Ammaannartumi ikuallaanissamut immikkut ittumik kommune akuersissuteqarallartoq
Naalakkersuisut Kommune Kujallermut ammaannartumi ikuallaanissamut immikkut ittumik akuersissuteqarallarput.
Kommune Kujalleq ammaannartumi ikuallaanissamut immikkut ittumik akuersissummik atuukkallartussamik tunisippoq.
Assi: Nina-Vivi Møller Andersen / Sermitsiaq.AG
Kommune Kujalleq ammaannartumi ikuallaanissamut immikkut ittumik akuersissummik atuukkallartussamik tunisippoq.
Naalakkersuisut taama juunip aqqaneq aappaani aalajanegerput.
Qisunnik eqqakkanik ammaannartumi ikuallaanissamut Qaqortumi Nanortalimmilu aammalu nunaqarfiini Aappilattumi, Narsarmijini, Tasiusami, Alluitsup Paani, Ammassivimmi, Saarlumi, Eqalugaarsunni, Qassimiuni, Qassiarsummi Igalikumilu immikkut ittumik akuersissuteqartoqarpoq.
Qassiarsummilu eqqagassanik ammaannartumi ikuallaanissamut qaavatigut immikkut ittumik akuersissuteqartoqarluni, taama Avatangiisinut Pinngortitamullu Naalakkersuisoqarfik tusagassiuutitigut nalunaaruteqarluni allappoq.
Naalakkersuisoqarfiup ilanngullugu ilisimatitsissutigaa eqqagassalerineq kommuninit isumagineqartartoq. Eqqagassat ikuallanneqarsinnaasut avatangiisinut akuerisanut ikuallanneqassapput.
Naalakkersuisulli kommunit siulersuisuinit ammaannartumi eqqagassanik ikuallanneqarsinnaasunik ikuallaanissamut qinnuteqarpata juulip 31-ata tungaanut akuersissuteqarallarsinnaapput.
Eqqakkat pillugit iliuusissatut pilersaarusiamut 2020-2031-mi ikuallaaviit nuna tamakkerlugu aamma ullutsinnut naleqqussakkamik qanoq isillutik nunatsinni eqqakkanik suliaqartarnissaq allaaserineqarpoq.
