Ukaliusami aamma Atuarfik Samuel Kleinschmidtimi atuartut ulluni
makkunani Nuummi sumiiffinni assigiinngitsuni inini utaqqiisaasuni
atuartinneqartarput, atuarfiimmi taakku marluk illup iluani silaannaap
ajornartorsiortitsinera pissutigalugu matuneqarmata. Tamatuma saniatigut
atuarfik nutaaq Inussuk aatsaat aappaagu atuarneq aallartippat ammassaaq. Tassa
imaappoq, qaammatini qulingiluani inini utaqqiisaasuni soorlu Qinngutsinni Cafe
Tamumi aamma Nuuk Centerimi utaqqiisaasumik atuartitsisoqarallassaaq.
Atuartut nalaatsornerinnakkut siamasissumik
inissikkallarneqarsimapput, ilaallu taamaalillutik sungiusimasaminnit
allaanerusumik ungasinnerusumut atuariartortariaqalerlutik. Tamakku saniatigut
init amerlasuut atuartitsivigineqarsinnaanngilluinnarput, tamatumalu
kinguneranik ilinniartitsisunut atuartitsinissaminnut pitsaasunik aalajaatsunik
avatangiisinik pilersitsinissaq ajornakusoorluni.
Ukaliusami aamma Atuarfik Samuel Kleinschmidtimi atuartut ulluni
makkunani Nuummi sumiiffinni assigiinngitsuni inini utaqqiisaasuni
atuartinneqartarput, atuarfiimmi taakku marluk illup iluani silaannaap
ajornartorsiortitsinera pissutigalugu matuneqarmata. Tamatuma saniatigut
atuarfik nutaaq Inussuk aatsaat aappaagu atuarneq aallartippat ammassaaq. Tassa
imaappoq, qaammatini qulingiluani inini utaqqiisaasuni soorlu Qinngutsinni Cafe
Tamumi aamma Nuuk Centerimi utaqqiisaasumik atuartitsisoqarallassaaq.
Atuartut nalaatsornerinnakkut siamasissumik
inissikkallarneqarsimapput, ilaallu taamaalillutik sungiusimasaminnit
allaanerusumik ungasinnerusumut atuariartortariaqalerlutik. Tamakku saniatigut
init amerlasuut atuartitsivigineqarsinnaanngilluinnarput, tamatumalu
kinguneranik ilinniartitsisunut atuartitsinissaminnut pitsaasunik aalajaatsunik
avatangiisinik pilersitsinissaq ajornakusoorluni.
Sermitsiap paasisai naapertorlugit atuartut ilaat ulloq naallugu
Avi’s Legelandimi, Inussivimmi, naluttarfimmilu Malimmiittarput. Tamanna immaqa
piffissami sivikitsumi ingerlalluarsinnaagaluarpoq, angajoqqaalli atuartut
ilinniagaqarluarsinnaanissaat klassimilu ataqatigiinnerat ernumanartoqartippaat.
Pissutsit alianartut paasiuminaatsullu Ilinniartitsisut kattuffianni IMAK-imi siulittaasup Elna
Heilmannip isumaqatigaa, pissutsit attatiinnarneqarsinnaanngimmata,
atuarfissallu nutaap atulernissaata tungaanut atuartut toqqissisimanartunik
avatangiiseqartinneqarnissaat tamatta ataatsimoorluta pilersittariaqaripput
isumaqarluni.
Ukaliusaq septembarimi matuneqarpoq oktobarimilu Atuarfik Samuel Kleinschmidt matugallarneqarluni. Taamaalilluni atuartut hunnorujut arlallit atuarfissaarupput.
Assi: Oscar Scott Carl
–
Siullermik isumaqarpunga alianarlunilu paasiuminaatsoq, atuarfik nutaaq
naammassineqareersoq sanaartornermi kukkunerit kommunillu sanaartornermik
nakkutilliinnginnera pissutigalugit suli akuerineqarsimanngimmat. Tamanna
naammaginanngilluinnartumik paatsiveerusimaarnermillu pilersitsivoq,
angajoqqaanut, meeqqanut ilinniartitsisunullu eqquisumik. Maannali atuartunut
atuartitsiviugallartuni pissutsit ingerlallualernissaat
ilungersuutigisariaqarparput. Utaqqiisaagallartumik inissinniarnermi
eqqissinissaq ataatsimoortitsinerlu piffissaqarfigineqassapput,
pingaaruteqarporlu atuartut allamut nuunneqaqqinnginnissaat, Elna Heilmann
oqarpoq. Illup iluata silaannalunnerata ajornartorsiutaanera
Angajoqqaat,
ilinniartitsisut aamma IMAK, Atuarfik Samuel Kleinschmidtimi Ukaliusamilu illup iluani silaannaap
ajornartorsiutaasorujussuunera, sivisuumik tikkuartortarsimavaat,
Kommuneqarfilli Sermersuumit pimoorunneqanngitsutut misigisimasarsimallutik.
– Aggustimi septembarimilu allakkanik nassitsisarpugut, taakkunani
oqaatigineqartarluni atuartunit ilinniartitsisunillu illup iluani
silaannalunnera nuanniilliuutigineqaqisoq, ingerlatsivillu piaartumik
iliuuseqartariaqartoq. Tamannalu aatsaat pilluni septembarip naanerani
Ukaliusaq matuneqarmat oktobarillu qiteqqunnerani Atuarfik Samuel Kleinschmidt
matuneqarmat. Kommuni sivisuallaamik nipangersimasimasoq isumaqarpugut.
Ersarissumik nalunaarutigisariaqaraluarpaat sooq atuarfik nutaaq piffissaq
eqqorlugu ammarneqarsinnaannginnersoq, kommunilu aamma qangali Atuarfik Samuel
Kleinschmidtimut Ukaliusamullu periarfissanik allanik
pilersaarusiorsimasariaqaraluarluni. Atuarfitoqqani taakkunani
marlunniissimasut tamarmik malugisimavaat, illup iluani silaannaq qanoq
ajortigisoq peqqinnanngitsuusorlu. Angajoqqaat pakatsisimammata ilaasalu
meeqqatik angerlarsimatimmatigik paasilluarsinnaavara. Klassimmi ilaat ima
avissaartuutsinneqarsimatigipput atuarfimmi nuannaarneq atuarfimmilu ileqqut
takussaajunnaarsimallutik, tamannalu ajornartorsiutaavoq.
– Aammali nalunngilara aqutsisut pissutsit ajornerulernissaat
pinaveersaartinniarlugu ilungersorlutik sulisimasut, kikkullu tamarmik
tapersersorneqarlutillu sapinngisamillu pitsaanerpaamik ikiorneqarlutik.
Pakatsineq paasisinnaagaa Elna Heilmannip oqaatigaa, Nuummi atuartunut, ilinniartitsisunut
angajoqqaanullu pissutsinut paatsiveerusimaartunut akisussaanerpaat tassaasut
politikerit, taakkumi atuarfissap nutaap piffissaq eqqorlugu piareernissaa
qulakkeersinnaasimanngilaat, aamma Atuarfik Samuel Kleinschmidtimi Ukaliusamilu
init silaannalunnerat ilungersunartutut isiginiarsimanngilaat. Tamatumalu
kingunerisaanik atuarfiit marluk maannakkut ataatsikkut matuneqarput atuarfissarlu nutaaq suli akuerineqarani.
