Kalaallit tusindillit qinersisinnaanngitsut

Kalaallit tusindillit Danmarkimi najugaqarnertik pissutigalugu Inatsisartunut marsip aqqarnani qinersinissamut peqataasinnaanngillat. Jyllands-Posten taama allappoq.

Aviisi naapertorlugu kalaallit inersimasut 15.000-it Danmarkimi najugaqarput, Kalaallit Nunaannilu qinersisinnaasut 43.000-iupput.

Qinersinerit 15.000-it qinersinermut sunniuteqangaarsinnaapput, Aarhus Universitetimi qinersinermik ilisimatooq Rune Stubager aviisimut oqarpoq. Erseqqissarpaali „eqqoriaanerinnaasoq“.

Immaqali „naalagaaffeqatigiinneq isumalluarnartumik isigineruaat, namminneq periarfissat tamatumunnga attuumassuteqartut iluaqutigigamikkit,“ Rune Stubager oqarpoq.

Allannguineq tikilluaqqusaaginnassasoq

Inuit Ataqatigiit sinnerlugit Folketingimut ilaasortap Aaja Chemnitzip kalaallit Danmarkimiittut qinersinissamut periarfissaqalissasut kissaatigaa.

- Aamma Kalaallit Nunaata namminiilivinnissaa aammalu Kalaallit Nunaata Danmarkillu suleqatigiinnerulernissaat apeqqutaapput, Jyllands-Postenimut oqarpoq.

Kalaallilli Danmarkimi ilinniagaqartut Inatsisartunut qinersinermi qinersisinnaapput. Inuit 1400-t missaanniittut pineqarput, Danmarkimi Ilinniartitaanermut Ilisimatusarnermullu Naalakkersuisoqarfik Jyllands-Postenimut ilisimatitsivoq.

/ritzau/