Naleraq Ilulissat ilinniartoqarfinngorusunneranut: Avannaanut pisariaqartoq

Ilulissat GUX-eqalerlunilu inuussutissarsiornikkut ilinniarfeqalissava imaluunniit naagga?

Siullermik Avannaata Kommunia illoqarfittut ilinniartoqarfinngorniarluni kissaateqareersoq Kommune Qeqertalik akerliulluni akuleruppoq.

Maanna Naleraq akuleruppoq.

Jens NapãtôK´Avannaata Kommuniani kommunalbestyrelsimi Inatsisartunilu ilaasortaasoq, Kommune Qeqertaliup akerliliinera akerlilerpaa:

- Borgmesteri Simigaq Heilmann kaammaattorpaatigut piviusorsiornerusariaqartugut Ilulissat ilinniartoqarfiorusulluni GUX-imik inuussutissarsiornermullu ilinniarfimmik pilertitsinissaanut tunngatillugu tassungalu tunngatillugu taamatut oqarneq akisariaqarsoraara:

- Piviusorsiornerunngila siunissamut aningaasaliilluni pisariaqartitsineq annerpaaq aningaasaliiffigigaanni siunissamilu ilinniarsimasut amerlanerit pissarsiaralugit?

Jens NapãtôK´ isumaqarpoq nunatsinni Avannaata Kommuniani ilinniarsimasut ikinnerpaasut.

- Avannaata Kommunia ullumikkut ilinniagaqarsimanerup appasinnerpaafigalugu inissimaffigaa tamannalu sumiiffimmut ajornatorsiutaagani nunarput taamat isigalugu anguniagqarfigalugu suliassaavoq, tamannalu pisariaqarpoq sapiissuseqarluni suleqatigiilluni aaqqiiffiginissaa pisariaqartinneqarpoq aporfilersorniarsareqqinnagu.

- Inuusuttut innuttaasut Qaanaami Upernavimmi Uummannamilu ukiorpassuit killeqartumik periarfissaqartarnerat takornartaanngilaq angalanerup periarfissarsineqarnerata killeqartarnerat aporfiusarsimasut annertoqaat aaqqiiffiginairneqartanngitsut. Ilinniareernermi suliffiit allallu aamma killilersorneqarneri ilutigalugit avannaanut uteqqittaanngitsut arlaqarput tamannalu kulturikkut aningaasarsiornerikkut allatigalugu periarfissanik killilersuivoq avannaa tamaat eqqarsaatigalugu.

Taamaattumik Ilulissat ilinniartoqarfittut nukittorsarneqarnissaa pisariaqarsoraa.

-  Aasiaat illoqarfiillu allat unammillerlugit pinnagit, kisianni periarfissat amerlanerulerluni tapertatut isigiinnarnagu inuusuttut amerlanerusut ilinniarnissamut angerlarsimaffimminut qanittumiiginnarsinnaalluitk toqqagassaqarnerulerlutik periarfissaat qulakkeerneqassammat.

Ilulissat nukittorsarneqarmat Qeqrtalik nukittorsarneqassaaq

Jens NapãtôK´ isumaqarpoq kommunimi killeqarfiit kisiisa eqqarsaatiginagit, periarfissat isiginiarneqartariaqartut.

- Ilulissat ilinniartoqarfinngorneranik inerisaaneq nukittorsarneqarneratalu kingunerisussaavaa Qeqertalimmut minnerunngitsumillu nunatsinnut annertuumik iluaqutaalernissaa.

- Qeqertalimmeersut inuusuttuaqqat najugarisaminnut qaninnerusut periarfissanilluunniitr nutaanik pissarsiffigisinnaangorneranik aqqutissiuisusssaavoq. Mittarfittaassap tikinneqarsinnaanera atorluarlugu inerisagassaavoq. Ineqarfissat periarfissarsiugassaapput, tamakkulu tamaasa nunatsinnut iluqautaasumik inerisaanermik kinguneqartussaapput.

-  Periarfissanik pitsaasunik aqqutissiuniarneq borgmesterip Simigaq Heilmannip assortormagu tupigasuutigaara. Aasiaanni illoqarfiup fabrikkia matuneqanngujoorluni inisseqqasoq pillugu sooruna nipiliuutiginagu kommunit periarfissarsiortut pivisusorsiortumik anguniagaqartut pivisusorsiunnginnerarlugit oqaluttoqalersoq?