Akitsuuserisut ikiaroornartunik misissuisartunik qimmillit politikkikkut ataatsimeersuarnermi sammineqarsinnaapput
Aningaasaqarnermut Akileraartarnermullu Naalakkersuisup Múte B. Egedep (IA) Sermitsiamut oqaatigaa Qeqqata Kommuniani akitsuuserisunik ikiaroornartunik misissuisartunik qimmilinnik pisariaqartitsinerat Naalakkersuisut borgmesterillu aggustip naanerani politikkikkut ataqatigiissaarisut ataatsimiinneranni oqaluuserineqarsinnaasoq.
- Ikiaroornartumik akiuiniarnerup suli annertusisamik iliuuseqarfiginissaa avaqqunneqarsinnaanngitsoq takuneqarsinnaavoq. Aammalu taamaammat paasilluarsinnaavakka Qeqqata Kommuniani kommunalbestyrelsimi ilaasortat tamarmiullutik taamatut saaffiginnissuteqarmata, Aningaasaqarnermut Akileraartarnermullu Naalakkersuisoq, Múte B. Egede Sermitsiamut oqarpoq.
Assi: Oscar Scott Carl
Qeqqata Kommunia akitsuuserisunik ikiaroornartunik misissuisartunik qimmilinnik Sisimiuni Maniitsumilu qimmitaassappat? Tamanna politikkikkut ataatsimeersuarnermi qaammatip uuma naanerani oqaluuserineqarsinnaavoq.
Tamanna nunatta politikeriisa politikikkut ataqatigiissarsisoqatigiit ataatsimeersuarneranni oqaluuserissajunnarsivaat.
Qeqqata Kommuniani kommunalbestyrelsi tamarmiusup Maniitsumi Sisimiunilu ikiaroornartup akiorniarneqarnissaanut annertusaarusupput. Kommunillu kissaatigaa illoqarfinni taakkunani marluusuni qimmilinnik akitsuuserisoqalissasut.
- Ikiaroornartumik akiuiniarnerup suli annertusisamik
iliuuseqarfiginissaa avaqqunneqarsinnaanngitsoq takuneqarsinnaavoq. Aammalu
taamaammat paasilluarsinnaavakka Qeqqata Kommuniani kommunalbestyrelsimi
ilaasortat tamarmiullutik taamatut saaffiginnissuteqarmata, Aningaasaqarnermut Akileraartarnermullu Naalakkersuisoq, Múte B. Egede Sermitsiamut oqarpoq.
Taassuma ilanngullugu oqaatigaa kommunimi annertusisamik akitsuuserisoqalernissaa suli aalajangiiffigineqanngitsoq.
Qanormi taava ikiaroornartoq akiorniarneqassava? Akitsuuserisut qimmillit sulisorinerani? Imaluunniit allatut?
- Annertusisamik aammalu pisortat akimorluta
tamatta suleqatigiinnissatsinnut tunngavissaq tassuuna ujartorneqarpoq.
Taassuma ilanngullugu oqaatigaa ilaatigut nalilersugassatut ilaajumaartoq ilanngaaserisut
ullumikkuminngaanniit suli amerlanerusut qanoq iliuuseqarfigineqarsinnaanissaat.
Ilanngaaserisutut aamma qanoq iliuuseqarfigisinnaanerat nalilersugassaassalluni.
- Qaammatip naanerani kommunit peqatigalugit nalilersugassaraarput.
