ILINNIARNEQ
Københavnimi Århusimilu sullivinnik nittarsaassineq
Ilinniagaqartut kissaatigisaat malillugu Nordatlantens Bryggemi sullivinnik nittarsaassineq 2026-mi marsimi ingerlanneqaqqissaaq. Tamatuma saniatigut neriniartarfimmi Pincho Nationsimi Aarhushallenimiittumi isersimaartarfilimmik nittarsaassisoqassaaq.
Sullivinnik nittarsaassineq 2025-mi Aarhussalenimi ingerlanneqarpoq. Nittarsaassinissaq Aarhussalenimi ingerlanneqaqqillunilu Københavnimi Nordatlantens Bryggemi ingerlanneqassaq.
Assi: Grønlands Repræsentation.
Danmarkimi
sullivinnik ukiumoortumik saqqummersitsineq, Kalaallit Nunaata
Sinniisoqarfianit aaqqissuunneqartoq, 2026-mi marsip 28-aniit 29-anut
Københavnimi Aarhusimilu pissaaq.
– Nordatlantens Bryggemut, Kalaallit Nunaata Sinniisoqarfeqarfigisaanut,
2026-mi marsip 28-ani utissaagut. Ilinniartut akornanni 2025-mi sullivinnik
nittarsaassineq pillugu nittartakkatigut naliliisitsigatta tamanna
kissaatigineqarpoq, Mads Lumholt, Sinniisoqarfimmiit sullivinnik
nittarsaassinernut, pikkorissartitsinernut pikialaartitsinernullu akisussaasoq
oqaluttuarpoq.
NIttarsaassineq 2025-mi Hotel Scandicimi Københavnimiittumi
ingerlanneqarpoq.
Isersimaartarfik
Ukioq manna
saqqummersitsinermit naliliineq naapertorlugu Københavnip saniatigut
Aarhussalen nittarsaassivittut aamma ilinniartunit nuannarineqarsimavoq,
taamaammallu tassani sullivinnik nittarsaassinissaq marsip 29-ani
ingerlanneqaqqissaaq. Ilinniartulli inimik eqqissisimaarfigisinnaasaminnik
nuannisarfigisinnaasaminnillu amigaateqarput, taamaammat aaqqissuisut
neriniartarfik sanianiittoq Pincho Nations ualikkut sisamat tungaanut
isersimaartarfissatut attartorpaat.
Aarhusimi aaqqissuisut aamma neriniartarfik Pincho Nationsip isersimaartarfia, Aarhussalenip saninnguaniittoq, attartorsimavaat. Tassani ilinniartut ualikkut sisamat tungaanut isersimaarujoorlutillu nuannisarsinnaapput.
Assi: Pincho Nations
– Tassani
ilinniartut allallu suliffissarsiortut sulisitsisussanik naapitsisinnaassapput,
aamma nunatsinni inuussutissarsiornermit sinniisut oqaloqatigisinnaavaat,
taakkulu suliffittaarnissamut, sullivimmik misiliinissamut, aasaanerani
atuanngiffeqarnermi suliffigisinnaasanut imaluunniit inaarutaasumik
allaaserisaqarniarnermi attavissatut ikiuussinnaapput, Mads Lumholt
oqarpoq.
Qulequtaq sullivissallu
Sullivinnik nittarsaassineq ukiut siulii assigalugit marlunnik anguniagaqarpoq.
Siulliit tassaapput kalaallit Danmarkimi ilinniagaqartut, aappaallu
tassaallutik sulisussatut piukkunnaatillit – amerlanertigut qallunaat –
Kalaallit Nunaanni tamarmi atorfinnut kajungilersinneqarsinnaasut. Tamatuma
saniatigut soorunami nunarsuarmi politikkikkut pissutsit saqqummersitsinermut
annerusumik minnerusumilluunniit attuumassuteqarput, Mads Lumholt oqarpoq.
Suliffeqarfiit peqataasartut tassaakkajupput Royal Greenland,
Nukissiorfiit, Kommuneqarfik Sermersooq, Air Greenland, Avannaata Kommunia,
Kommune Kujalleq, Royal Arctic Line, Jobs.gl, Isumaginninnermut Aqutsisoqarfik,
Mittarfeqarfiit, Tusass, Qeqqata Kommunia, Naviair, Sulisitsisut, Niuernermik
Ilinniarfik, Isumaginninnermut Aqutsisoqarfik allarpassuillu.
Sullivinnik nittarsaassinissaq Københavnimi ukiut marlussuit Hotel Scandicimi ingerlanneqartareerluni Nordatlantens Bryggemut uteqqissaaq. Assi: Kalaallit Nunaata Sinniisoqarfia.
Assi: Rebel Photography/Grønlands Repræsentation
Tamatuma
saniatigut Kalaallit Nunaanni suliffissaqarneq pillugu saqqummiisoqarlunilu
oqallittoqassaaq, aammattaarlu nipilersortoqarlunilu allarpassuarnik
aliikkusersuisoqassaaq.
