Amerikamiut aamarsuarsiorfinni sulisut marlunngornermi Det
Hvide Husimi atsioqatigiinnermut qaqortunik niaqorornaveeqquteqarlutik
aaqanngitsunillu akisuttunik atisaqarlutik, Amerikami præsidentip illorsuani
persuarsiorluni atsioqatigiinnissamut sapaatip akunnerani kingullermi
marlunngornermi qaaqquneqarput.
Tassanimi Donald Trumpip ”USA-p aamarsuaannik kusanartunik
minguitsunillu” piiaanermik aallartitseqqinnissamut peqqussut atsiorpaa,
tamatumani anguniagaalluni aningaasarsiornikkut atugarissaaarnerup nunallu
isumannaatsuunissaata qulakkeerneqarnissaa inuuniarnermilu aningaasartuutit
appartinneqarnissaat”.
Amerikamiut aamarsuarsiorfinni sulisut marlunngornermi Det
Hvide Husimi atsioqatigiinnermut qaqortunik niaqorornaveeqquteqarlutik
aaqanngitsunillu akisuttunik atisaqarlutik, Amerikami præsidentip illorsuani
persuarsiorluni atsioqatigiinnissamut sapaatip akunnerani kingullermi
marlunngornermi qaaqquneqarput.
Tassanimi Donald Trumpip ”USA-p aamarsuaannik kusanartunik
minguitsunillu” piiaanermik aallartitseqqinnissamut peqqussut atsiorpaa,
tamatumani anguniagaalluni aningaasarsiornikkut atugarissaaarnerup nunallu
isumannaatsuunissaata qulakkeerneqarnissaa inuuniarnermilu aningaasartuutit
appartinneqarnissaat”.
Trumpip allaffeqarfianit oqaatigineqartut naapertorlugit,
USA-mi aamarsualerujussuuvoq, taakkulu akikinnerullutillu aamma sila
qanorluunniit ikkaluaraangat atorneqarsinnaallutik. Tamatuma saniatigut
oqaluttuarisaanermi aamarsuarsiornermi Amerikamiunik hunnoruju tusindilikkaanik
sulisoqartarsimavoq.
Aamarsuit mineralitut pingaarutillit
USA-mi nukissiornermut ministerip Chris Wrightip, Pituffimmut
sakkutooqarfimmut qanittukkut tikeraartup, nunami namminermi ministeri Doug
Burgum niuernermullu ministeri Howard Lutnick suleqatigalugit aamarsuit
isumalluutitut atorsinnaanerannik misissuissapput, nalilersuissallutillu aamma aamarsuarsiorfinnut
aningaasaliinissamut politikinik malittarisassanillu akornutaasunik
atorunnaarsitsinissamut qanoq iliuuseqartoqartariaqarneranik
nalilersuissallutik. Aammattaaq nalilerneqassalluni aamarsuit saviminermik pilersitsinermi
atorneqarsinnaanersut aamma mineralitut pingaarutilittut toqqarneqarnissaannut
piumasaqaatit naammassineqarsinnaanersut.
Nunatta aatsitassai
Amerikamiup niuertup ingerlatseqatigiiffimmilu Greenmet-imi
pisortap, Drew Horn-ip – qineqqusaarnermi Nunatsinnut tikeraartup, piffissamilu
qaninnermi tikeraaqqinnissaminik pilersaaruteqartup oqaatigaa – Trumpip
peqqussutissaa ”siunissami nukissiornerup ineriartortinnissaanut
alloriarnerusoq pingaarutilik“. Drew Hornip oqaatigaa, aamarsuarnik
nukissiorfiit immikkoortinneqarnissaat, paatsuuinernik pisoqaavallaartunik
eqqunngitsunillu tunngaveqarluni naleqqunngitsut.
”Aamarsuarnik mingutsitsinngitsumik nukissiornerup iluani
teknologiikkut siuariarnerit akuerineqarnissaat sivisuumik utaqqineqarsimavoq,
aqagulu nukissiornermut takorluukkanut ilanngunneqarnissaat
utaqqineqarsimalluni,” Drew Horn LinkedInimi allappoq.
Qinnuteqaammik tigusaqarsimanngitsoq
Drew Hornip suliffeqarfiutaata GreenMet-ip Amerikamiut
Australiamiullu suliffeqarfiutaannik Critical Metals Corp-imik suleqateqartup,
maanna Tanbreez, Killavaat Alannguanni saffiugassanik qaqutigoortunik
piiaanissamut akuersissutaateqartoq, pisiarinialerpaa.
Tanbreezip piiaanissamut akuersissutaanik
toqqaannartumik toqqaannanngitsumilluunniit Critical Metals Corp-imut
tunniussinissamik qinnuteqaataanik Aatsitassarsiornermut Naalakkersuisoqarfik
suli tigusaqarsimanngilaq. Ingerlatseqatigiiffimmullu inatsisit naapertorlugit
tunniussisoqaraluarpalluunniit, tamanna aatsitassanut inatsit naapertorlugu
Naalakkersuisunit akuerineqaqqaartariaqarpoq. Tanbreezip piiaanissamut
akuersissutaani aatsitassat sorliit piiarneqarsinnaanersut eqqarsaatigalugit,
oqartussat aamarsuarnik piiaanissamut akuersissuteqarsimanngitsut,
aatsitassanut naalakkersuisoqarfik Sermitsiamut ilisimatitsivoq.
