Trumpip Kalaallit Nunaanni sakkutuulersornissaq itigarteqqinngilaa

USA-p præsidentiata Donald Trumpip NBC News-imit apersorneqarnermini Kalaallit Nunaanni sakkutuulersornissaq mattutinnginnerarpaa.

Trumpip apersorneqarnermini Canadamut tunngasunik apersorneqarpoq, aamma sakkutuulersornikkut pissaaneqarniarluni eqqarsarnersoq aperineqarpoq.

Canadamut tunngatillugu taama pisoqarnissaa ilimaginngikkini oqaatigaa.

Kalaallit Nunaalli pillugu ima oqarpoq:

- Taamaattoqarsinnaavoq, Kalaallit Nunaannut arlaannik susoqarsinnaavoq. Unneqqarissaanga — nunap nunallu akornanni isumannaallisaaneq eqqarsaatigalugu tamanna pisariaqartipparput. Kisianni ilimanaateqanngissinnaasoq isumaqarpunga.

USA 1951-imi Danmarkip USA-llu illersornissaq pillugu isumaqatigiissutaat tunngavigalugu Kalaallit Nunaanni annertuumik inissisimareerpoq.

/ritzau/