Trump kalaallinut: – Pisuunngortissavassi
USA-p Kalaallit Nunaat aqussinnaalissagaa USA-p præsidentiata Donald Trumpip upperaa. Taama oqarpoq Kongressimi oqalugiarnermini, tassanilu aamma kalaallit toqqaannartumik ima saaffigalugit:- Pisuunngortissavassi.
Donald Trump, uani præsidentitut ivertinneqarnermi kingorna siullermeerluni Kongressimi oqalugiarnermini.
Assi: Evelyn Hockstein/Reuters/Ritzau Scanpix
- Isumaqarpunga pissarsiariumaaripput. (Kalaallit Nunaat, aaqq.) Arlaatigut pissarsiariumaarparput, USA-p præsidentia Donald Trump pingasunngormnerup unnuaani siullermeerluni Kongressimi oqalugiarnermini oqarpoq.
Oqalugiarnermini oqariartuutigisimasani aammattaaq uteqattaarpaa, tassa USA-p nunap iluani nunanilu tamalaani isumannaatsuuneq eqqarsaatigalugu Kalaallit Nunaat pisariaqartikkaa.
Oqalugiaammi tassani præsidentip kalaallit toqqaannartumik saaffigai.
- Siunissassinnik nammineq aalajangeerusunnissinnik tapersersorpassi. Piumagussi USA-mut ilaalernissassinnut tikilluaqquassi, Trump oqarpoq.
Trump: Paarisavassi
- Paarisassavasi, pisuunngortissavassi ataatsimoorlutalu Kalaallit Nunaat siumukartissavarput, Trump nangilluni oqarpoq.
Trumpip decembarimi inuit attaveqaqatigiittarfianni, Truth Socialimi, Kalaallit Nunaata kimit pigineqarneranik aqutsineqarneranillu eqqarsaatini saqqummiummagit qeqertaq kimit pigineqarnersoq apeqquserneqarluinnarpoq.
Kingornatigut arlaleriarluni qeqertaq pigilerusullugu nalunaartarpoq.
Præsidentip kissaataa naalakkersuisut siulittaasuannit Múte B. Egedemit ministeriunermillu Mette Frederiksenimit (S) itigartinneqarpoq.
Donald Trumpip præsidentitut siullertut atuuffimmini Kalaallit Nunaata pisiarinissaa 2019-imi siullermik eqqartorpaa.
Kongressimi oqalugiarnera oqalugiaatini takinerpaat ilagaat, tassani ataani aallassimasut præsidentip ilaatigut eqqaavai:
Akitsuutit pillugit mianersoqqussutit:
Ukraine:
Inunnit iluarineqarneq:
USA eqqortumut ingerlasoq amerikamiut amerlanersaat ukiuni kingullerni siullerpaamik isumaqartut Trumpip oqalugiarnermini oqaatigaa. USA maannakkorpiaq kukkusumik ingerlasoq amerikamiut 49 procentii isumaqartut, 34 procentillu nuna eqqortumut ingerlasoq isumaqartut Reuters/Ipsos-ip misissuinerata kingulliup takutippaa.
Manniit akii:
Muskimut asanninneq:
Teknologiilerinermi milliardæri Elon Musk, Trumpip Doge-mik ingerlatsivimmik pitsanngorsaanermut akisussaasutut toqqagaa, pingasunngornerup unnuaani USA-mi Kongressimi politikkerit akornanniippoq. Trumpip Doge-mi suliniuteqarnera pillugu oqalugiarnermini nersualaarpaa, politikkerillu Republikaneriusut pisooq nikuillutik ersaartaatigaat.
Demokraati anisitaasoq:
Trumpip oqalugiarnerata nalaani minutsialuit ingerlareersut Demokraatineersoq Al Green oqaluttarfimmit anisitaavoq. Al Green, Repræsentanternes Husimi ilaasortaasoq, arlaleriarluni mianersoqquneqaraluarluni ingikkumananilu nipangerumanngilaq. Nilliaannaavippoq. Tamanna Repræsentanternes Husimi siulittaasumut Republikanerimut Mike Johnsonimut naammalerpoq, taassumalu Demokraatineersoq anisitippaa.
Kilitsissiaq 13-inik ukiulik:
Trumpip oqalugiarnermini nukappiaraq 13-inik ukiulik præsidentip isumannaallisaaneranut akisussaasumut kilitsissiatut atorfinitsippaa. Nukappiaraq qaratsamigut kræftimik nappaateqarsimavoq, politinngornissanilu takorloortuaannarsimavaa, Trump oqarpoq.
Oqalugiarneq:
Trumpip oqalugiaataa ersaartaattarnernut najuuttut qisuariarnerinut unillatsiarnerit ilanngullugit nalunaaquttap-akunnera ataaseq minutsillu 40-t missaanni sivisussuseqarpoq. Oqalugiarneq minnerpaamik ukiuni kingullerni 60-ini præsidentit Kongressimut oqalugiartarnerini taamaalilluni takinerpaavoq. The American Presidency Project taama allappoq.
Tigulaariffiit: Reuters, AFP, CNN, CBS News
