INUILI-mi atualernissaq kinguartinneqartoq

INUILI-mi ukiup atuarfiusup 2025/2026-p iluarsaassinerit atuarfimmilu atortut pingaarutillit nutarterneri pissutigalugit 1. septemberimi aallartinnissaa Ilinniartitaanermut, Kultureqarnermut, Timersornermut Ilageeqqarnermullu Naalakkersuisoqarfiup kinguartippaa.

-  Ilinniartitaanermut, Kultureqarnermut, Timersornermut Ilageeqqarnermullu Naalakkersuisoqarfiup aamma ilanngullugu Kalaallit Nunaanni ilinniarfinni isumannaallisaanerit inatsisinillu malinnilluni ingerlatsinissap pingaartinneqarnerat erseqqissassavaa, kiisalu atuarfimmik sulisuinillu ataatsimut suleqatigiilluni ullormut nuussinermi aallartilluartoqarnissaa qulakkeerniarneqarluni,  Ilinniartitaanermut, Kulturemut, Timersornermut Ilageeqarnermullu Naalakkersuisoqarfik tusagassiuutitigut nalunaarummi allappoq.

AAMMA ATUARUK

Upernaviarsummi savaatilinngorniat ilinniarfiat oqummat matuneqarpoq

INUILI tassaavoq inuussutissalerinermik ilinniarfik Narsamiittoq. INUILI-mi ilinniartunut iffiornermut, neqilerinermut, kiffartuussinermut saaffiginnittarfilerinermullu tunngasunik ilinniagaqartitsisarpoq.

INUILI-mi savanik paarsisutut ilinniartunut inissinneqassasoq, Upernaviarsummi illut oqoqalersimasut pissutigalugit, Siusinnerusukkut nalunaarutigineqarpoq