth Mikaelsen Jeremiassen Nina Paninnguaq Skydsbjergilu ilisaritinneqarput,
sapiillutik qajannarlutillu qulequttat ilungersunartut soorlu innarligaaneq,
annaasaqarneq aliasunnerlu oqaasertalerlugit.
Immiussissutip
pingaarnertut inuttaasut kiinai qanimut assilisarpai mikisualuit tamaasa
takutillugit. Taamaaliornikkut qaninnerulersutut ipput isiginnaartorlu
kinaassusaannik ilisarinninnerunissaanik periarfissillugu. Ruth Ninalu sapaatit
akunneri tamaasa naapittarput ulluinnarni pisut oqaloqatigiissutigalugit, Ruth
mattusimalluni Ninalu kiffaanngissuseqarluni, qanga kingunerluutigisarsimasamik
iperarniarneranni ikioqatigiilerlutik – tasiorlutik.
Neriunneq periarfissallu nutaat
Piviusulersaarutip
akunneq ataaseq sinnilaarlugu sivisussusillip pisariaqaqisumik inuiaqatigiinnut
akuulersitseqqinniarnermi imminut assortuuttut ilungersunartullu takutippai,
kiisalu nunatta Danmarkillu akornanni inatsisitigut pissutsit.
”Walls –
Akinni Inuk” oqaluttuaavoq tussunngunartoq, neriulersitsisoq,
assannilersitsisoq, inuttut misiginneqataalersitsisoq nutaanillu
periarfissiisoq.
Piviusulersaarut
soriarsinnaannginnermik, oqiliallannermik nuannaarnermillu pilersitsivoq.
Soriarsinnaanngitsutut
misigineq kinguaassiuutitigut innarligaanerup tataannarneranit, kingunerisalu
naapertuutinnginnerannit, ima pisoqarsinnaalluni – soorlu uani – inuk
kingunissai isumaliutigeqqaarnagit iliuuseqarluni. Oqiliallanneq, inuk ataaseq
misigissutsikkut allanngorsinnaammat nuannaarnerlu takusimanngisaannarakku
inuup parnaarussap taama unneqqaritsigaluni oqaluttuarnera, sapiissuseq
killitsinnartorlu nunatsinni filmertarfimmi takutinneqarmat.
Naggataagut
inuit parnaarussat paasisinnaanerulerpakka, kiisalu tassaasinnaasut illit
uangaluunniit.
Piviusulersaarut
nunarsuarmi takuteqqaarneqarpoq sapaatit-akunnerani qaangiuttumi marsip 21-ani,
Københavnimi piviusulersaarutinik pikialaartitsinermi CPH:DOX 2025-mi. Kingorna pilersaarutaavoq filmi apriilip 8-ani Nuummi
takutinneqassasoq, kingornalu Ilulissani Sisimiunilu kiisalu inissiisarfinni.
