Unnerluutigineqartoq S eqqusseriarnerni iluatsinngitsuni marlunni, tamarmik ukiunik sisamanik qaammatinillu arfinilinnik pineqaatissiissutigineqartuni, peqataasimasoq unnerluussisoq isumaqarpoq.
Eqqusseriaraluartut tassaapput angut arnarlu. Arnarlu siulliulluni uppernarsaasutut oqaluttuartinneqarpoq.
Unnerluutigineqartoq S eqqusseriarnerni iluatsinngitsuni marlunni, tamarmik ukiunik sisamanik qaammatinillu arfinilinnik pineqaatissiissutigineqartuni, peqataasimasoq unnerluussisoq isumaqarpoq.
Eqqusseriaraluartut tassaapput angut arnarlu. Arnarlu siulliulluni uppernarsaasutut oqaluttuartinneqarpoq.
Arnaq 50-it sinnerlugit ukiulik Danmarkimi siorna pineqaatissinneqarnikuunini paarnaarussaassutigigamiuk internetsi atorlugu isigalugu oqaluttuartinneqarpoq. Taanna Kangerlussuarmi 2024-mi maajip 25-ani nalaatsornikkut misissuisoqarnerani kokainimik 209 gramimik anngiortumik eqqussiniartoq tigusarineqarpoq.
Ikinngutini tikeraaraa
Arnap apersorneqarnerata aallartinnera Kalaallit Nunaannut tikeraarneranut tunngavoq. Tigusarineqarnissaa sapaatit akunnialunnik sioqqullugu maajup aallartinnerani pivoq.
UNNERLUUSSUTIT
S 44-nik ukioqarpoq Odensemilu inunngorsimalluni. S-ip ukiuni qulini pineqaatissinneqarnissaa unnerluussisumit kissaatigineqarpoq. S unnerluutigineqarpoq kokainimik katillugit 488,5 gramimik cannabisimillu naatitsinermut peqataasimasutut. Taanna pisuunnginnerarpoq.
N 37-nik ukioqarpoq Nuummilu inunngorsimalluni. N-ip ukiuni sisamani pineqaatissinneqarnissaa unnerluussisumit kissaatigineqarpoq. N 112 gramimik kokainimik tigummiaqarsimasutut unnerluutigineqarpoq, taannalu S-imit tuniniagassatut pissarsiarisimassaagaa ilimagineqarluni. Unnerluutigineqartup taamaattoqannginnerarpaa, kisianni 30 gramimik nammineq atugassarisimanerakkaminik pisinini nassuerutigalugu.
Ikiaroonartulerinermut tunngatillugu unnerluutigineqarnermik saniatigut angutit pineqartut tamarmik immikkut sioorasaarisimasutut unnerluutigineqarputtaaq, taamatuttaq N tarnikkut persuttaasimasutut unnerluutigineqarpoq. Unnerluussissutaasunut aamma taakkununnga pisuussuteqannginnerarput. Eqqartuussineq sioqqullugu tamarmik Nuummi pineqaatissinneqarsimasunut inissiisarfimmi tigummigallarneqarput.
- Ikinngutigilluagara tikeraarpara, oqarpoq.
Ikinngutigilluagaa taannaavoq angut Kangerlussuarmi kokainimik 167,5 grammimik nassataqarluni kingusinnerusukkut tigusarineqartoq.
Arnap tikeraarnermini pinerluttuliorniarsimannginninni naqissuserpaa. Angut taanna tikeraarniaannarsimavaa.
Arnap angalanissaanut billetsinik pisinissaanut kina ikiuussimanersoq unnerluussisup Brian Viholtip oqaluttuukkusuppaa. Politiit Air Greenlandimut paasiniarnikuuaat. Tassani timmisartumut bilitsit aappaa aningaasanik akiliilluni pisiarineqarsimagunarpoq, digitaliusumimmi takussutissartai amigaatigineqarput.
Angut ajunngitsoq
Angutip akiliutaatigut aqqa paasisimallugit ilisimannittup uppernarsarpaa, eqqartuussivimmili taakku pillugit nassuiaarusuppallaanngilaq.
Unnerluutigineqartorli S ilisarisimasaralugu Nuummilu naapissimallugu uppernarsarpaa. Nammineq pinerlunnerminut S allalluunniit peqataasimasutut taanngilai.
- Ajunngitsuliortuuginnaroq Nuummilu mittarfiliaallunga, oqarpoq.
Politiit oqarasuaatikkut attaveqatigiinnerisa ilaat pigaat. Arnap S-i Telegrami atorlugu sooq attaveqatigisimanerlugu iluamik akissuteqarfiginngilaa. App-i taanna attaveqatigiinnernut paasiuminaallisaanissamut tulluartuuvoq. App-i taanna inunnit nakkutigineqarnissamik ernumassuteqartunit atorneqarajuppoq, soorlu tusagassiortunit pinerluttunilluunniit. S-ip Facebook Messengerimut isertaatini puiortuaannarini siusinnerusukkut nassuiaatiginikuuaa.
Akisussaaffik tamaat tigugaa
Arnap nammineq oqarnera naapertorlugu kokainimik taama annertutigisumik 2024-mi upernaakkut anngiortumik eqqussinissani ilisimasimanngilaa. Taamani sianiissalikaarsimanini ugguaraa.
- Ukiuni sisamani affarmilu pineqaatissinneqassutissannik iliuuseqartinnanga paasiniaallunga apersuinerusimannginnera uggorisarpara. Akueraarali, allallu sinnerlugit oqaaseqarsinnaananga, oqarpoq.
Aningaasanik pisariaqartitsinermini 40.000 koruuninik neqeroorfigineqarsimanini arnap siusinnerusukkut oqaluttuaraa. Kokaini timaaniittoq, 2025-mi aningaasat nalingi Kalaallit Nunaanni Politiit missingiutaat aallaavigalugit, naliga 600.000 koruuniuvoq.
