Nuummi ujajaasoqarsimaneranik takunnissimasinnaasut ujarneqartut

Kalaallit Nunaanni Politiit sapaatip akunnerata naanerani pisumut takunnissimasinnaasunik ujaasipput,

Tamanna pivoq Nuummi Akunnerit aqquserngani arfininngornermi februaarip 22-anni ullaakkut sisamat tallimat akornanni.

Tassani angutip mobilia tillinneqarsimavoq, pigaartut pisortaat Kasper Homann Sermitsiamut oqarpoq.

Oqarasuaat nassaarineqareerpoq, politiilli ujajaasoq suli tigusarisimanngilaat.

Angut kalaallisut oqaluttoq 170-175 centimeterisullu angissuseqartoq qernertumik kavaajaqarpoq qernertunillu qarleqarluni, naatsunik taartunik nujaqarluni.

Angut pinerliisoq arnanik marlunnik, politiinit aamma oqaloqatigineqarnissaannut soqutigineqartunik, ilagisaqarpoq.

Paasissutissaateqaruit politiinut saaffiginnissinnaavutit uunga: 70 14 48.