Biilit sukkassusaannik misissuisoqarnerata kingorna Nuummi arlalinnik akiligassiisoqartoq

Nuummi biilertut sukkassusaannik Kalaallit Nunaanni politiit sisamanngornermi misissuimmata katillugit biilertut tallimat akiligassinneqarput.

Ilaatigut 400-rtalimmi aamma Nuussuarmi sullorsuarmi politiit sukkassutsimik uuttortaasut, pugaartut pisortaat Jeppe Andsager oqaluttuarpoq.

400-rtalikkut biilertoq 68 km/t-imut uuttorneqarpoq, tassani sakkussusissamut killigititaq 60-iuvoq. Sullorsuarmi 30 km/t-imik killeqarfiusumi biilertoq 48 km/t-imut uuttorneqarpoq.

Politiit aamma Hans Lyngep Aqquserngani Qinngorpumi uuttortaapput. Tassani 20 km/t killigineqarpoq. Billertoq ataaseq 28 km/t-imut uuttorneqartoq Jeppe Andsager oqaluttuarpoq.

Paamiuni toqusoqarnera pasinartutut misissorneqartoq, Kalaallit Nunaanni Politiit sisamanngornermi ilisimatitsipput.

Suliamut tassunga tunngatillugu annertunersumik Jeppe Andsager tallimanngornermi ullaakkut oqaaseqarsinnaangilaq, tallimanngornerullu ingerlanerani nutaamik paasissutissiisoqarnissaa naatsorsuutigaa.