KL

DK

Múte Trumpimut: Kalaallit Nunaat kalaallit pigaat

Kalaallit Nunaat tuniniarneqanngitsoq Naalakkersuisut siulittaasuata IA-meersup Múte B. Egedep erseqqissaqqippaa.

Naalakkersuisut siulittaasuat, Múte B. Egede (IA), Donald Trumpip Kalaallit Nunaat pillugu oqaaserisai kingulliit pillugit qisuariarpoq.
Thomas Munk Veirum tusagassiortoq
Saqqummersinneqarpoq

Donald Trump marlunngornermi unnukkut Kongressimi oqalugiarnermini Kalaallit Nunaat pillugu nutaanik nalunaaruteqarpoq.

Oqalugiaammi Trumpip USA-p Kalaallit Nunaat tiguarumaaraa qularutiginagu, Trumpip oqarnera naapertorlugu tamanna nunap isumannaatsuuneranut tunngatillugu pisariaqartoq ilaatigut oqaatigaa.

Naalakkersuisut IA-llu siulittaasuata Múte B. Egedep oqaaseqaatit nutaat Facebookimi qisuariarfigai, tassanilu Trumpip qanillattornera ilumuunnginnerarpaa:

- Kalaallit Nunaat kalaallit pigaat. Amerikarmioorusunngilagut, danskiunianngilagut kalaaliuvugummi, Múte B. Egede allappoq nangillunilu: 

- Tamanna amerikarmiut siuttuatalu paasisariaqarpaat, pisiassaanngilagut aamma qulaatiinnagassaanngilagut. Nunattami siunissaa, nunatsinni uagutsinnit aalajangerneqassaaq.

Trumpip oqalugiaammini USA-p Kalaallit Nunaata siunissaanik namminneq aalajangiisinnaanerat tapersersorlugu, aamma USA-p Kalaallit Nunaat USA-mut ilaasutut tikilluaqqunissaanut piareersimasoq ilaatigut oqaatigaa.

- Paarisassavasi, pisuunngortissavassi ataatsimoorlutalu Kalaallit Nunaat siumukartissavarput, Trump oqarpoq, qanorli taamaaliorniarnerluni oqaatiginngilaa.

naalakkersuisut national sikkerhed grønland donald trump samfund múte b. egede

Atorfiit tamaasa takukkit

– Se alle jobs

Powered by Labrador CMS