KL

DK

KNR-imit nutaarsiassat qallunaat tv-qarfiannit aallakaatinneqartalerput

Tv-qarfik Dk4 KNR-imik suleqatigiinnissamik isumaqatigiissuteqarpoq. Kalaallit Nunaannit nutaarsiassat ullut tamaasa qallunaat tv-qarfiani namminersortumi aallakaatinneqartalissapput.

KNR-imit nutaarsiassat Danmarkimi tv-kkut isiginnaartartunit amerlanerusunit maanna isiginnaarneqarsinnaalerput.
Jørgen Schultz-Nielsen Journalist
Saqqummersinneqarpoq

Qanorooq TV-kkut kanaalimi Dk4-mi ullut tamaasa nalunaaqutaq 23.00 aqaguanilu nalunaaqutaq 9.30 aallakaatinneqartassaaq.

Aammattaaq "Kalaallit Nunaanni sapaatip-akunneranut nutaarsiassat" sapaatikkut aallakaatinneqartalissapput, MediaWatch naapertorlugu tusagassiuutinut nalunaarummi taama ilisimatitsissutigineqarpoq.

- Piffissami Kalaallit Nunaat pillugu soqutiginninnerup Danmarkillu Kalaallit Nunaatalu suleqatigiinnerisa aatsaat taama annertutigineranni, Dk4-p qallunaat tv-qarfiani KNR suleqatigalugu isiginnaartartut Kalaallit Nunaannit nutaarsiassanik malinnaanissamut kisiartaalluni periarfissimmagit nuannaarutigeqaara, Dk4-mik pilersitsisoq piginnittorlu Stig H. Hasner MediaWatch naapertorlugu tusagassiuutinut nalunaarummi oqarpoq.

nyheder samfund knr medier

Atorfiit tamaasa takukkit

– Se alle jobs

Powered by Labrador CMS