KL

DK

Angutit utoqqasaat isikkamik arsaallutik pissartanngorniunnerat Nuummi aallartinneqarpoq

Ataasinngornermiit arfininngorneq ilanngullugu Nuummi innuttaasut Nuup arsaattarfianut isiginnaariarsinnaapput, tassani angutit utoqqasaat nunatsinni pissartanngorniullutik unammisaqattaarnerat ingerlanneqassammat.

Jensine Berthelsen JOURNALISTI
Saqqummersinneqarpoq

Dommerip siggartaat aallartereerpaa Nuummi silami arsaattarfimmi angutit utoqqasaat isikkamik arsaallutik pissartanngorniunnerat aallartillugu.

Iligiikkaat arfineq pingasut, Ilulissat, Sisimiut, Nuuk aamma Narsaq sinnerlugit unammisaqattaassapput, naggataatigullu paasinarsissaaq klubbi sorleq ukioq manna angutit utoqqasaat pissartanngorniunneranni ajugaassanersoq.

Ataasinngornermi Nal. 15:00 unammineq siulleq aallartinneqarpoq, NÛK 1 aamma NÛK 2 unammillutik aallartimmata.

ukioq manna angutit utoqqasaat unammersuarnerannut atatillugu pisortatigoortumik  ammaanersiorneq pissaaq ataasinngornermi unnukkut nal. 18:00.

PULJET GM-IMI ARSAANNERMI OLDBOYS

Pulje 1

  • NUK 1 
  • NUK 2 
  • SAK 
  • GSS

Pulje 2

  • B-67
  • N-48
  • N-85 NUA 
  • S-68

Pingasunngorneq juulip 16-iat ilanngullugu puljekkaarluni unamminerit ingerlanneqassapput. Tallimanngorneq juulip 18-iat inissitsiterluni unamminerit aallartissapput, arfininngornermilu nal. 15:00 finali aallartissaaq.

Unammersuarnerit pillugit sukumiinerusumik ugguuna paasisaqarsinnaavutit.

timersorneq gm oldboys arsaaneq nuuk

Atorfiit tamaasa takukkit

– Se alle jobs

Powered by Labrador CMS