Sisimiuni aallaasersortoqarnerata kingorna angut 24-nik ukiulik ingerlaannaq eqqartuunneqarpoq

Angut 24-nik ukiulik ataasinngormat eqqartuussivimmut sassartinneqarami nassuerpoq, tamatumalu kingunerisaanik ingerlaannaq eqqartuunneqarpoq.

Kalaallit Nunaanni Politiit naapertorlugit, Sisimiuni Kussangasuni marlunngornerup unnuaani ilaatigut aallaasersortoqarpoq.

Politiit marlunngornermi ullaaralaakkut Facebookimi quppernerminni nalunaarput pisumut atatillugu inuk ataaseq tigusarineqartoq.

Tigusarineqartoq inatsisit tunngaviusut naapertorlugit killisiorneqarpoq, nakuusersimanerminullu pisuusutut nassuerpoq.

Angut 24-nik ukiulik eqqartuussut malillugu ingerlaannaq ukiuni marlunni pineqaatissinneqarsimasunut inissiisarfimmut inissinneqarpoq.

Politiit suliaq pillugu sukumiinerusumik oqaaseqarumanngillat.