KL

DK

Sisimiuni qinersiartortut amerlasut

Ullormi qinersivimmi Sisimiut silageqaluni seqinnarippoq. Qinersivimmi Taseralimmi innuttaasut, inuusuttuniit utoqqarnut, nuannaaqalutik qinersiartorput Nalunaaqutaq aqqaninngortoq innuttaasut 633-it taasiartorsimapput. Qinersivimmut kingullermut, 2021-imut sanilliullugu 5,5%-imik amerlanerullutik. Sisimiuni qinersisinnaatitaasut 3.947-upput.

Tôrtia Reimer-Johansen Journalist
Offentliggjort

Qinersivimmi innuttaasut nuannaaqisut takussaapput. Seqinnarippoq. Taseraliullu silataani qineqqusaartut, partiit tamarmik immikkut nipilersuuserlutik nuannisaartut takussaapput.

Ulloq qinersivik soqutigineqarluarpoq.

Qinersivimmi aqutsisoq, Karl Berthelsen, Sermitsiamut oqaluttuarpoq, qinersivik ullaaq nalunaaqutaq qulingiluanut ammarmat nuannersimaqisoq.

- Ulloq qilanaarinikooqaarput. Aamma pissanganarpoq tusagassiortut nunanit allaneersut malinnaammata. Tamanna misiginikuusimanngilarput.

Taassuma naatsorsuutigaa ullup qeqqarnerani soraarfiullu nalaani innuttaasut suli amerlanerit taasiartorumaartut.

- Neriuppunga innuttaasut suli amerlasuut qinersiartorluarumaartut. Silageqaarmi.

Kisitsisit uani ataani takuneqarsinnaapput nalunaaqutaq aqqarngup nalleraa qinersisinnaatitaasut 633-ii taasiartorsimasu. Kingullermik 2021-imut sanilliutissagaanni taasiartortut 419-iinnaapput.

sisimiut samfund karl berthelsen inatsisartut valg 2025 stemmeprocent valg taseralik

Atorfiit tamaasa takukkit

– Se alle jobs

Powered by Labrador CMS