Angut 35-nik ukiulik
Ilulissaneersoq Eqqartuussisoqarfik Qaasuitsumi maajip 13-ianni
inunnut aqqanilinnut – arnanut qulingiluanut angutinullu marlunnut
– nakuusersimasutut pineqaatissinneqarpoq. Ilaatigut
tillinniarsimasutut arnanullu sioorasaarisimasutut eqqartuunneqarpoq.
Tamakku pisimallutik Ilulissani, Qasigiannguani Uummannamilu.
Angutip ilaatigut arnaq
naavisigut savimmik kapisimavaa saassutanilu arlallit
toqqusassisarsimallugit. Arnaq ataaseq toqqusassineqarnermi
kingunerisaanik isimigut aanaarsimavoq, taamalu paasinarsilluni
inuunerminik ulorianartorsiortitsisimasoq. Tamatuma saniatigut
nakuusernerni pineqarlutik isatsinerit, tukkaasarnerit, ujaqqanillu
milloornerit. Naak angutip nakuuserneri amerlagaluartut
sakkortugaluartullu, angut 35-nik ukiulik ukiumi ataasiinnarmi
pineqaatissinneqarsimasunut inissiisarfimmiittussanngortinneqarpoq.
Angut 35-nik ukiulik
Ilulissaneersoq Eqqartuussisoqarfik Qaasuitsumi maajip 13-ianni
inunnut aqqanilinnut – arnanut qulingiluanut angutinullu marlunnut
– nakuusersimasutut pineqaatissinneqarpoq. Ilaatigut
tillinniarsimasutut arnanullu sioorasaarisimasutut eqqartuunneqarpoq.
Tamakku pisimallutik Ilulissani, Qasigiannguani Uummannamilu.
Angutip ilaatigut arnaq
naavisigut savimmik kapisimavaa saassutanilu arlallit
toqqusassisarsimallugit. Arnaq ataaseq toqqusassineqarnermi
kingunerisaanik isimigut aanaarsimavoq, taamalu paasinarsilluni
inuunerminik ulorianartorsiortitsisimasoq. Tamatuma saniatigut
nakuusernerni pineqarlutik isatsinerit, tukkaasarnerit, ujaqqanillu
milloornerit. Naak angutip nakuuserneri amerlagaluartut
sakkortugaluartullu, angut 35-nik ukiulik ukiumi ataasiinnarmi
pineqaatissinneqarsimasunut inissiisarfimmiittussanngortinneqarpoq.
Pineqaatissinneqarsimasut inissiisarfimmiinnissaasa sivikillisinneqartarnerat:
Sakkukitsumik
pineqaatissiisoqarneranut patsisaavoq, pinerlunnerit taaneqartut
ilarpassui piffissap sivisuup matuma siornagut pisimanerat, ilaat
ukiut qulit sinnerlugit matuma siornagut pisimagamik. Nakuusernernut
unnerluutigineqartuni siullerni marluusuni siulleq 2014-imi
oktobarimeersuuvoq aappaalu 2015-imi marsimeersuulluni.
Angut siornatigut
pinerluutigisimasaannut pisuutinneqarpat, eqqartuussiviup sakkukinnerusumik pineqaatissittussaavaa, tamannalu aamma
unnerluussisussaatitaasup pineqaatissiinissamut aalajangiineranut
sunniuteqartarluni.
Unnerluutiginnittussaasunit
oqaatigineqartut naapertorlugit 35-nik ukiullip pinerluutai kisiisa
isiginiarnerisigut ukiuni marlunni qaammatinilu aqqanilinni
pineqaatissinneqarsimasunut
inissiisarfimmiittussanngortussaagaluarpoq. Unnerluussisulli
taamaallaat ukiumi ataatsimi qaammatinilu marlussunni
inissiisarfimmiittussanngortinneqarnissaa siunniullugu, suliassap
sivisuumik suliarineqarnera patsisigalugu.
Pineqaatissiineq
sakkortuallaanngilaq, 35-nik ukiulik pisuutinneqarnermi ilaanni
tamakkiisumik ilaannakuusumilluunniit pinngitsuutinneqarmat. Arnamut kiffaanngissuseqarunnaarsitsisimanera aamma arnamut allamut
nakuusersimanera eqqartuussiviup pinngitsuutitsissutigai.
Taamaattumik ukiumi ataasiinnarmi pineqaatissinneqarsimasunut
inissiisarfimmiittussanngorlugu pineqaatissinneqarpoq.
Pineqaatissinneqarnini
akuerigaa
Sermitsiap
suliat allat, suliat sivisuallaamik suliarineqarnerisa kingunerinik
sakkukinnerusumik pineqaatissiisoqartarsimaneranut tunngasut,
qaammatini kingullerni allaaserisarpai. Suliassap sivisuumik
suliarineqartariaqarneranut patsisaasut arlaqarsinnaammata,
erseqqissassallugu pingaaruteqarpoq.
Suliassap
sivisuallaamik suliarineqarnera aamma patsisigalugu, Sermitsiap
maajip 13-ianni eqqartuussineq aatsaat maanna allaaseraa.
Eqqartuussinermi pineqaatissiisoqarneranit aatsaat qaammat sinnerlugu
qaangiummat, Sermitsiaq allagaatinik takunnissinnaatitaalerpoq.
Angutip
35-nik ukiullip najukkami eqqartuussivimmit pineqaatissinneqarnini
akuerigaa, illersuisuata eqqartuussissuserisup Thomas Wiemannip
uppernarsarpaa. Suliassaq taamaalilluni eqqartuussivimmut
qulliunerusumut ingerlateqqinneqassanngilaq.
