Kommunimi sulisut suliffimmi silataani pujortartut takussaaleqqipput.
Qeqqata Kommunianimi kommunalbestyrelsimi ilaasortat amerlanerussuteqartut kommunimi sulinerup nalaani pujortaqqusinnginneq atorunnaarsippaat.
Kommunimi sulisut suliffimmi silataani pujortartut takussaaleqqipput.
Qeqqata Kommunianimi kommunalbestyrelsimi ilaasortat amerlanerussuteqartut kommunimi sulinerup nalaani pujortaqqusinnginneq atorunnaarsippaat.
Tamanna uggornartuusoq, borgmesteri Malik Berthelsen (S) isumaqarpoq.
- Isumaqarpunga tupap inuiaqatigiinnnut ajugaatinneqarnaranik oqaatigisariaqartoq. Isertuutissanngilaralu tupap oqaqanngikkaluarluni nunatsinni taamak pissaaneqartinneqartiginera assut uggorigakku.
Kommunimi sulisut pujortaqqusaannginneq pillugu qanoq isumaqarnersut kommunip paasiniaaffigeqqammerpai. Tassani amerlanerit isumaqarput inuup nammineq aalajangigassarigaa pujortassanerluni pujortassannginnerluniluunniit - politikerinit aqunneqarani.
Kinguariarneq uggornartoq
Taamaakkaluartoq borgmesterip isumani attatiinnarpaa.
- Tassami inuppassuarnik napparsimalissutigineqarlunilu toqqutigineqartartoq aammalu nunani avannarlerimoqatitsinnut sanilliulluta 5-10-aammik pujortarnerunerput nalunatigu, taava atugaanerata apparsarnissaa tamatta soqutigisariaqaraluarparput. Soorlumi nunarpassuarni allani tamanna sulissutigineqarlunilu anguniagaasoq.
Taassuma aamma ilanngullugu oqaatigaa nunarput kisimi sulinerup nalaani pujortaqqusinngitsuugaluartoq:
- Erseqqissaatigerusupparalu nunarsuarmi kisiartaannginnatta sulinerup nalaani pujortaqqusinnginnermik aalajangiisimasut. Tassami Qallunaat Nunaanni kommunini 98-niit 85-t aamma taamatut aalajangiinikuupput.
Ugguarnini naggataarutigaa:
- Oqaatigeqqissavara kingumut uteriarnerput assorujussuaq uggorigakku, tassami angorusussimagaluarapara inuusuttatta nunarsuarmi tupamik atuinnginnerpaanut ilaalernissaat tamatta ilungersuutigissagipput.
