Angutit inuusuttut marluk 23-nik 21-nillu ukiullit – Sisimiuni najugaqartut politiinillu eqqartuussisunillu ilisimaneqareersut – pillugit suliat qulingiluat juunip 10-ani 11-anilu Qeqqata Eqqartuussiviani suliarineqarput.
Angut 23-nik ukiulik tillikkanik tigunniaqarsimasutut, angerlarsimaffimmi ujajaariaraluarsimasutut, ilisimannittunik siorasaarisimasutut, ikiaroornartunillu tigummiaqarsimasutut eqqartuunneqarpoq, ukiunilu marlunni qaammatinilu sisamani pineqaatissinneqarsimasunut inissiisarfimmiittussanngorlugu eqqartuunneqarluni.
Angutit inuusuttut marluk 23-nik 21-nillu ukiullit – Sisimiuni najugaqartut politiinillu eqqartuussisunillu ilisimaneqareersut – pillugit suliat qulingiluat juunip 10-ani 11-anilu Qeqqata Eqqartuussiviani suliarineqarput.
Angut 23-nik ukiulik tillikkanik tigunniaqarsimasutut, angerlarsimaffimmi ujajaariaraluarsimasutut, ilisimannittunik siorasaarisimasutut, ikiaroornartunillu tigummiaqarsimasutut eqqartuunneqarpoq, ukiunilu marlunni qaammatinilu sisamani pineqaatissinneqarsimasunut inissiisarfimmiittussanngorlugu eqqartuunneqarluni.
Suliami ilaatigut paasinarsivoq februaarimi 2024-mi Ilulissani mittarfimmi timersornermut taskimini 121.500 koruuninik aningaasaateqarsimasoq. Aningaasat arsaarinnissutigineqarput.
Aammattaaq hashimik 0,45 grammimik tigummiaqarsimasutut eqqartuunneqarpoq, angerlarsimaffimmilu ujajaaniarnermini inummut nakuuserfigisaminut 8.000 koruunit sinnerlugit taarsiisussanngortinneqarluni.
Unnerluutigineqartoq 21-nik ukiulik arlaleriarluni nakuusersimasutut, inunnut tunngasunik assimik siammarterisimasutut, kannguttaatsuliorsimasutut, angerlarsimaffimmi ujajaariarsimasutut ilisimannittumillu siorasaarisimasutut eqqartuunneqarpoq.
Ujajaariarneq nakuusernertalik
Siorna inuiattut ullorsiornitsinni inissiap matuanut sakkortuumik sakuttortoqarpoq, matulu ammarneqanngimmat igalaat arlallit unnerluutigineqartunit sequmineqarput. Inissiamik attartortoq niaqukkut arlaleriarlugu tilluarneqarpoq qungasiatigullu toqqusassineqarluni. Pinerlineqartoq akiuunnermigut inissiamit qimaavoq.
Pisimasumi allami unnerluutigineqartut marluk inissiamut iserput, tassan pinerlineqartoq niuatigut qisummik arlaleriarlugu annersinneqarpoq savimmillu siorasaarneqarluni. Pinerlineqartoq inissiamit qimaanissaminut iluatsitsivoq.
Ukiuni marlunni qaammammilu ataatsimi pineqaatissinneqarsimasunut inissiisarfimmiittussanngortinneqarpoq. Savik ukusartoq angerlarsimaffimmi ujajaariarsimasutut atugaa arsaarinnissutigineqarpoq.
Unnerluussaaqatinilu angerlarsimaffimmi ujajaariarnerminni nakuuserfigisaminut 8.000 koruuni sinnerlugu taarsiissuteqassapput. Asserlu Snapchatsikkut siammarterneqarneranut inummut 5.000 koruuninik taarsiisussanngorluni.
Sisimiut nakuuserfiusoq
Sisimiuni nakuusernerit Sermitsiap malinnaaffigisimavai, oqaluttuarisinnaavarpullu pineqaatissinneqarsimasut taakku marluk inuusuttut Sisimiuni ukiuni kingullerni marlunni nakuusernernut arlalinnut peqataasimasut ilagigaat. Nakuusernernut atatillugu siornatigut eqqartuunneqarsimasut arlallit pineqaatissinneqareerput.
